元朗美食好多，但係有4間小妹覺得一定要食亦都好愛去食嘅店！ 第一間--天奴豬扒餐廳（豬扒夠軟又大碟 「天奴」係大部分元朗人都知嘅一間專食豬扒嘅餐廳，每日嘅lunch都有好多人去食。去到一定係叫豬扒飯仲可以加蛋、腸仔嗰啲，配黑椒汁or蒜蓉汁都好正，小妹平時都係叫呢兩種。碟飯都幾大碟仲會有條燒矮瓜，塊豬扒好軟，基本上唔洗用刀叉，用匙羹都整得開，又唔會有好肥嘅感覺（勁愛呢間嘅豬扒飯）。 地址：元朗昌盛徑18號元通樓地下 https://www.facebook.com/pages/%E5%A4%A9%E5%A5%B4%E8%B1%AC%E6%89%92%E9%A4%90%E5%BB%B3/197339886948960 第二間--開心小敘（都係出名食豬扒飯 呢間應該無咁多人知道佢啲豬扒飯都好正，豬扒夠大塊同樣可以配蛋、腸仔嗰啲。汁方面可以配豉油汁、咖哩汁、沙嗲汁or黑椒汁(小編通常都係揀豉油汁）佢有兩間店一間係雞地（鳳攸南街）一間係安興街嗰邊，兩間嘅豬扒飯有分別，如果要去食，安興街嗰間係好味過雞地（鳳攸南街）個間（個人覺得係）!但係lunch嗰個時間係好多人要等位。 地址：元朗安興街59-67號安泰樓地下 元朗鳳攸南街3號好順景大廈地下43號舖 https://www.facebook.com/pages/%E9%96%8B%E5%BF%83%E5%B0%8F%E6%95%98-%E5%88%86%E5%BA%97/524549397665800 第三間--Moment Cafe (All day breakfast仲有其他都好食 Moment Cafe好食嘅野有好多，有All day breakfast（特色肉腸（法蘭克福腸，煙辣肉腸，阿歷士黑椒腸，cold cut火腿，班尼廸蛋，炸薯角配奶醬多士及時令沙律）（$82）呢個餐夠晒大份又唔算太貴，值得一提嘅係個時令沙律，沙律醬係士多啤梨沙律醬非常好食。另外，仲有全日供應精選早餐（芝士流心西多士$42，班尼迪蛋$42）特色午餐（ 牛油蒜子虎蝦意大利粉$72）都係好正。每份餐都會跟配時令沙律同水果。其實好味嘅有好多，呢啲只係小妹推薦嘅。 地址：元朗鳳攸南街9號好順利大廈地下63B,C&D舖 https://www.openrice.com/zh/hongkong/r-moment-cafe-%E5%85%83%E6%9C%97-%E8%A5%BF%E5%BC%8F-all-day-breakfast-r443652 第四間--好包（無骨雞翼包 「好包」專賣無骨雞翼包，小編最愛食蜂蜜無骨雞翼包（$35）再加支菊花蜜（$16）正到爆！！！包入面有3-4隻細雞翼，記住個包要係5分鐘內食先好味，過咗就無咁好味，佢仲有香蒜椒鹽（$35）、香草醬（$38）同青咖哩（$38）無骨雞翼包（呢幾隻小妹無食過，因為太愛蜂蜜 哈哈） 地址：元朗西菁街2號興旺樓地下1C號舖 https://www.facebook.com/coupleandthebao/ 呢4間可以話係小妹好鍾意去食嘅小店！本來諗住放啲相，但係原來我食過咁多次都無影過相 哈哈 去試之前可以㩒入去啲link到睇下先！今次係小妹第一次寫blog，可能會用錯字，希望大家唔好介意。
