Dr. reborn W8告別暗瘡好唔好？Dr. reborn W8告別暗瘡有無用？背景：20年暗瘡肌，由中二就開始爆瘡，最嚴重個陣成塊面爛曬，成二十幾三十幾粒瘡。而家：雖然人愈大愈少生瘡，但毛孔勁粗、勁多凹凸洞，下巴生瘡仲係無停過，夏天生多啲、冬天會生少啲瘡......曾經食過藥？有呀，睇過皮膚科醫生食過抗生素，食完抗生素一停就復發，亦都食過兩個A酸療程，但食既時候就好好，一停又再生瘡....不過無以前生得咁嚴重，而家靠自己既生活習慣去控制暗瘡，So far唔洗食藥。點解去做暗瘡療程？雖然人愈大（愈老！）就出愈少面油，但一到天熱我啲皮膚仍然會失曬控，勁多黑頭粉刺，而且仲會勁生下巴瘡，下巴瘡、腮邊瘡仲要係會痛、有瘡頭既大毒瘡，呢啲瘡點飲涼茶清熱都無用，愈飲仲會愈虛，大毒瘡分分鐘變石頭瘡......變左石頭瘡手尾仲長呀！所以我每逢天熱（其實香港一年有九個月都係夏天）都會去Keep住做Aqua peel，用最低成本去維持皮膚狀態，偶爾捨得啲、同狀態好啲我就會去做激光去下暗瘡印，如果皮膚情況差，我就唔會去做激光，因為比激光一刺激我就會大爆瘡，仲差過唔做激光......我都唔知點解，人人體質唔同啦......好平好簡單，但好有效嘅Aqua peel無論係 Dr. Reborn W8 告別暗瘡療程定Perfect Men 暗瘡分手療程其實都係同一個原理，就係Aqua Peel，無錯，雖然佢地都講到好似好高大上、天花龍鳳，其實就係用咩真空雙啜吸咩流裝置，其實講到尾就係一邊噴比較高濃度既果酸水，令你既皮膚表層角質軟化、啲黑頭粉刺變軟變得鬆動，然後就可以用真空啜頭吸走污糟野。點解叫雙流？噴果酸水同吸走污糟水係兩個頭囉！但做機就真係做機，係有研究過既，用喺塊面上面既力度係岩岩好，既吸到黑頭粉刺（有時候仲有膿頭）出黎，又唔會啜痛、啜紅曬啲皮膚......所以呢個錢無論如何都抵比既，呢個都係我親身經歷換返黎既慘痛領悟。TB淘寶真空吸黑頭槍 vs Dr. Reborn W8 告別暗瘡療程 vs Perfect Men 暗瘡分手療程雖然個原理係好簡單、過程都好快，但有啲錢你真係要比，因為我都試過想慳療程錢，而上TB淘左個咩真空吸黑頭槍.......哇，真係徒錢，我用左一次之後就擺左喺度！個把黑頭槍幾十蚊，當然就無得較強弱吸力，由頭到尾得一個吸力，就算我準備左噴壺，每次吸之前都噴清水上塊面到，但塊臉都係好快會乾曬（尤其係鼻頭位），個把黑頭槍啜到我皮膚紅曬、浮左勁多個印，但就係吸唔出黑頭粉刺......我曾經想吸個大毒瘡既瘡頭（就係中間有一個小黑頭、勁痛個隻大毒瘡）我吸完又吸、吸完又吸......只係吸腫又吸到個暗瘡愈黎愈深......粒瘡變得又痛又紅又腫，成粒瘀青色，嚇死我！我立即唔敢再啜，差唔多將屋企所有可以消炎鎮靜既野全部敷曬上去，勁驚會留個咁大咁深色既印......到左第二日朝頭早我洗走啲消炎泥，一睇就知大鑊！奶野！本身粒瘡都已經大粒，而家好似吸傷曬啲皮膚，就好似刮莎咁，成粒瘡腫左、有個碩大無朋既瘡頭就唔再講，差唔多成半個下巴都變左青青紫紫、上面仲有勁多小紅黑，搞到我密集恐懼都就發作......個把死人黑頭槍壓傷左我啲皮膚呀！其實我除左怪自己死蠢都無人可以怪，好彩壓瘀傷左既皮膚就好快好返，個印都可以淡返落去......但係個大粒毒瘡就真係清完瘡頭又生、清完又生，搞左三次先真正開始埋口，而且因為我搞得佢太甘，所以個印勁勁大灘、勁勁深色......