早前李daddy生日因為比較忙而無特別去慶祝，適逢就到父親節，於是就來一個why not both的2人晚餐啦！ 咁食咩好？難得可以2人世界，就想試下新嘢，今次就簡咗Beerliner 去食個滋味德國菜！ 首先地點位於屯門市廣場，位置都算易搵到。餐廳的裝修融合古典建築風格及新穎裝潢, 既有傳統特色又有潮流的打卡元素，作為慶祝的一餐都唔失禮。 點擊圖片放大 前菜: ◎原生種番茄沙律 ($100) 三種不同種類的原生蕃茄都清甜可口，加上芝士汁及芝士粒，令到比較清淡的沙律味道變得十分豐富。仲有火箭菜及脆脆麵包，食起上嚟都幾有飽肚感。 ◎烤牛骨髓 ($113) 這個前菜比較少吃，一大條開半的牛骨上面裝著牛肉粒、紅蘿蔔粒、西芹粒及烘麵包。第一口食落去感覺有點像飲羅宋湯，肉是牛味十足，但汁的味道比偏咸一點。到試牛骨髓部份了，軟軟白白的牛骨髓牛味十分濃郁 (如果對牛肉普普通通的朋友真的考慮清楚)，再加上牛肉，配菜及麵包，真是令人滿足，但吃多了會有點膩。 ◎香煎紐倫堡腸 ($148) 食德國餐，又點會少得德國腸呢！本來對德國腸的印象就比較偏咸，是次的紐倫堡腸味道適中，加上有大量的酸菜，就算多食都唔覺得膩。配有兩款醬汁- 傳統芥末醬及甜芥末醬，我個人就鐘意甜芥末醬。 雖然腸唔算大條，但就比較粗身，6條的數量加上大量軟滑薯蓉，絕又係一碟飽肚之作。 ◎秘製德國頂級鹹豬手 ($253) 到主菜呢part，李daddy係有點掙扎，牛魔王當然對牛脂熟成黑安格斯肉眼扒虎視眈眈，但又覺得嚟到德國餐廳，點可以唔試下鹹豬手呢。鹹豬手上檯時亦不出所料，如其他菜一樣都是份量十足的。 打完相打下卡後，侍應生用純熟的手法將豬手切開，鮮嫩的鹹豬肉配上脆到卜卜聲的表皮，一度有食港式燒豬的錯覺。 雖然味道上有驚喜，但去到呢度菜，我哋都已經飽咗8,9成，所以最後都係食唔晒。 ◎維也納蘋果卷 ($68) 講到係人氣地道甜品，咁當然係要一試啦! (之前好想食芝士撻，好彩無叫，如果唔係應該更加食唔落) 酥皮無想像中的脆口但有十分香濃的肉桂味，蘋果。餡甜度十足，不過因為我本來就對蘋果批一般，所以覺得食餡普通好食。 雲呢拿味道雪芭入口即溶，最驚喜係雪糕除咗撒上果仁粒外，仲有爆！炸！糖！食落真係好鬼馬。 德國餐點可以唔點杯飲杯德國啤酒呢，幻想下去德國都好呀~ 酒精及非酒精飲品選擇一啲都唔少, 提供超過20款選擇，包括生啤、手工啤酒、果汁甜麥啤、無酒精啤酒等，搞到我心大心細咗好耐。 最後order咗: Erdinger Dunkel, German ($62) – 具有香甜麥味的黑啤，就算對於平時少飲啤酒的我都完全接受，無啤酒後期的苦味。 Hula Hoop ($62) – 酸酸甜甜，有豐富果味的沙冰，如果有小朋友嚟絕對係必點。 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ Beerliner German Bar And Restaurant 餐廳地址: 旺角分店:旺角亞皆老街 8 號朗豪坊 13 樓 05 號舖 屯門分店:屯門屯隆街 3 號屯門市廣場 1 期 3 樓 3227-3228 店 Facebook : @blog.ulifestyle @BeerlinerGermanBa rAndRestaurant IG: @ublog.hk @beerliner.hk
