哇，消失左好幾日。就係為左考呢個每個月尾既飛機工程師牌。其實有時寫下寫下，share呢野可以幫下d想入行既後生仔。 8-) 諗起個陣岩岩畢業出黎揾工。個心一直就想入呢個飛機行業。自己讀飛機既，但就一直未見過飛機真正入面個樣。也對呢行好好奇。又有好多野想知。但我對呢一行一d都唔認識。又唔知其實飛機點做maintenance。想知多d關於飛機既野，大部份都係d門面野，想知到d內幕消息既方法係=零。 係香港可以俾我入到行既公司唔多，但想入到既公司又得一兩間。到最後吾打吾撞咁入左行，由低開始做起。 考牌呢樣野，其實係俾自己既一個goal。我唔想做食物鏈既低層，我要向上。呢個飛機工程師牌，hkar66, 要我考13科試，之後仲有科essay。到最後仲要有番幾年hands on experience。咁就攞到。聽落好似好易，但辛苦唔辛苦得自己知。 所以想同諗緊入行既後生仔講，呢一行，冇錯，人工係低d，工時又長。但邊到有份工可以fresh grad就揾得好多 (unless你做finance個d)。真係有心做飛機既，就唔會介意呢d野啦。每日見到飛機個個心情係開心到唔知點刑容。
