Netflix 唔知睇咩好？不如參考下我既十大Netflix 原創節目：第10位：Haters Back Off ! (Season 1-2 , cancelled) 由真實Youtuber故事改編成劇集，劇情無厘頭以餘，又幾好笑。外國Youtuber好興會為自己既channel創造一個角色，唔同港台Youtuber通常都係做返自己，例如Uncle Roger play by Nigel Ng。而呢套劇就是以Miranda Sing作為藍本，講佢係youtube發跡既事。第9位：Never Have I Ever (Season 1&2) 一部典型青春校園美劇，特別在於女主非傳統白富美，而是印度裔學霸，遇上歐亞混血校草，加上白人勁敵。到底佢是否可以破處成功？第8位：The Good Place 講述一班人死後的世界，佢地以為自己上咗天堂，原來去咗地獄。女主不斷發現自己原來去左地獄既事實，不斷被人reset。後來，同惡魔成為隊友，發現人品計分漏洞。中間係幾有趣，但有少少爛尾。第7位：The Circle 你可能睇過<<Too Hot to Handle>>，但你有冇听過<<The Circle>>？有少少似玩緊以前啲聊天室咁，同唔識既人傾計，當中可能有人用假相。你可能當佢戰友，但佢當你係兵。每個星期人氣最低會被淘汰，結局唔難估中。有唔同國家版本，美國版最好睇。第6位：Elite Made in Spain既偶像劇，整部劇集的少男少女都好有型、高顏值、fit。劇情圍繞一宗兇殺案，又有偶像劇情節。第5位：Euro Vision：Fire Saga Euro Vision係真實歐洲一年一度既歌唱大賽，而故事講述一隊名為Fire Saga一男一女的虛構歌唱組合代表冰島參賽。女主有天籟般的歌聲，但配合經常出包既男主，令整個參賽過程困難重重但有趣。雖然如此，男主卻是女主一直以來的支柱。其中另一個亮點係其他國家的參賽者都很有個性，亦被男女主的特色所吸引。而且電影入面所表演的歌曲都好好听。我睇緊時，覺得個女主好熟面口，但又醒唔起邊個，一搵先知原來係mean girl入面既Regina，同呢套戲既女主反差好大。第4位：Black Mirror (Season 3-5) 好多人都听過或者睇咗既科幻神劇，每一集都係一個單元。內容涉及虛擬、高科技的世界。我個人特別最鐘意S3 "Nosedive"、S4 "Hang the DJ"、S5 "Rachel, Jack and Ashley Too"。第3位：Orange is the new black (Season 1-7 , ended) 美版女子監獄，每個獄內發生的情節都穿插主角們入獄前後的故事。首推Season 5，講到班囚犯得到監獄既控制權，好似打扙咁，精采絕倫。其中有一集，講管理員成為人質，被囚犯迫住上演Prisoners Got Talent。仲有對姊妹花開直播教人用監獄入面既資源化妝做網紅等。劇情特別得黎貼近現代人生活。第2位：Sex Education (Season 1-2 , renewed) 講述年青人對性既迷知同探索，以及當中遇到既問題同趣事。但我覺得最耐人尋味係當中主色既關係：Otis x Maeve x Jackson 三角戀Otis x Eric 好基友Eric x Adam 欺凌 到 斷背相信好多人同我一樣，好想睇到男主Otis同Maeve一齊。Season 3 is coming soon.第1位：Insatiable (Season 1-2 , cancelled) Insatiable係我3刷後都仲好想重溫既劇，鍾意真係冇得解！呢套劇包含好多青少年美劇元素：選美、小鮮肉、LGBTQ、懸疑、性、謀殺、愛情、外遇.....劇情係如外國網友不斷話crazy but can't stop watching。女主減肥後變得極度自我中心，但又好真實，好似每個人既黑暗面咁。可惜既係，Netflix已經宣佈唔會續訂第三季 :(#saveinsatiable
