近來香港娛樂圈是非非真係多：Bosco同楊崢曝光21天一拍即散的姊弟戀；胡杏兒微博「找到了」攬仔照。跟住後跟風續仲有個洪永城惡搞杏兒的攬仔相，攬著黃翠如複製了一張「找到了」相，只不過翠如BB唔領情，熱情的Tony慘食檸檬…… 其實娛樂圈是非之地，好多明星都靠噱頭來增加曝光率，盛lady我都見怪不怪啦。從「澤崢」戀喺hk discuss高度曝光，仲有當街忘情擁吻的相流出，我就睇得出呢個根本就係炒作，即使情侶拍拖借車比對方開有咩咁出奇？使乜搞到全城皆知幾時借幾時還？當然啦，炒作效應只炒主角無癮，所以乾脆搵黃媽媽來客串一下配角，跟住用一個「媽咪唔鍾意」堂而皇之又萬無一失的藉口為呢場轟轟烈烈的「姊弟戀」畫上句號，炒作曝光兩不誤啦。 當然，舊愛有新歡又一拍兩散，開心的是前度啦。胡杏兒就喺上月底微博公開自己的私密「床照」，喺床上抬起玉腿，雙手隨意靠喺頭上，眼神就可以殺死你：分手，我舉「腳」贊成啦！當然，呢個都喺盛lady我以女人角度來諗的個人揣測。 呢個N角關係的發展高潮係胡杏兒post的「找到了」攬仔相震撼全城，當全世界都猜測她是否公布新戀情「反撃」舊愛黃宗澤時，又喺微博上同李思捷配合搞場大龍鳳，話喺只想整蠱下粉絲。 好吧，好一個「狼來了」的故事。俗語話：「橋唔怕舊，最緊要受。」跟住洪永城紛紛效仿啦，攬著黃翠如複製了一張「找到了」相，可惜Tony卻慘食檸檬，被翠如BB還以一句「想點」加黑線公仔不特止，仲要雙手推開他叫他「滾開！找你個屁！」而被拒絕的Tony只能以一句「找錯了」加心碎公仔來死兜，真係慘情。 孰真孰假？真真假假，假假真真，真假難分！ 諸位看官，呢幾個只不過是唔同版本的「狼來了」故事，如果你take it seriously，咁你就輸了。 哈哈，此為盛lady作為一個冷眼睇娛樂新聞旁觀者的分享，對於我嚟講，與其諗呢幾個故仔的真真假假，不如研究下楊崢點解四張幾仲keep得咁好，胡杏兒「找到了」呢張相點解皮膚靚咗咁多，翠如BB的著衫taste仲好過啦！
