往後既日子，麻甩仔將會慢慢咁分享個人創業既經驗。其實麻甩仔經營緊一間網店，好多人都以為網店好易做，成本低，但其實要做得好...堅唔容易。經過唔同嘗試，我最後都入hktvmall呢個大坑。有興趣既，可以去小弟既網店參觀下：https://www.hktvmall.com/hktv/en/main/Airstore-Company/s/H7542001首先，講下加盟hktvmall有咩優缺點：優點：流量大，hktvmall係香港最多人用既網店，沒有之一（本店超過7成收入來自hktvmall）物流團隊龐大（客人最快今日落單，听日便收貨）Google合作顆伴（好多時係搜尋器打你件Product名，第一頁就會見到自己產品頁面）優惠活動多（閃購星期二、vip星期四95折、送口罩等...日日都唔同，商戶可免費參與）缺點：入場費HKD$15,000（對於小店，真係唔細數目）佣金高（大部份產品抽2x%，變相商戶收入有限)發貨限制多（收到客人的訂單，需指定時間交貨，而且包裝要求高），出錯罰款$100完全性競爭市場（同一件產品，你可能會見到有十個商戶賣緊，要做到單，唯有鬥平）假設１件產品賣$100，有$25比左hktv，有$20比左gogovan（送貨費用），有$2包裝，成本$50。商戶最終收入可能係3蚊，留意：這情況很可能經常性發生！個人意見：除非你賣緊產品係獨家發售或者你的產品利潤較高，都可以考慮加盟；如果你唔使做Brand building，可以試下搵現有商戶合作，寄賣一排，試下水溫。又或者如果你個倉係屯門就最好，可以直接交貨俾hktvmall，節省運費（只限乾貨）。有些品牌放係hktvmall純粹當宣傳，但留意加盟左之後，唔可以係貨品或hktvmall上宣傳其他銷售渠道，而且hktvmall的售價唔可以貴過其他地方。而以本店為例，有獨家產品，但銷量不足以cover到個cost，所以都有賣其他人有我有既產品，再配合組合優惠，鼓勵客人買產品同時買埋其他產品，節省運費之餘，可以增加收入。雖然賺唔到大錢，都叫收支平衡度。hktvmall加盟詳請：https://mms.hktv.com.hk/mms/mer-recruit/index.html！如有任何交流，歡迎留言或與本人聯絡（ig:clungwong) :]
