首先，簡單講下我既工作經驗：我有>４年航空公司 加 >4年酒店既工作經驗，３４５星酒店都做過。以家好多香港人話掛住去旅行，但其實做左２年幾Staycation，我深感好多香港未係合格既旅客。為咗唔想某些柒出香港，我想分享下個人經驗：（Ｐ.S. 個別酒店處理手法不同，我係以本人做過幾間酒店綜合體驗分析 )預訂篇1.Book用同証件唔match既名去訂房好多人証件上面寫住Chan/Tai Man，但會用Chris Chan去訂房‧其實係唔得架，呢啲英文名一個老麥招牌都死幾個啦。我剛後入行個時，會叫個人搵個agent改名，改到先可以check-in，如果有試過，都知啲agent係幾L難contact。到以家因為太多人用klook , KKDAY個啲......好多酒店都怕呢啲客，所以都酌情處理。但係其實真心唔岩囉試過提個客下次跟返証件book，佢吊返我轉頭話：你上面又冇寫要用真名（咩歪理！？）訂房明明要填last name/first name......2.First name / Last name / Family name / Surname / Given name?讀過十幾年英文，都係好多人唔識分 /_ \" 我問十個客請問用左咩first name訂房，九個都係答佢個姓。當然網上訂房調亂都不計共數。按金篇1.唔肯俾按金好多時同個客講要收按金，即時失措，又話冇信用卡，冇帶錢.....種種藉口，又有人會拎張Debit card / 虛擬銀行卡.......其實呢啲卡絕大部份都唔接受，因為通常收按金，我地係只係做凍結既動作，並唔係真係ｃｈａｒｇｅ張卡。而Debit card 凍結左，係好難去解凍。2.按金幾時退一般退按金要7-14個工作天，呢個係銀行所需既時間，好多客人好心急第2日開始就打去酒店問退左未，其實我都好好奇點解被人hold一兩千按金好似世界末日咁3.點解按金咁貴以我經驗，一般３星收$500/日，4-5星$1000-1500/日，房費另計。其實去5星酒店食個Lunch都可能已經over$1500。對於會係酒店消費既客人，$1000/日真係剛好而已‧入住篇1.生日/週年紀念冇特別其實呢樣野係我覺得係香港人玩爛左，以家啲人生日可以慶祝2-3個月，１日又紀念日，１００日又紀念日......基本係個個都係慶祝。所以唔好問點解冇upgrade，同埋我唔明點解生日一守家要幫你upgrade‧如果真係有特別意義，我建議可以預先寫封好少少既e-mail聯絡酒店，最好有埋evidence，例如係個間酒店求婚或擺酒。同埋咁有意義，唔差在補多1千幾百差額upgrade或者佈置費。唔係一黎個個老鳳咁叫人俾間套房我，就算被你Ｒ到，唔係你有本事，係人地嫌你煩膠。２.無浴缸好多人都prefer間房要有浴缸，間間酒店設計唔同，有啲９成係浴缸，有啲９成係企缸。如果真係有需要，建議訂房時最好remark埋，當你去到check-in時先扭計話要，對唔住，變唔到俾你。３. Request but no guarantee好多客人成日以為request左就一定會有，通常我地都係會覆subject to availability or try our best‧但好多人都唔明呢點解。作為客人其實你可以request任何野架，你request唔俾錢入住都可以，受唔受理又另一回事啦。（待續）
