想行下有特色手作市集，又唔想日曬雨淋?咁呢個市集就岩晒你啦！呢個星期最後召集啦！ 以治癒及環保大自然 為主題，雲集超過 100個 精選本地 手作 品牌及親子工作坊。藉著是次活動，希望大家記得愛要及時，珍惜大自然及愛護地球資源！（活動受惠機構為非牟利組織「惜食堂」，宣揚「停止浪費 · 解決飢餓 · 以愛相連」的宗旨。）點擊圖片放大 售賣作品好多都為小店手作，非常有特色。2位好少shopping的小姐，基本上對咩攤位都十分有興趣，完全進入忘我境界。點擊圖片放大 +2 行到攰亦可到中場的人造草地坐低休息，好好hea返陣就再出發！ 大人可以坐低休息,小朋友可以繼續跑跑跳跳的一個自由空間！ 場內仲有誠品兒童館及editns bookshop，想買手作定想買書都無問題。bookshop仲做緊特價，由6折到85折不等。點擊圖片放大 2位姐姐一見到有車仔，即刻諗起屋企個車迷弟弟，大家姐仲即刻用自己零用錢買咗份禮物送比細佬，幾時都話有姐的孩子像個寶啦！點擊圖片放大 場內仲有誠品兒童館，岩晒鐘意睇書的小朋友 (唔鐘意就......更加要睇多啲, 哈哈)點擊圖片放大 呢個商場主打親子，場內仲有唔少打卡位可以影到靚相，一次週可以滿足N個願望。點擊圖片放大 唔少大型figure適合打卡點擊圖片放大 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~【SOHO Love Nature 慈善POP-UP 活動資訊】 日期｜4月30日至5月29日(逢週末及公眾假期) 時間｜中午12時至晚上8時 地點｜L1 D·PARK
