化妝最重要嘅一部份系卸妝產品一定要用得好 今次想同大家講三款卸妝產品 分別系shiseido嘅兩款卸妝油 同Philosophy嘅卸妝油 先講shiseido嘅Ultimate Cleansing Oil 用左有差唔多一年嘅時間啦 不過唔系每日都有用 身在溫哥華嘅阿kat系系Sephora買嘅 阿kat覺得唔太好用 如果系比較簡單 粉底或者防曬我會覺得佢ok 因為比較方便 而且唔需要用化妝棉卸 下面俾大家睇下佢嘅卸妝能力 分別系solone眼線筆 maybelline眼線液 眼影同睫毛膏 可以睇到除左maybelline嘅眼線液 其他都好容易卸走 眼線液就要卸左次 先可以卸乾淨 我覺得佢卸妝能力系比較差嘅 不過卸妝后好清爽 唔會覺得面緊 跟住系shiseido嘅Instant Eye and Lip Makeup Remover 因為阿kat一直有用開shiseido嘅護膚品 每年shiseido有兩次優惠 我都會買護膚品 佢就會送一dsample 依隻卸妝sample系包括系禮品入面嘅 佢嘅卸妝能力比Ultimate Cleansing Oil要好 系油水分開嘅 大家再睇下佢嘅卸妝能力 分別有solone眼線筆同maybelline眼線液(唔記得影相添) 按住30秒后輕輕抹 已經可以將solone嘅眼線筆卸乾淨 但maybelline嘅眼線液都系要卸多幾次先卸得乾淨 所以卸妝能力都系一般嘅 跟住依款系Philosophy Just Release Me™ Dual-Phase Oil-Free Makeup Remover 系油水分開嘅 非常好用 阿kat都系系sephora買嘅 但阿kat已經用完啦而且掉左 但未買翻 所以系網上搵張相俾大家睇 防水眼線液同睫毛膏都可以輕易卸走 卸妝能力非常好 阿kat系超級中意用 而且系一定會回購嘅產品 有興趣試嘅朋友可以試下 比好多牌子嘅卸妝油都要好用 依個系出乎我意料之外嘅 希望大家中意阿kat今次嘅分享啦 ~歡迎任何合作和試用~ email: katkawaiso@yahoo.com