摩洛哥撒哈拉沙漠團3日行程簡介正式開始~我今次既撒哈拉沙漠團係Get Your Guide搵到既，由馬拉喀什Marrakesh出發，菲斯Fes離開3日2夜團16-20人麵包車，全包約$1300港幣，另外加$500 upgrade做撒哈拉過夜的沙漠營地為Luxury Camp，即係$1800×2=$3600兩個人，已包Tips和兩餐晚餐講真，除左3餐lunch外乜都包哂，3日都唔使兩千蚊算係咁啦~不過，行程方面又的確可以再豐富d，以下係我既3日行程概要，大家可以當參考啦~ 撒哈拉 文章概要:Day1 – Ait Ben Haddou、Boumalne DadesDay2 – Todra River、Sahara Desert SunsetDay3 – Sahara Sunrise、回程Fes ======================== 請大家Follow我Instagram啦~Instagram : https://www.instagram.com/fung_garcia_backpacker/ 另外Threads果邊有我其他教書同旅行既攪笑/悲慘故事，快d follow埋啦~https://www.threads.com/@fung_garcia_backpacker ===================================== 1. Day1 – Ait Ben Haddou、Boumalne Dades早上7點天都未光就係馬拉喀什市集出發~ 預計10點前就會去到第一站Ait Ben Haddou預計ja，架車行左1個鐘就停左聽聞係前一晚既寒流令路面結霜全線封閉，幾百架車全部塞死係公路入口之後又有冼軚撞車壞車等等，最後成下晝4點先到，足足塞左8個鐘…..不過又咁講，可以係非洲沙漠區域見到雪山，真係難能可貴ga~ 點擊圖片放大 +3 食完Hea Lunch來到「埃本哈杜Ait Ben Haddou」呢條村係荷里活拍攝中東、沙漠、火星等等荒蕪場景的熱門地點盜墓迷城、Star War、奪寶奇兵等等都係出自呢度，導遊甚至話大導路蘭既新片係果邊山頭拍緊，唔知我有無機會同Anne Hathaway談下情呢?Btw我美女原本對呢條古老小村高度期待，但去完後又覺得還好啦又或者如果唔係塞車cut行程，多d時間慢慢行下會有趣d ge~ 點擊圖片放大 +4 亦由於大塞車，傳聞中好靚既Boumalne Dades日落無得睇要直接去酒店了………..酒店本身問題唔大，只是當晚室外氣溫大約零下4度，房內暖氣根本只係好過無，儲水式熱水爐更係冷傷風既必然保證!我沖左30秒就變冰水，立即凍到咀唇發紫!不過大家唔係撞正寒流既應該都無乜野ge~總之房間整體都算乾淨，晚餐又係塔吉鍋但味道都ok 我覺得呢間房算係咁 雖是大鑊團餐，但味道比想像中好，雖然都係DLLM塔吉鍋 2. Day2 – Todra River、Sahara Desert Sunset朝早會去到Todra River呢個摩洛哥最大既峽谷真係有d料到，非常雄偉，非常壯觀，非常大風!我著住應付落雪既衫都凍到覺得有d難受但夏天來應該係涼爽開心ge~ 點擊圖片放大 +2 妳睇我好似著得好少，其實我已經著左6件衫+兩條褲+兩條頸巾點擊圖片放大 去完Todra River，食埋個Lunch就已經要出發去撒哈拉沙漠了~由於車程極遠，中途司機會停一兩個站，如果要買水和頭巾就最後機會了 點擊圖片放大 摩洛哥咁多餐塔吉鍋，得呢餐唔使DLLM 入沙漠前last stop，團友開始紮緊頭巾~ 到第2日下午約5點鐘，終於來到今次行程的高潮了~我們終於來到撒哈拉沙漠的Merzouga Desert了!!乜撒哈拉沙漠仲有細分其他沙漠ga咩? 梗係啦咁大你住哂咩，去到埃及都係撒哈拉呀!Merzouga Desert係多數base camp的駐紮地，嚟摩洛哥既「撒哈拉沙漠」幾乎都係嚟呢度ga啦如果係住normal camp，導遊會係沙漠邊皮一座驛站咁既建築扔低你，今晚你地就住呢度，騎駱駝就一陣係度騎出去行個圈啦~ 團友既普通Camp 團友既普通Camp 而難得加錢住Luxury Camp既我地，就會有員工先將我地既行李車哂去camp，再另有員工車我地去沙漠入口~等我地兩手fing fing，輕裝上陣~開始重頭戲—–騎駱駝睇日落啦! 