在摩洛哥的撒哈拉沙漠騎駱駝睇日落，似乎是很多人的人生Bucket List~的確，就算事前沒甚期待，但去完後，我不得不承認這是我背包客生涯中其中一個最美妙的體驗~由於只是報團跟住玩on99，我本來打算只在IG Story post完就算，點知超多網友問我有關撒哈拉沙漠團既事既然係咁，咁不如一次過!摩洛哥常見既撒哈拉團有乜野玩，有乜要注意，我係盡量係呢一篇解答啦~ ======================== 請大家Follow我Instagram啦~Instagram : https://www.instagram.com/fung_garcia_backpacker/ 另外Threads果邊有我其他教書同旅行既攪笑/悲慘故事，快d follow埋啦~https://www.threads.com/@fung_garcia_backpacker ===================================== 撒哈拉沙漠 Sahara Desert遊玩日數 : 3日起跳，最好4日 文章既要:如何預約撒哈拉沙漠團如何選擇撒哈拉沙漠團出發前準備 1. 如何預約撒哈拉沙漠團在Marrakesh和Fes，甚至再遠少少既城市，只要係市中心Medina，都好易搵到各種不同的Local Tour去Sahara不過，考慮到摩洛哥人各種偷呃拐騙，還有我其他旅遊人朋友既陰公經驗，我勸大家都係打消呢個念頭好d 所以我會建議三個字 —- Get Your Guide呢個你可以當係國際版既KLook，只要search Sahara已經有勁多不同日數和類型既團可報而且因為有評分和comment，報起嚟相對比較安心，無咁容易中伏至少我係Get Your Guide報既呢次唔伏啦~ 如果想同聲同氣有個香港人照住，IG上都有幾位專門經營摩洛哥、撒哈拉團的網友~例如@Wanderingstomorocco、@Hala_o_hola和@where_is_aisha，都非常信得過只不過佢地主力做私人包團，未必做到d大集團咁低既價格等於Omakase同豬柳蛋漢堡一樣食得飽人，點揀就閣下選擇啦~另外前一陣子有聽過，有人報名網上得個網頁話自己好專業果d團中大伏，我諗大家都係小心搵d有信譽既團好d Amy係我個fd，米紙既Ruby去摩洛哥都係搵佢 其實仲有一個方法，就係自己去!我唔係講9野，係真係有朋友試過咁做!聽聞佢係直接book沙漠既camp，再坐公共交通去到最近既城市等個camp d人嚟接佢，再由camp d人幫佢set點玩周邊理論上完全可行! 如果我一個人+無限時間既都可能會咁做!但我今次係Honeymoon，如此多變數既事，就等大家來完成了~ 沙漠靚Camp的確可以自己book，但妳要自己同摩洛哥人deal都幾煩 2. 如何選擇撒哈拉沙漠團第一件事一定係睇口碑~Get Your Guide既Comment就算唔100%信得過，但唔多唔少都有些少玄機透露到出嚟~ 睇埋負評就大約知呢團掂唔掂~而價格岩唔岩心水都好緊要，撒哈拉沙漠團可以由港幣兩千兩個人至兩萬兩個人都有差異多數在於交通是否包車，住宿質素和去既日數 真係好難想像成皮野咁貴…… 另一非常需要注意既係出發地點和散band地點大部份團既出發地和解散地點都是馬拉喀什，但如果你係跟我第一回所講的路線 — 摩洛哥兜一個圈咁玩的話，記得搵回程係去菲斯Fes既團!如果唔小心跟團返左馬拉喀什先再去Fes，你有心理準備要用多一日時間先去到啦……同埋有朋友試過果團唔認數，明明話左去Fes都賣佢返馬拉喀什，所以記得再三確認呀! 其他要注意事項包括行程包d咩活動，去d咩地方一般Ait Ben Haddou、Boumalne Dades、Todra River都係必去而騎駱駝未必個個團都有ga! 仲要睇係騎既時段，騎去邊度另外係撒哈拉沙漠，渣亞視ATV四驅車、探訪柏柏爾人家庭、穿傳統民族服拍照都是熱門行程，揀團時可以睇下有無得比錢add on 好多沙漠過夜團都有得比妳揀upgrade去豪華營地Luxury Camp由於我今次upgrade左既camp都唔覺有幾luxury，實在難以想像普通camp係咪麥理浩夫人度假村就我既經驗嚟講，唔太貴ge，up得就up啦! 