一班朋友想踩車, 但又唔知踩邊好, 又唔想去南生圍....羅太....同人迫, 不如遊踩天水圍啦! 由天水圍向聚星樓方向起步, 經過一條又長又靚的單車徑, 再向濕地公園進發~ 濕地公園....門口我成日都去, 以為冇咩特別啦! 但朋友仔唔係成日都來, 所以入去行左個圈 (單車泊係門口) 裡面唔比踩車架! 發現裡面其實都好靚架~ 生態迷宮, 行上去旁邊有堆紫色花, 影相唔錯架~ 個日天氣好, 跑上斜坡可以影到好多靚相^^ 點擊圖片放大 我地玩完一陣, 剛剛有旅遊車來, 突然好多人, 所以我地又要向下個目標出發~ 無意又踩回天水圍西鐵站, 附近有個聚星樓, 一於就沿住屏山文物徑玩足一日~ 由聚星樓>上璋圍>屏山鄧族文物館(要踩上斜斜斜路先到架) 不過都可以推上去~ 鄧氏宗祠>屏山覲廷書室>坑尾村公廁 (聽聞呢個公廁用左唔知幾十萬整架, 都值得一試~o~) 點擊圖片放大 +3 點擊圖片放大 +3 再入去就會見到華嫂冰室, 但我地冇去~ 我記得坑尾村公廁附近, 有一間食肉餅飯, 聽聞都唔錯, 就揾左呢間試下~ 老地方~ 都幾多人食架~ 等左成半個鐘~ 入到去見到個餐牌, 都值得嚟試下~ 食飽飽之後, 再向洪水橋方向踩左一陣, 沿途向藍地屯門方向, 中途都好多少村. 我地亂踩亂撞入左條叫 [和平新村] 踩到最入有個涼亭仔架~ 玩足一日大家都差不多, 回程去返天水圍西鐵, 途經天水圍文化康樂大樓, 影埋個日落, 完美的一天^^