幾個月之後都未清曬。之後我都決定花少少錢、麻煩少少都要出去比人做Aqua Peel，比多少少錢瞓係度比人服侍好過，至少唔會整傷皮膚留印，老老實實，佢對我塊面皮仲緊張過我自己，梗係啦，無論如何都唔可以整傷個客架嘛！ Dr. Reborn W8 告別暗瘡療程 vs Perfect Men 暗瘡分手療程好，講咁多前因後果，講返個療程先！兩間都講明話佢地啲暗瘡療程可以 peel 走成30-35mm死皮.....佢地咁講我咁聽囉，其實鬼知真係鏟左幾多死皮走咩，而且只要做得愈勤力、死皮就愈少，所以無可能次次都鏟走咁多死皮既......大家都知暗瘡兩大因素，就係太多面油加太多死皮，毛孔入面啲污糟野出唔到去，就會焗暗瘡，面油多既人死皮都一定厚，因為面油痴住曬啲死皮，令死皮好難就咁洗面洗走......咁面油就要靠自己去控油，即係控制飲食食得清淡啲、用控油護膚品，自己睇住啦，用啲防曬都要清爽啲！至於死皮就可以依靠外力，就係呢個Aqua peel，雙管齊下就會控制得比較好，比較少爆瘡，而新生瘡印都會快啲變淡同消失......一切都關新陳代謝事啦。兩個療程都話可以改善暗瘡、暗瘡印、毛孔粗大、黑頭、粉刺及缺水問題，to be fair，我覺得所講既療效都係堅既，講到尾以上所有問題都可以透過促進新陳代謝黎做到，至於缺水呢個問題，做完Aqua peel之後都會幫你搽啲野，咁咪補濕囉係咪！ Dr. Reborn W8 告別暗瘡療程 vs Perfect Men 暗瘡分手療程<--勝！其實呢兩間我都試過，真係無論咩都好一式一樣，你閣埋眼都唔知自己去左邊間.....我真心唔知佢地邊個抄邊個，邊個先係首創，但對我地呢啲消費者黎講都無咩所謂啦......因為療程內容同價錢根本差唔多，兩間都試，係因為我想搵間服務好啲既去join……結果一去完 Dr. Reborn 出黎我就揀左Perfect Men，多謝曬。Dr. Reborn 個 W8 告別暗瘡療程無咩野，同我想像中差唔多野，不過個顧問同美容師都好煩、好鬼煩......由我上去Sell到我落樓，無花無假，真係煩到呢。就係循例做皮膚測試、商談開始已經sell，想我加購個皮秒激光去印去暗瘡同凹凸洞，我講左好多次想試左個W8先，同埋做激光有時候會爆瘡......佢地都好似唔識聽人話咁，到左最後我都係拒絕之後，顧問立即就黑口黑面，將我交比美容師，然後美容師由幫我潔面開始全程無停過sell我野......係咁話我應該做激光......雖然個療程其實好短，不過我做到一半其實都好頂唔順下，我知道自己絕對唔會揀呢間，真係太hardsell，如果次次上黎都要打太極十幾分鐘我真係唔得囉......就係因為呢個原因所以我直接去買左Perfect Men 暗瘡分手療程，兩個療程同質化太嚴重，成敗就喺細節中。注意返，Perfect Men 個邊都唔係完全唔sell，都有少少sell架，但無 Dr. Reborn 咁誇張......所以我就揀左Perfect Men。Touch Wood，暫時黎講我半個月做一次暗瘡分手療程，Keep住控制唔比死皮累積等新陳代謝快速度快返，暗瘡就好難有機會發作......而且暗瘡印好快都褪走，塊面係乾淨白淨左好多，而家Keep得幾好，證明Aqua peel岩我（又或者我本身暗瘡問題唔係非常極之嚴重)。Perfect Men 暗瘡分手療程
