📍Lakeside (佐敦)佐敦一定係香港嘅尼泊爾菜集中地。想食正宗尼泊爾菜，廟街一帶應該都係最好嘅選擇。呢間餐廳嘅店長好熱情，而且佢哋仲有小店獨有嘅貼心。🌟Lakeside platter $148尼泊爾辣薯仔（Thicheko alu）、Tabouleh (?)、脆脆+花生、薯條、蝦片、雞翼雞鎚落單嘅時候店長有問我哋食唔食得辣，結果真係有幫我哋減辣🥹。Thicheko alu少辣好開胃，除咗薯仔之外都有唔少青瓜。Tabouleh (?) 點解會打個問號因為佢哋冇話係Tabouleh，而且諗落係冇咗小麥。但係番茜+蕃茄+洋蔥，再用檸檬汁調味又似足七成。雞翼雞鎚口味似喺大馬/印尼會食到嗰種調味唔重，有生炸感覺嘅炸雞ayam goreng。🌟Chicken sausage $70店主話係尼泊爾嘅signature dish。鹹度唔高，如果廚師腸係10分鹹，呢個就得3分左右。燒得好香好均勻，可以蘸乳酪醬同尼泊爾辣醬食。成個感覺好comfort food，真係會食得開心。🌟Chicken momo $65香港人最熟悉嘅尼泊爾菜-尼泊爾餃子🥟。薄薄嘅餃皮包住鮮甜嘅肉餡，多汁到似小籠包，但皮夠薄但唔易穿。🌟Plain lassi $35🌟Mango lassi $40📍Lakeside (佐敦)佐敦廟街165號地舖點擊圖片放大 +6 泊
