OK, 我又嚟encore賀年必備 - 桂花馬蹄糕啦!馬蹄糕，爽口又彈牙，清甜又好味，最緊要材料簡單又易整呀！ ＜以下食譜係跟朱師傅的馬蹄糕，有需要的朋友可以上youtube睇下片＞去皮馬蹄：225g馬蹄粉：108g清水：324ml冰糖：140g （覺得比較甜，想清淡啲可以減10％-20％糖）片糖：46g（覺得比較甜，想清淡啲可以減10％-20％糖）清水：360g桂花：適量 做法：1.馬蹄按喜好切成粒或片狀備用。（我一半粒狀一半片狀） 2.馬蹄粉加入324g清水攪拌至溶解，再過粉篩過瀘一次。3.先將片糖，冰糖加入360g清水，用細火煮溶。 4.將1/3馬蹄粉水倒入糖水中，然後保持攪拌，糖水會變成薄茨狀。5.分兩次將餘下2/3馬蹄粉水加入糖水中，保持攪拌。6.攪拌5分鐘左右，質地似杏仁糊狀就形成半熟漿。(因應火力大小而不同，過程中會有小許粉漿受熱而變透明是正常的，對成品沒有影響)7.熄火，加入桂花及馬蹄 （如半熟漿成功，馬蹄不會向下沉） 8.將馬蹄漿倒入已搽油的模具中，再蒸20-40分鐘（因應模具大小而定,如果成個糕都變透明無明顯白色就可以）。 9.放涼後放入雪櫃一晚定形。 重點重點!!!>>最常見得一個失敗位，就係半熟漿煮唔夠，所以成品出嚟馬蹄會浮晒上面，或者蒸熟都會有水出。所以煮漿一定要保持攪拌，直到變糊狀先好加入馬蹄呀。祝大家馬到功成!!
