我唔知道係咪好多女仔都曾經憧憬進入high fashion行業，但我知道當年電影The Devil Wears Prada真係喚起好多女仔想入high fashion做editor的ambition。盛lady我都係其中之一。當年學法文的動力都係為咗有朝一日踏入呢個行業，亦都因為呢個ambition，我好好彩宜家都算有同呢個行業打擦邊球的career，時尚雜誌小編一名。作為過來人，我都想同每一位追求high fashion的女仔分享下我的心得啦！ 時尚女魔頭，你以為做得時尚雜誌編輯就咁易？無一定功力、經驗同底氣的磨練，點樣hold得住著PRADA的氣場？ 要練就呢種氣場，先掂量下自己有無以下的斤兩吧： 一、英文要好。所有外國大牌評論家，比如好似Suzie Menkes的評論要睇得明，重要消化得好。 二、要有sense，亦即係悟性。技術可以學，但悟性係後天的，呢樣如果無就唔嘎啦！ 三、要有傳媒人的素質，無論係做市場推廣，定係做編輯記者，一定要有興趣去挖掘新嘢，唔係成日跟住press release轉。 四、要關注文化，因為有時需要think out of the box，不過呢點可以靠培養，因為係一種思維能力 唔好以為做時尚雜誌小編成日同fashion打交道就好開心，你要預咗有時文思枯竭諗爆頭都嘔唔出一篇文的心理準備，因為呢個都算係呢一行的職業病。 Last but not least，記住COCO CHANEL的經典名言：「時尚易逝，風格永存。」唔好一味做時尚的泡沫，個point係要領略到唔同的風格，咁樣先可以喺high fashion industry企得穩，做時尚女魔頭都要有hold得住PRADA的氣場！
