天氣咁熱,日日都出好多汗我相信唔少朋友都同我一樣有用止汗劑O既習慣但市面上咁多款止汗劑究竟邊款好呢?係咪令到係最清爽香噴噴果隻就叫最好呢?其實唔係O架喎我諗好多人都聽過止汗劑對皮膚O既壞影響尤其係女性啦,有些止汗劑成份含有鋁鹽同苯甲酸脂之前已經有研究指出大部份乳腫瘤患者都驗出皮膚下有呢樣野同埋腋下集中好多淋巴位,鋁鹽吸收左入去就會積聚左係度加上好多止汗劑入面仲有香料,酒精或者防腐劑,始終對乳腺及腋下皮膚都唔係咁好O既 我就係年幾兩年前開始留意止汗劑邊隻好亦到試過腋下有一小位置損左,好似無左層表皮咁(我唔知點解會咁啦,我發現O既時候已經係損左)但係呢個損左O既位呢,係反反覆覆,好返又損過好返又損過咁維持左半年咁耐我一直都唔明白點解會咁,就算損左都應該會埋口O架嘛之後我仲連激光都唔敢再做咁我亦都轉過用開果隻止汗劑(我之前都係用開超市幾十蚊一支果D,唔用又唔得,因我好大汗)今次我轉用施X了,但都係無改善,我都唔係咁滿意直至我發現有左BB啦為左BB同將來餵奶著想決心去買一支再好d 再天然d O既止汗劑有天就走到去Melvita, 大家都知Melvita 係有機護膚品牌子啦之前用過佢o既產品感覺都唔錯o既咁見到佢有兩款for女士用o既止汗劑一款係走珠包裝的,一款係噴噴o既了解過之後呢,原來佢係不含鋁鹽、苯甲酸酯、酒精及人造香料BA姐姐仲話大肚媽媽都用得 我就買左噴噴呢支,因為我覺得噴噴比較衛生d 除左無上述化學成份之外,佢仲係天然明礬結晶為純天然的香體劑，再揉合薄荷精華，為腋下帶來清新舒爽的感覺，以及淡淡清新氣息，有效預防體臭。其性質天然溫和，即使最敏感的肌膚亦可安心使用，且不會阻塞汗腺，不會防礙汗腺正常排毒功能。配方含香橙、檸檬果水及大馬士玫瑰精華，有助紓緩敏感紅腫，噴霧使用方便，迅間乾爽，不在衣物留下痕跡仲係天然有機美容產品,根據ECOCERT準則，獲法國ECOCERT GREENLIFE認證99.80% 天然成分50.00% 有機成分（水分不被列作有機成分） 這樣就用得比較安心,用過之後我發覺真係唔錯如果全日在街外我真係要中午補一次但自從我用左佢之後我腋下那個小小損的位置已完全好返了再沒有反覆損過了所以我更加相信止汗劑對皮膚真係好大影響而且佢唔會噴完之後係好大陣香味我覺得呢樣都好緊要,有時我係想止汗但唔係想噴香水囉 咁價錢方面呢D一定係貴D O架喇我呢支係$180一支但係為左對自己好D,呢D錢真係唔慳得O既所以我一直都有KEEP住買佢O黎用亦都介紹過俾我身邊的女性朋友用止汗劑真係要小心選擇啊
