早前兩位姐姐終於許願成功，可以熱辣辣出發去沙灘玩沙又玩水。(其實沙+水中晒媽媽我的死穴……)但基於康文署沙灘仍然未開放，所以就唯有轉戰非康文署沙灘。首先要戴咗頭盔先，呢類沙灘都有共通的缺點，要考慮清楚先去>_<：》交通不算方便》沒有沖身設施》沒有洗手間》沒有救生員我就簡咗呢個比較近我 (減少體力支出)，又比較人少清靜的-小欖海灘 (又名小欖沙灘)出發。如果講到水清沙幼，呢度就比唔上西貢的海灘（我都好想去，但岩岩開學我哋體力不足），但呢度有個好吸引我嘅好處，就係.......少人！絕對岩晒想人少少清靜啲，又或者想帶狗仔去嘅朋友。如圖片所示啦，當日係平日，沙灘上只有數隻狗及主人，小朋友有2-3個。當然亦希望諒解，宜家呢個時勢，星期六日如果大家想去沙灘都迫住去少數非康文署沙灘，又難免人會多少少。點擊圖片放大 經過一疑似停車場的停車場 (究竟你哋明唔明我講咩, 哈哈)，一路直入就會見到沙灘入口。喺呢片空地搵位停好車後，就可以出發沙灘啦。只要過條"河"就到達沙灘，有咩需要補及都比較方便。點擊圖片放大 3位小朋友一見沙已經迫不及待地除鞋，燃燒青春把握機會地玩沙又玩水，進入一個忘我的無人境界。點擊圖片放大 沙灘沙都算幾幼，海水開始時仲算乾淨，但突然一段時間大浪就令沙灘多咗污染物，同埋因為無救生員，亦唔建議大家游水。 點解啲咁鐘意玩沙+水呢, 就算有得沖身媽媽我都好崩潰，何況係無得沖身........當然我亦有準備帶定水袋同更換衣服，但金仔玩到頭髮都係, 真係挑戰緊我底線 (哈哈)。點擊圖片放大 另一邊的水質較佳，天氣熱時落水行下都係一種享受！ 呢度都係幾出名玩車中泊的地方，感覺都都幾chill（如果唔係咁熱的話）*希望有份玩車中泊的朋友都要注意禮讓，同埋記得清理好垃圾，唔係又好快少個可以去的地方。 ~️~~~~~~~~~~~~~~~~~~~~~~~~~~~~注意：◎記得自己垃圾要自己帶走❤◎沙灘會有狗隻出沒◎李daddy話有蚊（但我又感受唔到😆）◎太陽猛烈，需要自己帶備傘之類物件遮陰◎無沖身洗手設施，最好自己帶備水洗手。◎無洗手間，睇過地圖最近可以到黃金海岸商場~~~~~~~~~~~~~~~~~~~~~~~~~~~~~【親子放電好去處】$50全日任玩升級農莊 https://bit.ly/3nSCwih寧靜少人玩沙灘https://bit.ly/3MLTsB3$200 一家四口全年任玩濕地公園https://bit.ly/3ko9DZ7大尾督大水霸吹吹風 https://bit.ly/3vmKbYV森林中奔跑-南生圍 https://bit.ly/3F4IfIQ無敵大海景寵物友善公園 https://bit.ly/3IyV67N【親子食飯好去處】人氣打卡歐陸西餐廳Billow : https://bit.ly/3CRQzcX 光控必到超大玻璃窗日式Café : https://bit.ly/2V7fKY4 【親子staycation】大空間悠閒之選- 沙田凱悅雙套房staycation體驗https://bit.ly/3uUCAyp豐富套餐有得玩有得食‧百樂酒店 : https://bit.ly/3ug5XLY高私密度，超大空間住宿體驗: https://bit.ly/32Svtvo 【親子廚房】自助烘焙(附半價優惠) : https://bit.ly/3xTPDC6香脆特濃雙重芝士曲奇 https://bit.ly/3cHQfDf叉燒造型饅頭 : http://bit.ly/2NkiUEc超Q造型湯圓: https://bit.ly/355k8bw🙆Follow Me~~💜💜Facebook 💜💜💚💚Youtube💚💚💛💛 IG 💛💛
