尋日趁住老竇放假,就同佢嚟到利奧坊呢邊食餐好嘢👏🏻補足佢嘅生日🎂見到呢間西餐廳感覺幾吸引,就上嚟試吓~餐廳嘅裝修幾有風格~週末仲會有live Band performance!因為尋日係平日,睇唔到,有啲可惜...可能下次禮拜六日先來睇~餐廳嘅背景音樂🎵以英文抒情歌為主~聽落好舒服😌好有情調~ 威靈頓牛柳 $788好新鮮嘅牛柳,大大嚿,肉質幾嫩滑~外層係脆皮,超級酥脆~牛柳食落幾Juicy,一食就有好多肉汁流出嚟~配有三種唔同醬汁,沾埋牛柳食別有風味!齋食牛柳都好正~仲有啲番薯粒粒作為配菜,幾好! 加拿大保濕豬架配香芹牛油炒新薯佐焦糖青蘋果醬$288一大碟豬架切成好多塊,煎得幾香~半肥瘦嘅豬架肉,食落幾有咬口,而且幾香,調味較得幾好!仲有啲薯仔作為伴碟,幾淋甜,同埋酸酸甜甜嘅青蘋果醬,唔錯~ 餐湯係好香好濃郁嘅薯仔忌廉湯🥔好creamy,幾好飲! 蘋果玫瑰紅茶用茶包沖嘅有香濃嘅玫瑰花茶味🍵仲有淡淡嘅蘋果香氣~ 香烤雞肉凱撒沙律配烘脆麵包條半份$98一大碟沙律菜🥗新鮮嘅生菜🥬配埋香噴噴嘅烤雞肉~仲有脆卜卜嘅麵包條作為前菜,幾正! 黑松露意大利燴飯配牛肝菌大啡菇及野菌$248一大碟黑松露燴飯,有一個好大嘅大啡菇係飯面,成個飯都好creamy,有好香嘅黑松露味~大啡菇食落幾爽口,而且好香~中間仲有唔同種類嘅菇,食落都好好味😋 意大利傳統提拉米蘇$138一大杯Tiramisu~表面鋪滿咖啡粉,食落覺得好creamy~仲有柔軟嘅蛋糕係中間,同埋有士多啤梨脆脆,藍莓同士多啤梨伴碟🍓幾鍾意士多啤梨脆脆,幾好食~