呢排興摘士多啤梨，熱門地點一定要數元朗，加上周圍比較多農場，都的確係一個唔錯的選擇😊。 但由於小朋友摘士多啤梨，根本係釣胜於漁的活動，好唔好味？甜唔甜？其實都唔重要。 基於元朗士多啤梨大約$90-$120一磅，而另一集中地粉嶺就相對抵玩啲啦，今次去 #老徐農莊 只需要$65一磅！ (岩岩打電話去update要$80了) 農場位於北區，而且仲要搭車先入到去，如果只為摘士多啤梨好似好啲浪費咗爸爸媽媽珍貴的假日。 咁好啦！就出一個北區一日遊啦！ 👉先去一間具有歷史意義的咖啡店- #添飲咖啡館食個文青得嚟又健康，打卡呃like無難度的午餐 👉食飽飽之後去 #老除農場摘士多啤梨同各種蔬菜，體驗採摘的樂趣 👉最後去埋壁畫村，影張靚相留紀念 想一日玩盡佢又得，想只hea玩其中一個點亦得，任君選擇。 💖先嚟第一站 : 品味文青咖啡-添飲咖啡館 (以下圖片為2個幾月前所攝) 我諗大家入得嚟都大約中午了，可以先醫飽個肚先再出發，粉嶺又有咩好食呢？呢間咁特別的咖啡館一定唔可以錯過啦！ 由粉嶺火車站A1 出口，經過粉嶺裁判法院，只需步行約5分鐘就可以到達，位置上都好方便。 添飲咖啡館前身為粉嶺裁判法院，係一間具有歷史意義的咖啡店。門口有油綠植物亦有色彩繽紛的花，加上有戶外桌椅供客人坐在戶外喝咖啡，都幾chill。 一入門口，就會見到琳瑯滿目的小型售賣場，雖然價錢上比較偏高，但主要是本地,台灣,日本農作物/ 有機產品，有別於一般超市產品。 再入去一些，就可以見到一張張原木的大餐檯，加上型格的裝修，感覺令人眼前一亮。 食物種類上，睇個名幾咁長，配搭上都幾有驚喜，感受到他們用心制作。 點擊圖片放大 食物終於到啦！無論係環境定食物，呃like指數都好高。 先講個歐陸早餐，all day一向係我呢啲貪心人仕的最愛，咩都有啲，味道上都唔馬虎，值得一試。 意粉就不過不失，亞媽我係要見到佢地有啲澱粉質落肚先安樂。 脆炸魚圈，真係好香口，配上他他醬大人小朋友都食唔停。 再到甜品啦，對於甜品控嘅我嚟講係有驚喜。綠茶蛋卷味對於我來說未夠苦及濃，但蛋糕很鬆軟。 柚子蛋卷柚子味夠清香，蛋卷比綠茶更鬆軟，絕對要一試。 當時7個月大的金仔，人生第一次出街食飯。 通往廁所途中都見到不少手工產品，如台灣手工果醬。 添飲咖啡館 地址：粉嶺馬會道302號地舖 電話：6759 9141 營業時間：星期一至五 12am – 9pm 星期六日 9am - 9pm * 建議想前來一定要提早訂座 💚💚Youtube💚💚 💜💜Facebook 💜💜 💛💛 IG 💛💛
