前排去了尖沙咀摩地道La Vache食牛扒, 朋友食過不錯, 網上評價ok, 就去試了。 三百多元一客牛扒午餐當然不便宜, 但難得間餐廳咁有傲氣, 只有牛扒餐一款食物可以點, 對自己蠻有信心的。 間餐廳都好易搵, 店前有牛牛光管, 坐低都唔使點菜, 因為得一款, 好彩預先溫習牛扒幾食熟點叫, 小學英文忘了, 5成熟 medium 較好, 幾嫩滑又唔會血水滿盤, 因為鄰桌點了3成熟 medium rare, 我膽小, 太生了不敢吃。 牛扒未到前, 先來沙律和麵包, 法國麵包味道不錯, 不會過硬, 接著牛扒上場前, 先擺放鋼架燭臺, 幾有陣勢, 最後主角上場, 10oz牛扒預先切開5塊, 午餐來說份量足夠, 碟中間有2款醬汁可以點蘸, 可能是配薯條食吧, 牛扒非常嫩滑可口, 完全唔韌冇渣, 原來外焦內嫩嘅牛扒咁正, 切扒不黐刀是這個意思, 算是領教過了, 切開細細嚿慢慢咀嚼, 怕太快食完會失落, 食過呢次以後都唔想去快餐店据扒了, 因為相差太遠, 期間不斷有薯條添加, 都是一般炸薯條, 餐後有個泡芙, 雪凍幾creamy可口, 呢餐當然不便宜, 但鐘意品嚐靚牛扒總要來一次打卡吧 點擊圖片放大 +6
