唔覺唔覺，又到新一年啦！雖則無得成日出街玩，但仍然要努力營造預備新年的開心氣氛！ 造型饅頭呢，其實我都係第二次整，但感覺佢比整麵包更加容易。唔需要理咩中種、湯種、老種、冰種、水合法等等，只需要將材料全部撈勻，搓至光滑就可以了；亦唔需要第二次發酵，制作時間縮短咗。當然造型饅頭都有要注意的地方，就係發酵！發酵得夠不夠，是饅頭是否光滑的要訣。例如發酵不足包就會變一撻撻，而且死實；發酵過度出爐後又會收縮；發酵時間又會因應天氣而有所不同。上次的鴨仔造型饅頭呢，係就係得意，但我呢兩個女本身就無幾偏好食饅頭，所以興趣麻麻……中式包來說，佢地最鍾意的首選就係叉！燒！包！咁就嚟個二合為一啦！ 首先準備個港式叉燒餡先啦，材料包括:叉燒 100g乾蔥 1粒 (或者洋蔥 1/4個)蠔油 2tsp生抽 1/2茶匙砂糖 15g水 50ml麻油 8g粟粉（玉米粉） 1茶匙 做法 : 1. 先將叉燒及乾蔥切成小粒 2. 乾蔥炒至透明後加入叉燒粒，炒香備用。3. 將剩下材料撈均，再煮至杰身 (需時十幾秒，其間要不停搞拌) 4. 再將汁及叉燒撈均，港式叉燒餡完成！再來就係饅頭啦，材料如下: (我做了8個饅頭，如果一般大小的饅頭的話應該是6個左右的份量)中筋麵粉 : 200g快速酵母 : 2g全脂鮮奶 : 110g -120g (因應麵粉吸水力而不同)砂糖 : 24g油 : 3g做法:1. 先將油以外的材料全部撈勻2. 加入油後再將粉團搓至光滑 (手前後的洗衣模式搓粉，需時約10分鐘左右) 3. 再應該需要加入天然色粉 / 色素4. 將叉燒餡包入麵團內，及滾圓 (記得餡料不可太多，唔係好難埋口) 5. 造型時間 / 泥膠時間 浠姐表示好開心，造型比湯圓容易，就算係新手一樣可以好快做到個似模似樣的饅頭。(因要訓覺的關係，只做了綠色嗰條"龍"，希望你地睇得出😂) 6. 完成造型的饅頭放入溫暖地方進行發酵 (因宜家係冬天，我開了35度焗爐進行發酵，如夏天的話只需加杯熱水一同發酵便可) 7. 目測饅頭漲大1.5-2倍左右就算完成發酵 (約要1小時左右，主要睇大小而定)，再蒸10-15分鐘 (因應爐溫而定, 我饅頭比較細, 所以10分鐘可以了) 最後有請: 試！食！專！員！出場💖 💚💚Youtube💚💚💜💜Facebook 💜💜💛💛 IG 💛💛