點擊圖片放大 +2 撒哈拉既沙，比起清水灣，甚至日本白浜既沙都更細更幼，甚至可以用軟滑嚟形容~在此無邊無際的溫柔世界，夕日慢慢西沉，剪出自己在駝峰上輕緩起伏的身影浪漫至此，真不知人間何世~ 到某個時間位置，牽駝人就會停低比你地玩滑沙板和睇日落~講真，沙板邊度都滑到，如此澄黃清朗的撒哈拉日落卻是一去難再遇上一次!當然係抱住我既美女靜靜欣賞啦~當初我都問美女，Honeymoon真係唔去馬爾代夫同陽光玩戲而嚟撒哈拉玩泥沙?但面對此情此景日落，我倆非常慶幸做了最正確的決定 點擊圖片放大 +6 有朋友可能會擔心騎駱駝安唔安全，其實一d都唔使驚~因為駱駝係人形蜈蚣式一串連埋唔會自己走左去，沿途仲有專人帶住照顧，你小心駱駝口水好過啦不過其實騎駱駝都幾”鄧”下，唔想鄧多兩野成部iphone沉入沙中，都係扣定安全繩好d另外，如果人生可以重來，比我揀一樣野帶去騎駱駝，我一定毫不猶豫揀比賽用單車褲你明唔明呀? 駱駝每行一步，都係用緊駝峰嚟頂撞你既蘿友!再講衰d白d，你係用緊騎乘位同隻駱駝激烈磨擦碰撞呀!!!!!而由入口騎到去個camp要一個鐘呀! wtf食完生蠔都無咁耐啦!記住係無軟墊ga! 只有一疊厚厚既摩洛哥地毯頂當，鞋ga喂!果晚，我發現我蘿友無左層皮…… 去到Camp會食飯先~菜式簡單但明顯有心去做，算係呢幾日來最好味既一餐~而且有法國入口既紅酒，絕對入得口~ 和一班團友吃飯聊天非常開心~ 點擊圖片放大 +4 飯後活動有Campfire傳統音樂表演~再深夜既活動唔計例牌果樣，就當然係沙漠觀星啦~試想像下~於全無光害的黑夜，無人無物既沙漠，摸住愛人手仔，扮哂野教佢睇星座「嗱~ 果個咪天馬座既星矢囉~」幾咁浪漫呢~~~~~但當晚真係凍到入心入肺，美女行出房10分鐘就頂唔順縮返入被，剩我一個人用腳架+ IPhone影星空……所以我都幾佩服另一情侶團友仲可以係沙漠星光下玩例牌果樣，唔會凍到縮咩…… 我既Iphone 15最盡已經係影到咁~ 我既Iphone 15最盡已經係影到咁~ 我既Iphone 15最盡已經係影到咁~ 我既Iphone 15最盡已經係影到咁~ 講返間房~Luxury Camp其實都無我想像中咁Luxury，不過都唔差~ 幾舊水係咁ga啦~起碼有燈有水，有獨立淋浴間和洗手間~ 而且感覺都幾raw幾有feel呀~ 我既Luxury Camp點擊圖片放大 身處係沙漠中央但周圍都好多camp~ 上文都有講當時2月頭寒流未過，入夜既沙漠凍到癲Q左，體感大約係零下10度不過Camp site主人話唔擔心，佢呢度有食物，有熱水沖涼，you will feel warm~Warm你個死人頭!成個camp共用一個柴火煲既熱水缸會有幾熱呢同埋你講少左最重要果樣野，無暖氣呀!!!!!聽當地朋友講，由於電壓問題，所以9成既沙漠camp site就算幾luxury都係無冷暖氣的反正晚上既沙漠夏天唔會太熱，冬天就蓋多張氈所以果晚我蓋既毛氈重到我轉唔到身……我明…… 寒流佢都唔想，我都無怪佢，但果晚我真係有入住社區避寒中心既感覺…… 3. Day3 – Sahara Sunrise、回程Fes天未光就要起身走人，因為要出返沙漠睇日出呀~點出呀? 又騎駱駝!!!???今次行程之後我會唔會真係爆菊一周ga……其實可以坐ATV出返去的，不過要70歐……咁我寧願繼續辛苦我個蘿友了…… 可能尋日個夕陽太強勁，加上今朝係咸蛋黃出現前天色已亮，震撼度就顯得弱了~不過，仍然係超級正呀~ 個日出既震撼力無日落咁強呢 回到Merzouga Desert入口後員工會車返我地去Normal Camp~導遊由尋日下晝到normal camp開始已經會不停confirm你地第3日回程既目的地，所以如果到呢個moment仍然無人同你confirm既就要小心了!原來全團只有我同美女回程係去Fes，係會join埋其他團一車過去，即係是時候和原本既團友講byebye了~ 超級funny既美國老夫婦~佢地既小故事係下面既Threads link有講~ 完全聽唔明佢英文講乜，仲要睇落極凶狠既司機兼導遊，其實非常nice好人~ 至於回程就無咩好講了，就係stop左係幾個不知名景點影兩野，食左個全摩洛哥最難食既buffet，其餘時間就係上車趕路由Merzouga去Fes需時10個鐘ga……晚上9點鐘，在暴雨之下，我和美女終於來到Fes了~而我地當時先發現，明明話lunch去個咩靚garden食好野ga wor!