開返啦開返啦！終於等到21號啦，大家姐的”特別暑期”已經接近尾聲，當然就立即出動啦！ 咁去邊度好呢？ 心願實在太多，心大心細之下就去咗呢個集郊外生態遊+樹屋滑梯+室內餐廳+展覽於一身的天水圍濕地公園啦！ (係咪好有學生時代感覺呢!) 【畢竟每個人喜好都唔一樣，如果怕曬、怕多昆蟲、想有多姿多彩活動的朋友，可以自行忽視呢個地方同埋留意我其他分享】 話晒都係政府地場，所以配套設施會比較好，場內有訪客中心停車場及後備停車場（時租只需要$8）。而且很重要的一點，就係會有比較乾淨的廁所 （帶住3個小朋友感覺十分良好），仲有洗手設施，岩晒經常要洗手洗手洗手的我們。(臨上車先都可以洗乾淨對手) ◎門票 收費十分抵玩，成人$30，小童$15（3歲以下免費）。而且仲有半年及全年費，現時仲有家庭套票優惠，一家四口只需$200就可以有全年任玩。基於玩3次已經回本，秋冬嚟就更加舒服，所以我哋就整咗個全年證啦！ 首先可以問職員拎份表格，再填上一家四口個人資料 (要記得小朋友身份證呀!)，最後一步就係影相 (如下圖爸爸咁)，即場影相即場做證。 ◎生態迷宮 生態迷宮帶領訪客前往景色怡人的綠化屋頂。訪客需要解答一些關於濕地生態的問題，才能找到迷宮的出口。 因目標明確關係，大家都係跑咗2圈就離開，下次去要再玩! 點擊圖片放大 ◎立體錯視藝術 這幅令人難忘的錯視藝術畫作展示了濕地環境和多種濕地動植物，讓訪客在展開濕地之旅前，可先體驗濕地美態。 基本係入門第一個打卡位。 入閘後就到達有冷氣的大堂 (實在太舒服了!!)大堂光線充足，樓底十分高，因而唔會覺得壓迫感。大堂內有禮品店、各個lego模型，行得十分舒服。 點擊圖片放大 大堂再向入走，會有唔少主題展覽室，又因為目標明確關係，所以今次未有多加參觀，就直奔主題。 ◎沼澤歷奇 如果小朋友嚟講，當然就係以沼澤森林為主題的室內兒童遊樂區 -沼澤歷奇最吸引啦！真係未出發先尖叫。(媽媽其實都好鍾意，因為有冷氣!) 歷奇樹屋十分有睇頭，因為限高150C小朋友，所以媽媽我未能上去參觀，但就咁睇都覺得好玩。四通八達，有多條不同形狀滑梯都夠吸睛，基本上15分鐘轉眼就過。 可愛的傳聲筒 入去前記得睇清楚規則，以免到時失望而回啦! 為配合防疫措施，兒童須持有有效的「沼澤歷奇入場證」才可進入「沼澤歷奇」，以控制場內人數。為平均分配名額，職員只會向每位親身輪候的兒童派發一張入場證，其他人士不能代為領取。 開放時段及入場證派發時間 使用規則 》入場證數量有限，先到先得，派完即止。 》每節時間為15分鐘 》每節參與人數最多為20位兒童（每位兒童須由最多一位成人陪同）。 》使用主遊樂設施（樹屋）兒童身高須為100至150厘米。100厘米以下兒童只可使用幼兒遊樂區。 》所有入場人士必須脫鞋及穿著潔淨襪子。 》每節開放時間結束時，所有使用者必須離場以便進行場地清潔。 幼兒遊樂區如下: (只有相中咁多，相比起嚟就唔太吸引，幼兒家長要留意啦~) 當日可能平日的關係，所以人數唔算多，15分鐘當然唔夠玩，所以玩完第一次後我哋就先去隔離個餐廳醫一醫肚先。食完再去拎最尾一場(4:30PM)的籌，中間時間就去行下濕地公園。 ◎餐廳 因為限聚改為四人一檯，所以我哋就決定係呢度用餐補充下體力先。而至於餐廳呢，以郊外嚟講食物種類選擇都算多，而且價錢十分合理！重點係對住個一望無際的郊外美景，雖然檯櫈有啲老土，衛生亦未算最好，但已經令人心擴神怡。 點擊圖片放大 跟餐仲可以加$15有Movenpick雪糕一杯，真係好抵呀!!! (平時減價都要廿幾蚊) ◎濕地快拍 公園的餐廳附近設有"濕地快拍"遊戲，讓訪客與黑臉琵鷺、彈塗魚和各種濕地明星合照留念。 呢部機都有啲歷史，所以解像度真係麻麻 (嚟緊會更新，應該會更換) 走廊的有趣紙展品 ◎貝貝之家 嚟到濕地公園當然唔少得嚟見下貝貝啦，比佢地認識下小灣鱷。點擊圖片放大 好啦!正式出發濕地公園。 ◎溪畔漫遊徑 河溪是許多生物的家，這裡會為你介紹不同河段的特色。點擊圖片放大 濕地探索中心 生趣軒和水文軒是戶外教室，以便研習溪流和水潭的生物，訪客亦可參與導賞活動認識濕地的動植物，以及了解濕地對人類日常生活的重要性。 ◎演替之路 水生植物的生長可改變濕地的生境，該過程稱為演替。 點擊圖片放大 ◎紅樹林浮橋 處身於浮橋之上，可領會融入紅樹林的感覺。看看在這裡生活的動植物所具備的驚人適應能力。近距離觀察四種紅樹的不同部位，可見其特殊的支柱根、胚軸、膝根、和鹽腺。 (其實我哋無行到，只不過媽媽我好鐘意種感覺，所以入去影咗幾張相。) ◎觀鳥屋 濕地保育區有三間觀鳥屋 (河畔觀鳥屋、魚塘觀鳥屋、泥灘觀鳥屋)，讓訪客近距離觀察多種生態環境和野生動物。每間觀鳥屋均裝設單筒望遠鏡及觀鳥圖鑑，方便觀察。 (望遠鏡暫停開放) 後記: 其實今次嚟係非常有目的性 (玩沼澤歷奇)，所以後半部份的公園其實都無行。再加上行之前亦無做功課，所以對小朋友亦無過多講解(知識有限, 哈哈)，不過打完呢篇blog後真的長知識了，下次可以再解釋下比佢哋知道，課堂不一定在班房。 雖然入夏未必會想成日曬，但仲有秋冬，所以買年票真係超值!! (當然買一次票亦都十分抵)? 最後一句就係，有得奔跑真好!!如果可以唔戴口罩更好!!(期待) 天水圍 濕地公園 https://www.wetlandpark.gov.hk/tc/information/transport-driving 交通: ◎香港濕地公園停車場 有訪客中心停車場及後備停車場 收費:每小時8元 開放時間: 早上九時至下午五時半 (最後入閘下午五時)） 如果2個車場已滿，亦可以停泊附近屋邨停車場 https://www.wetlandpark.gov.hk/tc/information/transport-driving ◎港鐵(屯馬線及輕鐵) 乘搭屯馬線於天水圍站轉乘輕鐵705路線，於天秀站(經隧道)或濕地公園站(經天橋)到香港濕地公園。 ◎途經濕地公園的巴士/小巴路線 https://www.wetlandpark.gov.hk/tc/information/transport-public 🙆Follow Me~~ 💜💜Facebook 💜💜 💚💚Youtube💚💚 💛💛 IG 💛💛
