想食黯然銷魂飯？又點少得舊惹味叉燒呀！如果唔買自己整又難唔難呢？中式廚藝極度有限的我，都可以輕輕鬆鬆整到似模似樣的叉燒，就知有幾咁容易啦，只需要3個步驟，3步就可以做到啦！(中間你需要的話，可以學我硬插啲親子步驟落去😉)做法一樣，仲有2個版本以供選擇，💜簡單好味版->成品係好味的，只係唔太似街邊買到的叉燒，適合屋企只有簡單材料人士💛一再回味版->成品味道接近街外買的叉燒，適合對味道有要求的你💜簡單好味版💜梅頭豬肉: 350g叉燒醬: 3湯匙豉油: 1茶匙玫瑰露酒: 2茶匙蜜糖: 1湯匙 💛一再回味版💛梅頭豬肉: 350g砂煻 : 2湯匙幼鹽 : 1/2湯匙雞粉 : 1/2湯匙五香粉 : 1/2茶匙沙薑粉: 1/2茶匙叉燒醬: 3湯匙生抽 : 1茶匙清水 : 1/2湯匙玫瑰露酒: 2茶匙蜜糖: 1湯匙 💚做法💚1.梅頭豬肉洗淨瀝乾水份，加入所有調味料拌勻，醃6小時或過夜至入味。2.預熱氣炸鍋180度。根據氣炸鍋的大小，決定放置豬肉的數量，兩塊肉要平鋪，不能重疊。放入梅頭豬肉180度10分鐘，反轉180度5-10分鐘。3.在叉燒表面塗上蜜糖及醃料，每邊再以攝氏180度焗5分鐘！(時間因應肉的大小而有所不同)小貼士1. 製作叉燒，要選擇半肥瘦、多一點筋位的梅頭豬肉。2. 醃豬肉前，記得先以廚房紙吸乾表面水分，令豬肉更入味。3.如果廚藝如我，記得叫人幫手睇下熟未 😉Follow me😉:💓💓Facebook 💓💓💛💛IG（aleimama_life) 💛💛
