接近中秋先話有颱風, 呢個「莫蘭蒂」仲話中秋正日最接近, 真係掃興呀> < 雖然最後打唔到香港, 但吹左去廈門, 對潮州唔多唔少都會有影響! 交通: 1. 搭粵港直通車到汕頭,轉大巴或的士入潮州 --> 每日只有一班車, 中午才開 2. 到羅湖的羅湖城搭國內直通巴士到潮州 3. 到深圳北搭高鐵到潮汕站,轉大巴或的士入潮州 --> 由於單車不能上高鐵, 所以不選擇! 4. 搭飛機到揭陽潮汕機場,轉大巴或的士入潮州 --> 帶單車上飛機唔方便, 所以不選擇! **最後決定 僑社 > 澄海 時間0910 – RMB125 – 5-6小時 其實去汕頭班次比較多選擇, 但汕頭 > 潮州 40K, 而澄海 > 潮州 只需30K 今次輕鬆踩, 所以決定去澄海起步 第一日 0700 集合, 原先以為很多人過關, 所以預早些, 最後順利過關, 可以舒舒服服嘆完早餐先過去坐車. 0830 左右就去到僑社等車, 唔好以為準時先上車, 去到就要揾下問下, 原來架車到左, 可以早啲上車架!! 雖然有坐位編號, 但都可以亂坐架! 1500 起初以為冇乜人去潮州, 但中途不斷上客, 最後都坐爆~ 行下停下, 大約坐左5-6個鐘終於到澄海車, 第一時間醫左肚先, 再起程啦~ 1800 沿途坐車時都好好天, 當接近汕頭時就開始陰天落雨, 時好時壞, 到最後落車又開始落雨, 仲越落越大, 踩左約3小時終於到潮州, 同埋變左落湯雞 > < 天陰陰廣濟橋, 開放時間0700-1500, 當日去到已關門 去到附近揾左落腳地, 大家都梳洗完之後先出去揾食~ (今次住格林, 雖然貴些 RMB190雙人房/晚, 但舒服都值) 第一晚 聽聞潮州牛丸出名, 又去試下啦, 真係幾好味喎~ 食完就回去洗衫, 吹鞋.... 準備明天的行程....zzzZZZ