早前參加 @ilovemama 送戲飛活動，好幸運得到《屁屁偵探電影: 梳乎厘島的秘密》&《深海大冒險 》戲飛，順便就同2位小姐去香港首家兒童主題影院- Candy Park by Cinema City朝下聖啦！咁岩呢個星期仲可以喺戲院飲食，今次仲唔係:屁屁偵探 X 兒童主題影院 X 爆谷 = 3重享受！首先介紹下【CANDY PARK BY CINEMA CITY】 :全港首個小朋友主題影院，亦係愉景新城嘅第一間影院。整個影院以樂園式嘅風格設計，夢幻獨特嘅裝潢，務求打造出一個屬於小朋友嘅夢幻世界! 影廳以色彩豔麗為設計主軸，營造出兒童天地嘅風格。其中一個影廳更是特別為小朋友 而設，務求讓小朋友們可以更舒服地享受電影時，又可以有特別嘅親子時光!如相所見啦，整間戲院都色彩繽紛，連廁所都係 (呢個就唔影啦~)，未入到去已經覺得好興奮。點擊圖片放大 今次就試下想試好耐嘅 kid friendly特長躺椅，畢竟都係得好少數戲院可以咁訓住睇，呢個亦係我簡呢間戲院的主要原因 (畢竟我都要轉3程車先嚟到........)點擊圖片放大 +2 難得撞岩可以放寬戲院內可以飲食，一定唔少得食爆谷啦!!! 眼見M size同L size只係相差$5，但份量起碼大一倍呀，當然要L size啦! (人多就是力量的概念 )點擊圖片放大 戲院內相對其他戲院嚟講規模就唔算大，銀幕感覺也有點小，但相對第一排的我們就無咁大壓迫感。當日係周末，但全院嘅人都係十個以內，雖然少咗啲熱鬧，但我哋食嘢就感覺安心啲。 再到另一個主角，屁屁偵探，成場2位小姐都笑聲不斷，覺得無敵咁好睇，(返屋企成餐飯都repeat住: 請恕我無禮，要放一個屁啦!)亦解開媽媽我一直的疑問: 究竟屁屁偵探點放屁！ 半場屁屁偵探好快過去，下半場係另一套卡通片深海大冒險。雖然未睇過呢套卡通片，不過都意外原來可以學到深海知識，係一套幾有教育性、搞笑得嚟又緊張的卡通片。〰️〰️〰️〰️〰️〰️〰️〰️〰️〰️地址:香港荃灣青山公路荃灣段398號D．PARK愉景新城 第一層1036 - 1045號舖網址 : http://www.cinemacity.com.hk/
