English Paper 2 英文寫作卷一向都令唔少同學非常頭痛。除咗難短時間內突破性進步之外，網上亦都流傳好多英文作文格式，但就缺少詳細分析每一段嘅目的同得分重點。今日我將會同大家由英文寫作卷嘅基本佔分比例同時間分配出發，一次過溫曬 DSE English Writing 卷嘅各大熱門題型格式同各段注意事項，仲會以我嘅學生嘅5**範文去深入闡述上述嘅skills，更具體地指出三大評分準則（Content, Language同Organization）嘅得分技巧。幫大家一文整合曬DSE 英文作文題目格式，方便大家收藏，需要時隨時重溫！HKDSE English Paper 2 佔分比例 根據考評局2021年英國語文科評核大綱顯示，English Paper 2 Writing 佔整體科目總分25%，喺四卷中佔分第二重的分卷(僅次於 Paper 3 聆聽與綜合)，可謂喺兵家必爭之地。而Paper 2又細分為Part A Guided Writing (短實用文) 同 Part B Extended Writing (長議論文/記敘文/書信等等)，兩 Part 比重為 2 : 3，Part B 佔分上較高。同Paper 1 閱讀卷一樣，同學切勿忽略 Part A 的重要性！正因為 Part A 全世界都做同一題，「有比較就有傷害」，再加上 Part A 題型及字數都給予考生極大限制，發揮空間有限，故要在Part A 突圍而出絕非易事，同學切忌輕敵。DSE英文卷二作文常見實用文題目Writing Topic格式1）議論文Argumentative Essay格式 第一種老是常出現的文體就係議論文喇！議論文作為每年大熱，幾乎每年都有學生問我：「議論文有無格式可以背？」其實議論文嘅格式算是比較大彈性的格式統稱，例如給編輯的信 (Letter to the editor) 都可以當做議論文的一種，但整體黎講一般議論文都要求考生提供三個原因，而題目中是會有清䀿的指示告訴考生要寫三個原因的！DSE Past Paper參考題目：2014 Learning English Through Social Issues ( “provide three reasons to support your point of view”)2015 Learning English Through Debating ( “justify your point of view with three reasons”)考評局最想見到的文章結構是：3 正 + 1 反 (Counter-argument) + 1 駁論 (Rebuttal)或3 反 + 1 正 (Counter-argument) + 1 駁論 (Rebuttal)3個我方論點 議論文正文第一段 (引言 Introduction 唔計) 就係你嘅第一個論據！寫論據的時候緊記要符合自己的立場，例如題目係 “Whether students should get tattoos or not”，如果你立場係支持 (Agree / Affirmative)，第一個正方論據就可以寫 “Firstly / To begin with / First / My first (and most important point) is + Topic Sentence”，然後輔以現實生活例子 / 數據 (如有)，加以說明，豐富自己的論點。寫完第一個論點記得要開新段，用提示字眼 “Secondly / Second / Next / Furthermore…”提示考官你已經移至第二個正方論據，析述方法同第一論點一樣Topic sentence + Examples。1個敵方論點 (Counter-argument)議論文最重要係論據夠全面，所以唔可以淨係講我方論點，要兼顧反方的論點。由正方論據推展到反方的轉折句 (Transition) 可以考慮以下字眼：“However / Nonetheless / On the flip side”，提示考官現在你要析述反方論點。 1 個駁論 (Rebuttal)駁論可謂是議論型文章的最精華部分，此部分最能看出同學的邏輯思維，即所謂的「突破盲點」，取對方論據薄弱或前後矛盾處，加以攻破，凸顯我方論點較言之成理。值得留意的是同學寫Counter-argument的時候要同時考慮到這是不是一個自己有信心「拗得贏」的論據，否則只會在寫Rebuttal 的時候焦頭爛額！有些同學在陳述我方論據時表現不俗，但寫至駁論時便束手無策，就反映同學平時在批判性思維 (Critical Thinking) 方面訓練較少。唔想俾人問到口啞啞？咁就要把握機會報讀我嘅《One Hour 5** Super Intensive》，一次過學齊咁多種 Rebuttal 方法，唔單止向5**邁進，連平時同人拗交都容易啲贏啦！ 