一年一度屋苑最熱鬧的節日又到了，無錯，仲熱鬧過新年。試想像下成百隻大小嘩鬼滿街跑👻， trick or treat排好隊等派糖，何其壯觀。可惜~~~今年就唔使諗啦😔，乖乖地三個小朋友自己嘩夠佢，唯有整啲萬聖節食物自我滿足下啦。包呢就係普通包，唔普通的係比部岩岩拎返出嚟的陳年麵包機玩起。平時慣用低溫發酵，今次就突然諗起陳年麵包機，因為趕住接女放學，就咁放左牛油落去，返黎見個樣都係一樣!!! 連搞都未搞均......但第一轉發酵已過一大半，已盡力再搓去補救，薄膜就無啦，叫似返舊粉😂。雖然係咁，麵包其實都唔錯。饀就用左芝士蕃薯餡，蕃薯甜，芝士又香，咸中帶甜，甜中有咸，唔錯。 💟湯種麵粉糊材料 :高筋麵粉-20g牛奶-100ml💟主麵團材料 :湯種麵粉糊高筋麵粉-250g糖-40g鹽-1/4茶匙雞蛋-40g奶粉-10g速溶酵母-4g牛奶-70ml無鹽牛油-20g天然色粉- 適量💟麵包餡料：蕃薯 -2個車打芝士 : 2片牛奶 – 適量步驟：1. 將湯種麵粉糊材料放入煲內，用微火攪拌煮至濃稠，放涼備用2. 將牛油外的主麵團材料放入面包機 / 人手攪拌至混合成團，再加入牛油揉搓光滑麵團，發酵一小時或兩倍大小。(Fine, 如圖所示, 呢步我失敗了~) 3. 蕃薯洗淨，用廚房紙抹乾，用刀在中心插一下，以氣炸每面 180度10-15分鐘4. 氣炸好的蕃薯加入少量牛奶及兩片車打芝士拌均，再分成8等份。 5. 發酵後取出麵團用手壓排氣，再分成8等份搓圓，再蓋上保鮮紙/濕布靜止15分鐘 6.用擀麵杖上下壓成橢圓形，並將蕃薯放上，麵團對摺收口，再隨意造型。7. 第二次發酵45分鐘或一小時，以160度焗15分鐘 同場加影小助手一名，好彩佢好快玩完，唔係我都唔知要整到幾時。 💚💚Youtube💚💚💜💜Facebook 💜💜💛💛IG（aleimama_life) 💛💛
