基於媽媽我真係好鍾意食紅棗，年年都會訂利苑的棗王糕，今年難得有時間就當然唔少得試整下啦！睇返好多食譜都只係用紅棗水，好似有啲浪費，經過一而再，再而三的失暈事件: 包括用咗紅棗水+蓉; 明明做一半份量，粉識落一半但紅棗蓉就落晒。到入爐蒸的同時先醒起，即刻諗會唔會唔成形呢? 會唔會林晒呢?終於到第二日甩模，估唔到錯有錯著，外觀上又幾靚仔喎，摸上去都實淨。蒸10分鐘再食，食落好濃紅棗味仲意外地煙韌彈牙!😍夾埋椰汁真係有驚喜。第二次再加多20%粉，睇下會唔會再好啲, 但木薯粉用晒就無整椰汁層，出嚟味係夠濃, 質感唔錯，但少左層椰汁好似差咗啲嘢咁~~ (不過唔鍾意椰汁的朋友都可以唔落) 【紅棗層】新鮮紅棗去核後: 125g水 : 400ml片糖 : 60-80g澄麵 : 10g 木薯粉 : 90g馬蹄粉 : 28g【椰汁層】椰汁 100ml 水 45ml 冰糖 45g 木薯粉 50g 馬蹄粉 42g做法：[紅棗蓉]1. 紅棗去核後，加入400ml熱水煮滾，轉細火煮20分鐘; 2. 熄火後壓扁紅棗，再焗20分鐘;3. 紅棗水連紅棗放在隔篩中，用匙羹壓爛，隔渣2次，隔出大約400g紅棗蓉;點擊圖片放大 4. 紅棗蓉加入片糖，細火下慢慢攪拌至糖完全溶化，放涼備用; [椰汁層]5. 椰汁、水、入冰糖，細火下慢慢攪拌至糖完全溶化，放涼備用;[合併]6. 先將馬蹄粉用匙羹壓碎或粉篩過篩; 7. 預備2個大碗，將各種粉拌勻， 分別加入紅棗層和椰汁層所需的粉類，輕手混合。8. 加入已放涼的糖水，慢慢攪拌至無粉點狀態。 紅棗蓉 椰汁 9. 在容器內抹一層油，先倒一層紅棗漿，中大火蒸5-7分鐘。 10. 蒸好一層後，倒一層椰汁漿，中大火蒸6分鐘。11. 就個人喜好重複步驟9及10，最後一層蒸15分鐘即成。 (此食譜椰汁量會比較少，如要做千層就要自行加大椰汁份量)13. 放涼後，放入雪櫃冷藏過夜。 14. 食用前蒸10分鐘至軟身即可注意：👀倒入粉漿前必需攪拌均勻，以免粉漿沉澱👀不喜歡椰汁味，可做淨紅棗蓉糕👀切時要用左手壓下刀背、右手握刀，一刀切方式用力壓下切斷，不可拉鋸，否則切口不夠整齊，賣相不佳💚💚Youtube💚💚💜💜Facebook 💜💜💛💛 IG 💛💛
