今個月有幸同老闆去到灣仔北嘅龍袍同客傾合約.老闆揀呢度嘅原因係之前佢經朋友介紹識咗呢度嘅老闆熾哥(黃永熾),試過幾次覺得好先由以前成日去開間’飯堂’轉會嚟龍袍.個門面裝修都好豪華,招呼亦非常殷切.今次擺明係食好嘢,因為個客亦好識食. 成個過程唔多講,淨係講最值得我讚嘅.第一樣就係呢個腿汁扣飽魚伴柚皮.仲要係廚師現場煮.味道固然係好,最重要係個客都非常滿意.仲有係個濃湯大碗翅,翅針粗又長,仲要係滿滿! 仲有其他菜式都好合胃口,結果大家都盡慶而歸,最後張合約都傾掂咗.第二日老細話要下個月再同另一個大客戶再嚟,希望再接再勵,乘勝追擊! 點擊圖片放大