今次主角係 #噹叮,唔係唔係,係 #癲噹本地文創「貓室」帶同人氣卡通人物<癲噹>和<阿讚貓>來臨荃灣海濱「#維港癲噹開心村」!除咗有2米高癲噹、阿讚貓之外,仲有好多個唔同造型癲噹比你影靚相打卡。 去影靚相打卡前當然要醫飽個肚先啦,咁先有氣有力行呀!呢度有幾個大商場,餐廳就就唔使擔心。今次去食自助御好燒,自己動手燒,小朋友有得玩,大人有得食,一舉兩得! 上一次有帶埋金仔嚟,不過就係一個災難,活潑到爆嘅金仔周圍爬,又驚佢掂到個爐(明明對面檯個bb好乖),只係應付/對付佢已經用盡精力,所以無比2位小朋友太多幫手,就應承佢地下次再嚟。 今次有機會啦,可以比佢地動手做,當然懶惰的二家姐係樂於等人服務,今次就等大家姐大展身手啦! 點擊圖片放大 今次去午市套餐仲有折扣,每個餐由$62-$118不等,仲可以追加唔同食物。 點擊圖片放大 如果唔識煮都唔怕,有詳細step by step教你,有埋鬧鐘提醒你,咁就萬無一失啦! 怕小朋友整污糟仲可以問職員拎圍裙。 味道同價錢方面都值得再去,最鐘意就係個炒麵,如果你鐘意食日式炒麵記得要試下啦! 套餐+$15仲可以追加雪糕,為一餐作一個完美的完結。 好啦,出發癲噹村,網上資料話地鐵站B1出口行5分鐘,但我帶住2隻蝸牛起碼行咗15分鐘 ,我諗正常應該都要行10分鐘先會到。 當日去到就無咩人,咁就可以大影特影啦~ 每個癲噹都咁得意,連媽媽我都好想影埋一份呀! 點擊圖片放大 +2 大癲噹 點擊圖片放大 +2 仲有啲轉轉橩 另外一個賣點就係荃灣海濱項目嘅無欄杆式設計,可以比遊人視野無遮擋欣賞青衣島的美景。美景係有啦,不過呢……異味都幾大,戴住個口罩都聞得到,希望日後有所改善啦! _____________________________________________________________________ 維港癲噹開心村 日期: 至10月11 地點:荃灣海濱公園長廊(荃灣西地鐵站B1 出口,右轉步行10分鐘) 費用:入場費全免 _____________________________________________________________________ 【商場打卡好去處】 樂高夏日海灣:https://bit.ly/2UELF2w Glico Fun享夏日樂『脆』遊 : https://bit.ly/37csvn6 超夢幻愛麗絲夢遊仙境: https://bit.ly/3lB12Ej 【親子放電好去處】 $10/一節瘋狂彈跳迷宮https://bit.ly/3CXJwjL 室內放電好去處-智遊天地 https://bit.ly/3zUtDIj 打卡玩樂有驚喜-小白兔音樂農莊 https://bit.ly/3gTgGaZ 100層樓高+5G體驗 https://bit.ly/3gfRGcz 探索家酒店泳池新體驗 https://bit.ly/3eREoCw 大尾督撐line friend艇仔 http://bit.ly/3c6cOkC 【親子廚房】 自助烘焙(附半價優惠) : https://bit.ly/3xTPDC6 香脆特濃雙重芝士曲奇 https://bit.ly/3cHQfDf 叉燒造型饅頭 : http://bit.ly/2NkiUEc 超Q造型湯圓: https://bit.ly/355k8bw 外脆內軟朱古力麻糬波波! : bit.ly/31afyaO 🙆Follow Me~~ 💜💜Facebook 💜💜 💚💚Youtube💚💚 💛💛 IG 💛💛