喺學習零散嘅新知識之前，有冇諗過需要先建立一個系統性嘅學習模式？我係Mr.J，多年來透過DSE英文補習幫助學生輕鬆取得大學入場券。今日我 Mr. J - AfterSchool 將會同大家由佔分、HKDSE English Paper 1 Past Paper 常見題型出發，學埋時間分配 Time Management 同題型技巧！如果你想知英文卷一閱讀理解技巧，就要睇曬我跟住落嚟提供嘅星級 tips 啦!了解自己 Level 喺邊先可以制定做卷策略，用最高效率，喺英文 Reading K.O. 最多有把握嘅題目！2021/ 2022 DSE English Paper 1 佔分2021 佔分比例受疫情影響，考評局修訂咗 2022 DSE 英文科嘅考核模式。根據 考評局 2021 年英國語文科評核大綱 顯示，英文卷一佔整體科目總分 23%，其中 「Part A 必答」同「Part B 選答」各佔 11.5%。2022 佔分比例根據 考評局 2022 年英國語文科評核大綱 顯示，雖然冇 2021 DSE 英文佔分咁多，但英文卷一都仍然佔整體科目總分 20%，Part A 同 Part B 分別各佔 10%。從以上可見，English Paper 1 Reading 嘅 兩 Part 同樣重要，千祈唔好為咗 Part B 而「hea 做」 Part A，顧此失彼。 DSE English Reading 常見題型英文卷一嘅考核題型不外乎以下格式：1. Multiple Choice (MC)2. True or False (T/F)3. 配對題 (Matching)4. 撮要填充題 (Summary Cloze)5. 短答 Short Question/ 長答 Long Question (SQ/LQ) 「短答題」常見出法包括：1. 參考題 (“what does X refer to”)2. 尋找同義/反義詞等「長答」則包括：1. 解釋題 (“Explain…”/ “Why…”)2. 陳述利弊題 (“State…”) 3. 析述立場題 (“Do you agree…”) HKDSE English Paper 1 考試技巧要準確獲取最佳分數，大家需熟習 English Paper 1 每種題型的難易度、容易失分位，避免誤墮陷阱。技巧一 「閱讀+答題次序」好多時老師教做英文 Reading 技巧都會叫同學「睇一次啲問題，再睇一次篇文先做」。但其實喺 DSE English 根本唔需要咁做！英文 Reading 嘅題目係順住文章內容出題，所以我哋唔需要睇一次篇文先做！可以一開波就「睇第一段做第一題」，咁會節省咗唔少時間。另外，題目嘅 hints 都可以按出題次序去搵。E.g. 通常 Question 2 嘅答案都會喺 Question 2 同 Question 3 所用嘅文章內容之間，如此一來就可以收窄範圍，更輕鬆容易咁搵到答案，事半功倍。技巧二 “Summary Cloze”對付 English Paper 1差唔多每年都會出嘅 Summary Cloze，秘訣就在於熟悉唔同生字嘅 Part of Speech，呢 Part 都好考同學嘅 Grammar，同埋大家對文意嘅理解。雖然答案往往會喺文中找到，只要根據題目語境適當轉換 Part of Speech 即可得分，但都要留意陷阱，就以 2017 ENG Paper 1 Past Paper Part A 為例：當年 (iv) 嘅答中率只有 24%，比其他幾題低一半有多。考生攞唔到分好大嘅原因係佢哋答唔到完整嘅文意 — line 39寫到 “if you wash plastic in water that was heated by coal-derived electricity,” 指出啲水係被加熱過嘅，所以答案係 hot water 或者 heated water，要將半個分句內容濃縮去兩個字，確實好考同學對篇英文 Reading 內容嘅理解！技巧三 「參考題」「參考題」亦係 DSE 英文嘅常見題型，主要考同學對文章句子 “subject” 同 “object” 嘅理解。英文 Reading passage 啲句子又長又沉，我知大家都睇到暈，但要搵返題目 refer to 嘅 noun phrase 其實唔係好難。不如我哋睇吓 DSE 2013 Reading Paper Part A 嘅呢一題：題目問緊 WHO developed PEG，固然答案會係一個或者幾個人，所以我哋可以睇下 line 76 句子中嘅 subject 就可以知道 “Chinese researchers started working with experts from the Conservation Office in Germany to develop a preservative known as PEG…”，中國研究人員同德國嘅專家都有份研發呢個 PEG。但係我哋要點樣將呢句嘢變做答案呢？寫答案嘅時候，切記要用返原文字眼，攞足分數，寫 “Chinese researchers AND experts from the Conservation Office in Germany.”就可以喇！更多考試技巧其實，仲有其他 DSE English Paper 1 tips：「MC題目」入面，四個選項中必有一個誤導分子 (misleading factor)，看似正確，但睇清楚題目係要求「最佳答案」，所以即使該選項部分正確也未必是最終答案。「析述立場題」切忌完全自我放飛、自說自話，標準答案往往是需引用文章提供嘅觀點去加以支持自己所選嘅立場，不能自創原由。其實大家見到我同你哋講咁多關於 exam skills 嘅嘢就明白，雖然自身嘅英文水平會影響到 DSE 嗰 grade，但呢個考試遊戲更注重「考試技巧」！所以如果你問我 DSE 英文成績極速進步嘅方法係咩？我一定會答你集中衝刺 English Reading ！點解？因為呢份卷係「最可以」apply 考試技巧，而且「最唔需要」良好英文基礎嘅一份卷！ ENG Paper 1 時間分配如果你會「做唔切」英文卷一，或者唔夠時間 check 卷，咁就說明你喺時間分配上仲有好大改善空間啦。究竟點樣喺一個半小時內閱讀兩篇長文，完成 English Paper 1 四十多條 (甚至更多) 的題目呢？一個常見的概念謬誤： 45分鐘做 Part A，45 分鐘做 Part B大家唔好被 Part A 文章長度給嚇倒！DSE Paper 1 Part A 雖然篇幅較多，但用詞及題型卻往往比 Part B 簡單直接，所以你需要的時間會比你想像中少。相反雖然 Part B 有時文章篇幅較少，但用詞通常較艱澀難懂、長題目陷阱較多，需要花費較多時間對付。DSE Paper 1 Time Management 要點:Part A: 35 分鐘Part B: 45 - 50 分鐘Check 卷: 5 - 10 分鐘大家記得就算係未做完 Part A 都唔好戀戰！另外，有啲同學容易喺 MC 或 T/F 呢啲邏輯推理選擇題中被擾亂思維，最後沒時間做後面較 factual 較直接嘅複述題，搞到得不償失。都有同學係喺最後 5 - 10 分鐘 check 卷時過度分析 (over-analyze) 自己嘅答案，喺臨交卷一刻草草「轉鈦」，原本啱都變錯，委實可惜。
