買咗<<冰盒餅乾>>呢兩本書都好一段日子了,初初試過做,但曲奇麵團好快軟,比想像中要難造型。事隔long long time之後,終於有時間又再挑戰啦!點解叫冰盒曲奇?因為麵團本身就比較軟身,難於造型,要每個步驟都放入冰格定型,所以叫冰盒啦。先睇下官方介紹先 : 最強造型餅乾書!《ICEBOX冰盒餅乾》─只要揉、冰、切,隨時隨手烘烤一年最吸睛的造型餅乾★好捏好切的餅乾麵糰預先備好,好吃餅乾隨時出爐 ★積木般堆疊塑形,沒有模具也能做出可愛造型 ★冷凍保存麵糰,想吃再切片烤焙,家中隨時飄散餅乾香 ★自然食材粉末上色,色彩繽紛也不怕人工色素問題因為想尊重作者,呢度就唔Share食譜了,不過都唔使失望,繼續睇一定有得著😌!💬曲奇可以用一般的印花曲奇的食譜 (我都有做過印花曲奇,可以參考下 HERE ) 💬色粉的份量,因為各個牌子上色唔一樣,可以自己試到岩為止。 💬彩色粉團做多咗都唔怕,放落雪櫃可以放2個月,我自己今次就某啲位做大咗,所以唔夠粉,要即時再做T_T (所以貓貓我做左塊肥臉比佢)先將曲奇+天然色粉整成粉團 (我用左可可粉、紫薯粉、南瓜粉) 整好唔同粉團後就放落雪櫃幾分鐘會比較好造型。 每個步驟完結後都要放入冰格定形,再做下一步。記住, 每個粉團長度要一樣 開啟泥膠模式就岩啦。 最後完成後, 記得拎出嚟退冰再切成0.7CM-0.8CM一片 (我放室溫半個鐘左右, 時間因放入冰格時間及室溫而不同)不過我發現薄啲會香啲脆啲, 不過就易切斷。 170度焗15-20分鐘 完成!好香好大塊! 出版社官方影片:https://www.youtube.com/watch?v=mQgr5wCa9pE&ab_channel=%E6%82%85%E7%9F%A5%E6%96%87%E5%8C%96其他類似影片 : https://www.youtube.com/watch?v=bZ6LTij6e20&ab_channel=Hsuan%27sKitchen%E8%BB%92%E8%BB%92%E5%B0%8F%E5%BB%9A%E6%88%BFhttps://www.youtube.com/watch?v=xAJDvZUVZUk&ab_channel=Cookingtree%EC%BF%A0%ED%82%B9%ED%8A%B8%EB%A6%AChttps://www.youtube.com/watch?v=Q4kTsxESFeg&t=5s&ab_channel=StrawBee%EC%8A%A4%ED%8A%B8%EB%A1%9C%EB%B9%84Follow Me :💚💚Youtube💚💚💜💜Facebook 💜💜💛💛 IG 💛💛