2）書信Letter格式 DSE Writing 會出的書信型文體不離這兩種：Formal Letter (例如Letter to the editor / Letter to the principal (公函 / 商業書信)參考題目：2014 English Paper 2 Q4 Learning English Through Social Issues ( “writing a letter to the school Principal”)或者 Informal Letter (例如Letter of advice)參考題目：2018 English Paper 2 Q4 Learning English Through Social Issues ( “writing a letter of advice”)Formal Letter的格式除了上款、正文、下款外，還有幾點需要注意的地方：不要用 short form (e.g. I’m, you’re, we’re…)上款有很多種寫法，如果知道對方全名就寫對方姓氏即可，例如 Dear Mr. Lau, Dear Miss Chan；如果不知道對方名字，可以統稱 Dear Sir/Madam下款的寫法就要因應上款，如果知道對方全名就寫 Yours sincerely, 不知道對方名字就寫 Yours faithfully (記憶法：不知對方名字＝非親非故＝faith (音近「非」) fully）我哋特別揀選一篇學生寫嘅範文(Letter to the editor) 來為大家示範如何寫Formal Letter，詳細情形請參閱「英文DSE Writing 5**範文深度解析」！Informal Letter 的格式除了上款、正文、下款外，還有幾點需要注意的地方：可以用 short form (e.g. I’m, you’re, we’re…)上款可以直呼其名 (e.g. Dear Mary, Dear Johnson)下款有很多種變化，例如 Best wishes / Love / Best regards，意思上分別不大Informal Letter當中又以 Letter of advice最常見，以下為大家送上Letter of advice 格式： 3）計劃書Proposal格式 有時考卷會預先提供副標題 (Sub-heading) 給考生 (尤其Part A)，但一般情況考生需要自己劃分計劃書的分部。參考題目: 2016 Eng Paper 2 Q7 Learning English Through Popular Culture (“Write a proposal for the Festival…”) 4）報告Report格式報告的格式和計劃書非常相似，也是包含1個標題 (Title) 及若干個副標題 (Sub-headings)。主題上則較少出現技術性題型 (Technical Subject) ，例如考評局也不會期望每個人都識寫Lab Report (化驗室報告) 吧！所以最常見的題目是和社會議題有關 (Social Issues)，要求考生就某項社會議題撰寫一項研究報告。參考題目: 2017 Eng Paper 2 Q7 Learning English Through Social Issues (“Write a report to explain why the number of NEETS are rising…”) 5）演講辭Speech格式會發表演講辭的場合有幾種：活動開幕禮 (致歡迎辭Welcoming Speech ) 、謝師宴 (致謝辭 Thank-you Speech或祝辭 Farewell Speech) 及早會 (Assembly)，而考卷通常會要求考生代入身分，例如學生會主席、節目司儀、活動負責人等去撰寫演講辭，所以評分首要考量是考生對語境意識 (Context) 的拿捏。考生在構思時務必搞清楚此演講辭的受眾 (Target Audience) 及 目的 (Aim / Purpose)： 究竟這篇演講辭是要向全級同學呼籲參加某活動？還是向老師表達謝意？或是向出席活動的人士介紹某議題？所以在內容上，演講辭的變化十分大，難以預測，很考同學應變的能力。格式方面則記住一個原則：一切從簡！沒有人會喜歡冗長乏味的演說，所以一起首的開場白不用太多，快入正題，然後結尾再表達一次謝意即可。參考題目: 2016 Eng Paper 2 Q1 (Write a speech to welcome new students on the first day of school) 6）文章Article格式來到最受大家歡迎的文體了，就是文章！文章基本上不論題材都無格式可言，只要記得給文章加上適合的標題就可以了。