之前每年都去韓國最少一次，呢排無得去，只好食住韓國菜頂住檔先啦😛呢間聽講話喺比較正宗又新派嘅韓國餐廳，喺銅鑼灣地段～座位夠多夠寬敞，入面仲播住好update 嘅韓國歌，佈置都充滿韓國特色，仲有Oppa 駐場😍今次我點咗最懷念嘅米酒豬腳套餐（$370）韓國米酒加豬腳就係絕配。韓國豬腳喺加咗生果同大醬入滷水汁煮，味道特別香濃。 豬腳亦切到每一塊大細都差唔多，Q彈嘅外皮，伴住嫩滑嘅膠質及有嚼勁嘅肉質。 套餐仲包括生菜🥬及配料，可以包住豬腳片，一齊食😋，再配上甜甜地嘅米酒🤩🤩海鮮蔥餅（$140）我都算喺第一次食呢款，真係一食就勁鍾意❤️。 一啖咬落去就發現原來入面有好多海鮮蔥條、青紅椒等，好足料。 香口嘅蔥及青紅椒，配上爽口嘅鮮蝦及花枝，仲有十分香脆嘅煎餅，我真係食到停唔到口🤣蜂蜜黃油炸雞半份（$130）韓國炸雞真係特別好味，遠距離已經聞到蜂蜜嘅甜香，及牛油嘅味道。 熱辣辣，脆卜卜嘅外皮加上內面嫩滑且多汁嘅雞肉😋😋要讚一讚店員服務好友善，成日幫我地加水，見炸雞太熱攞唔到上手，仲俾鉸剪我地用😍 原本話要食少啲減一減個肚腩🤣 睇嚟都遲啲先 🤪🤪想見oppa!地址：Bingo & Cook (銅鑼灣)銅鑼灣駱克道487-489號駱克駅2樓點擊圖片放大 +8
