嚟咗西班牙🇪🇸已經一星期，同時亦都剩下唔夠一星期。因為我只係參加為期兩星期的課程，所以我決定今日，亦即係星期日，做返正事 --- 拍Vlog （其實只喺得今日可以拍到Vlog 🙈）。不過因為尋日同今日超市都冇開，又冇晒早餐食糧，所以就落咗宿舍樓下個餐廳食早餐。🥐 因為 Museum of pilgrimage 今日14:00閂門，所以第一站就去咗呢度先。本身以為要買飛入去，點知原來星期日係免費入場。另外因為我喺門口都拍咗一陣片，拍完準備入去，突然有個人走埋嚟問我識唔識講英文（用英文問，西班牙絕對唔會聽到廣東話😂），之後又問我邊度嚟，然後我哋簡單吹咗幾句水，之後就 have a nice day 走咗。雖然成件事有少少奇怪，但係旅行就總係會有預計唔到嘅事情發生。 博物館樓高四層，每一層都分別有唔同嘅介紹。一樓介紹朝聖之路嘅一啲歷史；二樓主要介紹 saint James （如果冇理解錯，應該係一個好出名嘅朝聖者）；三樓主要介紹 Santiago de compostela 嘅歷史，例如以前嘅貨幣，舊時嘅遊戲等等。點擊圖片放大 +2 四樓放咗一啲近期唔同團體完成朝聖之路嘅分享。圖中白紙就係完成朝聖之路嘅人，喺博物館留下嘅印記，可想而知，真係好多人完成過朝聖之路。 純粹趣事分享，因為入去博物館之前要將個袋放入儲物櫃，儲物櫃要€1用作上鎖，但係我冇€1。醒目嘅我，就試吓將個£1 銀仔放入去～～得咗得埋右！ 參觀完博物館之後，都已經肚餓了，所以又即時Google Maps搵附近有乜好食，其實本身今日已經諗住食paella ，話晒都係西班牙必食之一！（其實係我驚如果等多幾日先食，搵唔到嘅話就大鑊，寧願食完再食）。而今晚5分鐘路程之內有一間4.7 星嘅餐廳🌟，所以就決定去嗰度食。 因為我驚食完海鮮敏感（小弟唔知點解食蝦塊面就會少敏感），所以今日食住個雞肉先，臨走之前先食一個海鮮嘅（就算敏感都唔怕冇藥膏🤧）。唔係講笑，個飯真係超級好味5/5分，其實個麵包都唔差，只不過唔鍾意食太硬嘅麵包 3.5/5 分。我總共叫咗一份麵包、一個paella 同埋一支可樂，埋單€19。點擊圖片放大 午餐之後，我去多咗一次Praza da Quintana。因為上次入去，我以為佢封咗參觀教堂嗰一邊，點知我今日先發現，原來要喺另外一個閘口入去🫠（其實我今日都排咗上次入去個條隊，所以其實係撞咗兩次板🥶，我出返去之後，望住住個時間，覺得冇理由13:00 都唔開放，同埋其實係有人喺教堂嗰邊參觀緊，個下我先醒起有第二個入口） 參觀完Praza da Quintana之後，就去咗 Cathedral Museum，因為我有西班牙大學嘅學生證（唔清楚其他國家學生證用唔用到學生價），所以可以用學生價買飛，盛惠€4 ，大人價錢€6 。博物館其實都幾多嘢睇，分別有兩個大展覽館，不過有部份展覽室嘅展品，只係有西班牙文介紹。點擊圖片放大 +3 €4 嚟講一定值回票價。對於我嚟講可以喺呢個高位拍到個 Timelapse 已經值回票價💯。 參觀完博物館之後，因為電話已經冇電，所以就去咗Burger King叫咗杯奶昔，順便叉電🔋。 叉電叉咗差唔多一個鐘，再行返去 Cathedral。我本身已經網上book咗門票18:00入去內部參觀（可以網上免費預約），但係去到先發現，原來今朝買嗰張博物館門票已經包埋，根本唔使等特定時間都可以入去。而今日呢個景點，本身係我最期待嘅景點，但係最終成為是日最失望景點，因為入面真係乜Q都冇（冇嘢到我係連相都冇影😪)。本身以為好金碧輝煌，或者好似教堂設計咁樣，但係真係乜都冇，連人都剩係得一個😶😶（某程度上其實唔可以算係一個景點，真係俾個教堂外表呃咗，同埋佢要開閘先入到去，搞到好似好隆重咁…😑)。不過走之前我問咗職員，佢話如果我買另外一張飛，係可以上去類似天台嘅位置。其實我之前上網係見過呢個活動嘅門票，不過睇介紹同埋相片其實唔係好特別，價錢都唔平（成人€12 ; 學生€10)。 Day 8 完。✍️Instagram: _ooahlongteaYouTube: ahlong’s vlog
