唔知係咪每個有甩頭髮問題嘅人,都同我經歷一樣? 就係不停試好多生髮療程,最終都係要走上做FUE/ARTAS之路,而之前加加埋埋洗咗嘅錢,其實夠做有突。我不是鼓吹hair transplant,以下文章只供參考。講番我自身情況,天生髮質比較軟同疏,爸爸有脫髮問題(唔係光頭) ,類似m額,阿媽同我似,髮質少、量唔多,佢會電髮令到睇落多啲頭髮。基因及遺傳性問題,導致脫髮是很常見,而當要正視呢個問題時又好多人會由最入門試起,我自己就係咁,由中醫生髮、西醫生髮針、rga、激光生髮、紅外線生髮、洗頭水試過幾十款、係ixxxx 買一堆生髮supplement 、甚至我仲試埋poo-free(呢樣唔洗用錢,但係我試完唔buy呢套),其實仲有好多,未能盡錄。在生髮的路途上,最慘唔係洗錢,而係每試一樣野都要時間,因為頭髮是有生髮週期,當等待有冇效時,令人感到好困擾,患得患失。最慘係唔試過又唔知🙃(我唔work 可能有啲人又work),而hair transplant其實絕大部分人都work,只係基於金錢及心理關口問題,令到好多人擺咗佢係最後一步。以上我試過嘅方法,並非完全沒有用,有啲可當輔助用途,做ARTAS後我都有keep住。當然有諮詢醫生意見下使用。如果要我寫哂試過嘅生髮療程和體驗,相信幾萬字都唔夠,我先分享hair transplant呢部分,因為對我來說,hair transplant係最值得做,一個最直接解決我脫髮問題的方案。hair transplant分幾種,FUT、FUE及ARTAS,而ARTAS有再分第幾代,我最後揀咗做ARTAS,而多數有做ARTAS hair transplant嘅診所都有得揀FUE,分別在於你想俾幾錢做。舊式FUT個人覺得依家冇人會揀,不比較了。簡單來講,FUE用手動或機械式提出,醫生手動揀和取毛囊,ARTAS用AI技術機器人根據預設的參數和模式,精確地選擇和提取健康的毛囊。而最後都係由醫生將提取嘅毛囊移到疏區。點解我俾貴啲揀ARTAS,有一個好大嘅分別:FUE人手取毛囊之後要分髮,成個過程都係手作仔,時間長、而時間長正正會影響術存活率,其實取出嚟嘅毛囊係離開頭皮之後就應該分秒必爭植入,打比喻拔咗條草,將條草擺埋一邊,冇水冇養分一段時間,再插返入泥土,當中有啲都可能捱唔住瓜咗。用ARTAS技術縮短咗整個流程,唔洗分髮,因為揀出黎嘅係由AI分析提取。手術講求高準確性和一致性。所以兩者比較下ARTAS一定係比較優勝。而我前面都有講到,正常有hair transplant嘅公司會兩樣都有齊,只係價錢問題。我總共直1700條 總費用:HKD$85000(ARTAS)總費用是已包括術前諮詢、手術、及術後覆診等全部費用該公司資料:Professor Hair 醫髮揀呢間原因主要係佢地用緊第十代,其他公司有ARTAS用緊舊1-2代,在價錢分別唔大情況下,選擇咗佢地。自己一直比較在意毛囊存活率呢點,唔想白白做完手術啲頭髮生得唔好。