*Trap! 陷阱出沒注意*往年DSE 英文作文有出現過要求學生加入Argumentative元素的Article，所以同學千萬不要以為看到“Article”這字眼就可以自由發揮，緊記要留意題目要求作答！參考題目: 2016 Eng Paper 2 Q3 Learning English Through Workplace Communication (“Write an article for your school magazine expressing your views. Give three reasons to support your views.”) 作答格式請參考「議論文Argumentative Essay格式」DSE英文寫作卷時間分配 除了英文作文格式外，考生最擔心的問題必然是：「得兩個鐘寫兩篇文，點分配時間啊？！」唔洗驚，就等我教下大家時間分配的技巧，唔洗驚寫到斷手都未寫完！兩個鐘加埋120 分鐘，我建議大家花最多1/3時間 (~ 40 分鐘) 完成 Part A，凈低 2/3 時間 (~ 80 分鐘) 寫Part B，另外每 Part 預留前後5分鐘用黎Brainstorm + Proofread，所以Breakdown完個最佳應試時間分配應該係：Part A = 5 min brainstorm + 30 min writing + 5 min proofreadPart B = 5 min brainstorm + 70 min writing + 5 min proofread當然實際時間可能因應你當天狀態有改動，例如 Part A的Brainstorm 時間較短，可以更快移動到Part B；總之最緊要記得，無論發生咩事，個鐘一過咗40分鐘就要忍痛去Part B，如果咪就一定會做唔切！另外亦唔好貪方便Skip brainstorm or proofreading，呢兩個步驟尤關重要，隨時幫大家升一個Grade！想知更多獨門時間管理技巧，構思及Proofread要注意的細位，記住留意我哋《One Hour 5** Super Intensive》，破解 HKDSE English Paper 2 寫到懷疑人生都未寫完的魔咒！英文DSE Writing 5**範文深度解析覺得淨係背格式太空泛？正所謂活學活用，而家即刻俾篇我哋學生作的2013 DSE English Paper 2 5** 範文大家欣賞，學下點樣即學即用 DSE Writing Skills 啦！（題目因應 2020現況略作更改）點擊圖片放大 +3 閱畢這篇範文後，唔知大家係咪覺得嘆為觀止呢？為大家綜合一下本文值得學習的地方：活用提示字眼 (To begin with, Further, More importantly, Simply put)主題句清析 (Clear topic sentences)連接詞恰當，提升推論質素，邏輯嚴密 (Good use of conjunctions: However, Therefore, Hence)不過同學要注意作者幾乎每一段都採用了揉合雙方論據的做法，而非明確分開三個我方論點＋一個敵方論點＋一個駁論的做法。像範文這種寫法相對難度較高，同學邏輯思維需要異常縝密，才可以做到在同一段內指出兼反駁敵方論點。如果同學想挑戰這種較高難度的作文，就記得報我哋《One Hour 5** Super Intensive》，學習如何完美展現寫 Argumentative Essay 的技巧！ HKDSE English Paper 2 Writing三寶: CLO (Content, Language, Organization) 我成日都話同學想 Writing 好，除左平日多練筆之外，最快捷辦法就係睇Marking Rubric！不過同學又成日嫌Marking Rubric太長太多英文唔想睇，唔洗擔心，我已經快快手整左個懶人包出黎，等大家對症下藥，考評局想要咩你就俾咩佢，輕鬆坐５望星！C: Content 內容豐富且全面完全貼題（重點！不要天花龍鳳遊花園～）有Example, 有拓展有創意能引起讀者興趣L: Language 語言文句多變，語感極強 (講人話：Sentence Patterns不能死記硬套！Make sure真係完全明白其使用方法先好用～)文法極精準 (唔好諗咁多喇，仲唔快啲報 《One Hour 5** Super Intensive》，包你變Grammar達人！)選詞細膩串字準確！基本功～採用符合語境意識的風格 (i.e. 留意受眾、目的、行文語氣)O: Organization 組織一句講曬：段與段之間的邏輯！邏輯！邏輯！（重點！要講三次～）段與段之間的連貫性！（也是重點！提示：Conjunctions~）全文結構縝密且符合文體