回水呀!!!!!!!!!!! 中途景點唔知邊度 中途景點唔知邊度 中途經過既沙漠湖 難食程度世一既塔吉鍋buffet 難食程度世一既塔吉鍋buffet 一到Fes就大暴雨…… 都話摩洛哥騙案係層出不窮ga啦……其實認真d睇，3日既tour，有超過一半時間都spend左係交通之上，景點就睇少少，好似好唔化算wor!係ga，我都覺得呢3日無乜野做過，但最重要果樣沙漠騎駱駝睇日落做左，仲做得好完美tim!咁我已經無投訴啦~ 其他野都係bonus je~當然我報3日團係因為想慳時間je，如果大家玩摩洛哥既時間充裕，又想stay係沙漠耐d感受多d當地文化，我非常建議你報個4日甚至5日團呀~不過都要預左頭尾都要用一日for交通呢~ 好啦~我既撒哈拉行程，以及摩洛哥遊記暫時就到告一段落了~如果你問我，我會覺得摩洛哥係一個有趣而獨特既國度~其獨有既魅力，就好似榴槤一樣鍾意既人會好鍾意，憎既人會好憎點都好，一生人好應該嚟一次摩洛哥!至於第2次，衝著佢個塔吉鍋……都係唔好攪我! ==================其實我仲寫過4個此Trip遇到既團友的故事，大家可以去我Threads度睇返啦~某國少年少女(上)某國少年少女(下)恩愛情侶美國老夫婦超自私夫婦========================================== 請大家Follow我Instagram啦~Instagram : https://www.instagram.com/fung_garcia_backpacker/ 另外Threads果邊有我其他教書同旅行既攪笑/悲慘故事，快d follow埋啦~https://www.threads.com/@fung_garcia_backpacker ==========================================================================我既Youtube Channel已經開通啦!!!!快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~ 鋒加西亞/旅人瘋語 Youtube Channel 主要影片 ：【泰國】【芭堤雅】誤入邪骨!? 芭堤雅色情行業真相!【歐洲】人有三急在歐洲怎辦? 卑鄙無恥! 歐洲免費廁所全攻略【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!【希臘】型爆海盜船酒吧扮魔盜王！超值60蚊一杯包遊船河！？ 白濱系列 :【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住! 旅行故事系列 :【台北】誤闖台灣三溫暖，內裡竟然係……嚇死人咩！【格魯吉亞】最慘的4小時! 格魯吉亞地獄小巴之旅!【波蘭】在納粹集中營，我竟聽到了……一世難忘的恐怖回憶!=================================相關篇章 :摩洛哥之旅《出發前必看資訊大合集 (上) 行程路線計劃+交通攻略》《出發前必看資訊大合集 (下) 住宿選擇+美食攻略+必備物品》《1 – Casablanca卡隆布蘭卡只有水上清真寺?》《2 – Marrakesh馬拉喀什︱行不完的趣味古市集》《3 – Fes菲斯古城︱特登走去盪失路︱比錢去聞臭味?》《4 – 藍城Chefchaouen舍夫沙萬︱摩洛哥最夢幻藍色小鎮》《5 – 丹吉爾Tangier︱西班牙人的澳門》 歐洲隨筆《002 – 德國人少見多怪的飲食習慣(上)》《003 – 德國人少見多怪的煮食習慣(下)》《005 – 卑鄙無恥的免費廁所全攻略》《006 – 路不同，各自遠走》《007 – 土耳其烤肉卷》《008 – 喚起聖誕的葡萄酒》《009 – 外國月亮特別圓，鬼佬床褥特別軟》《010 – 德國慕尼黑啤酒節全攻略》===============================Email : funggarcia@gmail.comwww.facebook.com/Garcia.in.Germany 文章同時刊於以下平台，請各位多多支持呀!!!!!!!!!!!!!UBlog ========================
