好啦，當食完個呃like打卡無難度又健康好味的午餐，係時候出發去活動下啦！出發去第二站 - #老徐士多啤梨農莊( #老徐特大農場) 交通:●粉嶺站(東鐵線) C出口→ 52K專線 (坪輋 )→ 昇平村-落車較近 或 雲泉仙館-落車●上水站(東鐵線) A4出口→ 79K巴士(打鼓嶺 )→ 雲泉仙館-落車到咗雲泉仙館後，會見到一大片空地，雲泉仙館當時係閉館狀態，如果有開帶小朋友去參觀下都唔錯。門外有不少檔攤，另一邊仲有免費泊車位，自駕遊可以泊車係度。 差不多位置除了老徐農場之外，另一邊仲有阿方農場。為免拖住三件白行，所以特派李先先行落車視察，李生報告話兩個農場士多啤梨都差唔多......生😂(補充 : 當期天氣比較凍，之前人亦比較多，所以成熟的已經唔多)，價錢亦係$65左右。老徐相比起嚟就大啲同整齊啲，仲有其他種類蔬菜可以採摘，所以我地就去咗老徐農場啦。繼續向前行然後向左轉，車行幾分鐘後亦會到達第二個免費泊車位，落車行十幾步就到老徐農場門口。入農場前當然要去拎咗籃同埋剪刀先啦，無須入場費，摘幾多計幾多。 然後沿路向前行就到達啦~ 途中有唔少菜可以採摘, 雖然唔係有機，不過體驗過程都幾得意。 經過菜田就到士多啤梨田了，士多啤梨有日、韓、法三國品種，分佈喺唔同地方，不過都係醉翁之意不在酒，我哋邊個品種都無所謂😊。 士多啤梨田好大，當日所見的確係生咗啲，想搵粒成熟的都要周圍搵。不過近來大半個月天氣和暖，士多啤梨熟得快，我見其他朋友分享都已經成熟了，而且採摘期去到4月，咁就值得一試啦。 唔熟有唔熟的好處，慢慢搵慢慢剪，玩夠都唔使好多錢😂。摘士多啤梨最重要都係enjoy剪呢一下。點擊圖片放大 士多啤梨摘完，收穫麻麻地，仲未止到癮，又因為一首"拔蘿蔔"兒歌，佢地又對蘿蔔虎視眈眈。 OK, 開始！拔蘿蔔 拔蘿蔔~嘿喲嘿喲拔蘿蔔~嘿喲嘿喲拔不動~(其實根本唔會拔不動😂)點擊圖片放大 拔完白色，仲有紅色點擊圖片放大 摘夠後就可以去返入口處磅重比錢啦！* P.S 記得唔好摘咗啲葉呀, 我哋聽咗daddy講摘咗，去磅果時就發現原來會貴一倍😆。 原來入口處仲有個地方可以挖蕃薯，每位$30，可以帶走一斤。 農場都幾大，流動洗手間比較乾淨，有士多啤梨又有菜摘，仲可以挖蕃薯添！雖然宜家已經升價到$80一磅，但亦士多啤梨亦都成熟，我摘嗰啲仲幾甜添。如果雲泉仙館開埋咁行程就更加豐富啦。老徐特大農莊(老徐農莊)地址 : 粉嶺 打鼓嶺 昇平村(雲泉仙館 停車場直行到尾)電話 : 9168 8931 , 6774 8037網址: www.yl.hk/tksb🙆Follow Me~~💜💜Facebook 💜💜💚💚Youtube💚💚💛💛 IG 💛💛
