話說第一次以FTM的身份同佢地過生日，咁就當然會有少少唔一樣啦！最少……最少都整個蛋糕啦！😅太複雜，有心無力無時間😐太簡單，又覺得好似無誠意對呢個又要馬兒好又要馬兒不吃草的任務，都幾傷腦筋，終於有日，我見到扑扑蛋糕😍。吸引眼球得嚟又唔太難整，款式多變又係(貌似)能力之內 呢個蛋糕會唔會好睇唔好食？其他我唔知，我呢個一定好食😎！💖朱古力外穀 : 唔係用免調溫(假)朱古力，係用35% Valrhona白朱古力!入口即溶，太陽都就嚟曬溶呀！(我唔會話比你知係因為daddy無問過我情況下買咗，仲買咗1kg….🙈.)💚裝飾花花及字母 : 雖然係非專業自家制糖皮，但只用棉花糖及糖粉，無怪怪的膠味，棉花糖喎, 又點會唔好食呢？💛蛋糕 : 因時間關係，蛋糕出自……姑媽買的M&S，又香又濃又好味！😋💜忌廉: 無用唔會失手的植脂甜忌廉，改用夠香濃的淡忌廉💙士多啤梨夾心 : 熊本熊定淡雪？why not both? 好啦，講下材料先 :朱古力外殼白朱古力 : 八吋星球模，約用500g (份量可以少一些, 但有時太薄難脫模)油溶性色素(紫色) : 適量，記得朱古力要用油溶性 糖皮棉花糖 : 200g糖粉 : 300g 水 : 一茶匙牛油 : 適量食用色素 : 隨意蛋糕體蛋糕 : 約3片棉花糖 : 適量士多啤梨 :適量淡忌廉 ： 約100g主題扭蛋 : 2-3個, 因應大小而定做法 : <<第一部份>>1. 先將攪拌捧，工作台塗上牛油 (*唔想洗到崩潰記得要做呢步呀)2. 然後將棉花糖放入微波爐叮30秒，然後攪拌，再叮30秒，直至完全溶解 * 注意要用比較大的容器裝棉花糖 ,因為棉花糖受熱之後會變大 (我呢隻都唔夠大) 3. 將溶解的棉花糖放到工作台上，再加入糖粉搓勻 ，直至棉花糖團不黏手 4. 加入食用色素搓勻後用保鮮袋裝好，以免變硬。使用前如太硬可以手搓至軟手，或放入微波爐加熱5秒便可。 5. 用矽膠花模及字母模，印出所需花及字6. 將公主扭蛋清潔後包上保鮮紙 (媽媽我會比較放心😆) <<第二部份>>1. 先將500g白朱古力用熱水座溶。(亦可以用微波爐加熱, 每次30秒) 2. 將油溶性食用色素用牙簽分數次加入。3. 在圓形模具上塗上食用油，以方便脫模。 4. 將朱古力漿倒入圓形模內，然後再由模中倒出多餘的朱古力漿，再風乾5-10分鐘。5. 以上動作重覆2-3次，如朱古力漿變硬需要再加熱使用。 6. 完成後放入雪櫃雪1個小時。7. 取出雪好的朱古力球，然後在台面上向左向右搖動，如果夠厚夠凍就會立即甩模。(其中半球因為朱古力漿稍為變涼，所以分佈不均，令到脫模失望! 好彩朱古力可以重新溶解再重做。) 8. 用少量朱古力將底托及朱古力球黏著，防止左右搖動。9.於朱古力球上貼上糖皮花及字母，糖皮本身有黏性，可以不用加朱古力/水，但如果糖皮較大較重，可以加水以助黏貼。 <<第三部份>>1. 將現剩的香噴噴蛋糕取出適用的大小，分成3-4片。(當然蛋糕部份可以自制啦，隨個人意向而定) 2. 將大約100g的淡忌廉打發 ( 份量可隨個人喜好增減) 3.將士多啤梨切片，然後在朱古力球內按順序鋪上蛋糕-->cream-->士多啤梨，鋪3層。 4. 最上層塗上cream後再鋪上彩色棉花糖、公主扭蛋 5. 將上半個朱古力蓋上，塗上少量朱古力黏合。6. 在黏合處貼上花花遮掩缺點😂 完成!後記 : 其實最花時間部份就係…..諗點樣岩主題又夠心思，但又容易整呢?制作過程其實真係唔難，不過第一次整，好多位都浪費了時間，令到制作時間變長了3倍。下次應該會快 手好多!!💚💚Youtube💚💚💜💜Facebook 💜💜💛💛 IG 💛💛
