１. 直接搵廠商攞貨相信你听過好多網店店主既故事，都係話機緣巧合之下，拎到一批貨，幫人買下賣下咁開始。我自己都唔例外，個時有隻髮型用品我一向有用開既，但佢要屋企附近係某間專賣店先有。跟住我搬左屋之後，成日要特登返去買，覺得都幾麻煩。咁岩自己又想創業，所以試下send e-mail去佢地總部問可唔可以攞貨，佢地又ＯＫ，又邀請我去佢地廠到參觀，仲攞左成千幾蚊sample走。之後，就贍粗粗咁落左第一批貨賣。同其他人唔同既地方係，人地可能賣一個品牌就爆紅，我就唔上又唔落咁。所以用同一招搵左唔同品牌攞貨。通常呢招會有幾個results：A. 佢會直接無視 / 拒絕你因為唔同既原因，可能係地域、產品性質、品牌形象等等，佢地未必會show你既Remark：如果件產品真係好有潛力就嘗試用誠意打動對方。B 佢听你搵 香港區總代理有啲牌子可能本身香港已有代理，所以佢唔會花時間應酬，refer俾代理攪Remark：有代理既通常都大牌子，唔使點sell啲人都知。要特別代理商既取態，好多時佢地都會問你拎幾多貨，多啲又會平啲，但差價好大，一睇就知食水深；有啲代理，同時做埋零售，仲要個價好低，根本冇水位。當然都有啲好既代理，明白零售商都要賺錢，寧願專做批發，互惠互利。同一地區，有代理仲有好個處就係，好容易就攞到貨，唔使空運/海運。C 一拍即合在商言商，其他廠商都係想搵錢，難得有人自投羅網，幫佢地market，佢地當然OK啦Remark：但呢類產品通常都冇乜人識，又或者周家都有，咩人都會拎到批發價，所以要特別留意市場供求情況
