呢間餐廳一直都想試， 咁啱佢最近搬咗新鋪，我立即約靚女一齊去。 新鋪就腳咗， 地方更寬敞🤩，仍然保留「鬼佬涼茶」呢個霓虹燈牌，另外落地玻璃上有好鬼型嘅繪畫，亦成為打卡位之一。 餐廳菜式大玩fushion， 最啱鍾意試新嘢嘅我😍 何蘭正式班尼廸克蛋/伊比利亞叉燒 原來將伊比利亞叉燒及溏心蛋，放喺長法包上， 溏心蛋上再淋上秘製班尼廸克醬。 招牌嘅比利亞叉燒真係無得頂，半肥瘦嘅叉燒，烤得香脆帶有香甜蜜味，肉嫩多汁。叉燒同麵包中間仲有幾片菠蘿，酸酸甜甜，能解豬肉既膩。溏心蛋一切開～～原來都係流心， 伴著秘製醬汁，都好惹味。 龍膽石斑魚柳/芫茜/醃奇異果🥝/皮蛋他他醬/漢堡包，配薯條 （$168） 又芫茜又皮蛋😂 中西合璧， 魚柳炸得好香脆，外面乾身唔油膩，魚肉厚身鮮甜嫩滑😋 芫茜皮蛋同魚柳味道好夾，食落好香口。 巨大泡芙/菊花芝士忌廉/蜜糖蝶豆花（$98） 原本唔係太大期望，但靚仔店員推介。嘩～～～蒸籠上， 賣相靚到唔捨得食～～ 當你以為只得個樣😏，泡芙好脆口，入面有勁香又清新又軟滑嘅菊花芝士忌廉，唔太甜又唔膩，而上面就有用蜜糖蝶豆花做成嘅藍色絨毛，清甜又爽口😋 雲呢拿棕樹糖冰咖啡（$58）香濃幼滑😚 椰青龍井冷泡茶（$58）清甜解渴😋 地址：何蘭正 (中環) 中環雲咸街29號東方有色大廈2樓 #中環美食 #中環 #fushion #美食 #美食日記 #美食推薦 #美食摄影 #美食分享 #香港美食 #香港好去處 #香港打卡 #打卡 #hkrestaurant #hkig #hkiger #hkfoodie #hkfood #hkfoodblogger #hkfoodlover #hongkongfoodie #hongkonger #叉燒 #相機食先 #holjeng_ 點擊圖片放大 +11
