一直都好想試某個群組好出名的隱pizza，但……高峰期閒閒地都要等一個鐘 (甚至兩個鐘)，媽媽我時間有限，所以一直都無機會試。近期困到好悶，亦煮到好悶，於是就想起呢間隱世pizza啦！原來已經改咗名，前身係亞洲商店，現時叫KamTinPizza，宜家只需預先半個鐘whatsapp落單再去自取就可以啦。 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~今次就試咗三款pizza :網民熱推必試羊肉pizza真好大一個pizza (有14吋)，睇兩位小姐就知有幾大。羊肉pizza本身比較少有，為網民熱推，羊肉有少少騷味，不過少食羊的我都可以接受。再加上有青椒及其他香料，食落味道好有層次感，有肉香味之餘有少少辣，同一般坊間pizza好唔同。(注:呢種辣如果平時唔食辣或小朋友就唔係幾適合) 再加上迷一般的青醬(浠姐命名為青色鬼口水)，酸酸甜甜又有少少辣，實在惹味好開胃，媽媽我就好鐘意！ (不過daddy就覺得無網上講得咁神奇) 半分天下-菠蘿pizza :因為媽媽我同小肥滺好鐘意食菠蘿，所以就試咗呢個菠蘿pizza。菠蘿pizza材料相對簡單，亦無羊肉pizza的層次感，味道就係意料之中。 不過因為材料簡單反而令我注意起個pizza底，話說我鍾情於意式較為煙韌的pizza底，呢個pizza比較厚，但相比坊間美式的麵包感pizza底又多咗份煙韌，令媽媽我十分欣賞。半分天下 – 芝士pizza材料同賣相更加簡單，呢個味道相對嚟講就無咁吸引。芝士份量十分足夠，不過食起上嚟少咗一份香口感覺 (唔知係咪唔即食的關係)，如果下次應該會試其他肉類pizza。 後期追加 : 雞肉pizza如圖所見，雞肉係紅色的，一食落去同中式西式雞肉的調味好唔同，係巴基斯坦味，口味上會比較偏辣，比羊肉更辣。口味特別，加上青醬都夠開胃，但老人家小朋友都食唔到，一家大小的要考慮下。 辣肉腸牛肉pizza:(此款為媽媽及妹妹試食)本來以為都係偏辣的一款，但原來算唔辣，即係辛辣指數係雞肉->羊肉->牛肉，媽媽及妹妹覺得牛比羊更加好食。 價錢如下圖: 每款口味都各有千秋，自己鐘意食辣而小朋友唔食得辣都唔使怕，可以叫個半分天下。一個14吋pizza真係好飽，一家人都夠晒食。~~~~~~~~~~~~~~~~~~~~~~~~~~~~~~~~~~~~~~~~~~~~~~電話 : 92071661地址 : 元朗 錦田 錦田公路 (google可以搵:Asian Provision Store)