我既Luxury Camp 我既Luxury Camp 其實團友既普通Camp 其實團友既普通Camp 同埋有朋友試過夏天去撒哈拉但架車無冷氣!開窗又入沙入塵，於是在單程10小時既車內變成人乾，而回程再加10小時所以唔好睇少行程簡介內””Air condition” 呢個字呀! 3. 出發前準備強烈建議買定兩支1.5L既大水，放係車上自己refill雖然旅程中途會有休息站，但你估下係城市買水平d定沙漠區買水平d~另外去到撒哈拉紫外線太勁，幾乎一定要有防曬物品行程中途多會遊說你買阿拉丁頭巾，美唔美觀就見人見志，不過頭巾的確係必須品反正一場嚟到，點都應該有d道具嚟match返個沙漠feel~如果有岩既可以一早買定呀~ 一定會經過頭巾店，但唔敢講會唔會比人剁…… 去沙漠，個個都要有條頭巾應下景 去沙漠，個個都要有條頭巾應下景 好彩我自己條頸巾自帶中東feel je~ 由於車程極長，無d零食麵包都幾難捱，萬一塞車都可以有野頂一頂肚~值得一提既係，大多數摩洛哥的Riad和Das旅館都會包埋早餐，但撒哈拉Tour的出發時間多為早上7點，煮早餐果個都未返呀!所以可以提早問一問旅館職員，有無得安排個早餐比你take away，唔得都無所謂問一句無壞~我地係全靠呢個take away早餐先支撐8小時既大塞車ja…… 呢個早餐—– —-同呢個早餐係一樣ge 前置Information係咁多，但行程果Part又唔小心寫得太長!為左保持完整性，下回一炮過出哂3日行程! ======================== ======================== 請大家Follow我Instagram啦~Instagram : https://www.instagram.com/fung_garcia_backpacker/ 另外Threads果邊有我其他教書同旅行既攪笑/悲慘故事，快d follow埋啦~https://www.threads.com/@fung_garcia_backpacker ==========================================================================我既Youtube Channel已經開通啦!!!!快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~ 鋒加西亞/旅人瘋語 Youtube Channel 主要影片 ：【泰國】【芭堤雅】誤入邪骨!? 芭堤雅色情行業真相!【歐洲】人有三急在歐洲怎辦? 卑鄙無恥! 歐洲免費廁所全攻略【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!【希臘】型爆海盜船酒吧扮魔盜王！超值60蚊一杯包遊船河！？ 白濱系列 :【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住! 旅行故事系列 :【台北】誤闖台灣三溫暖，內裡竟然係……嚇死人咩！【格魯吉亞】最慘的4小時! 格魯吉亞地獄小巴之旅!【波蘭】在納粹集中營，我竟聽到了……一世難忘的恐怖回憶!=================================相關篇章 :摩洛哥之旅《出發前必看資訊大合集 (上) 行程路線計劃+交通攻略》《出發前必看資訊大合集 (下) 住宿選擇+美食攻略+必備物品》《1 – Casablanca卡隆布蘭卡只有水上清真寺?》《2 – Marrakesh馬拉喀什︱行不完的趣味古市集》《3 – Fes菲斯古城︱特登走去盪失路︱比錢去聞臭味?》《4 – 藍城Chefchaouen舍夫沙萬︱摩洛哥最夢幻藍色小鎮》《5 – 丹吉爾Tangier︱西班牙人的澳門》 歐洲隨筆《002 – 德國人少見多怪的飲食習慣(上)》《003 – 德國人少見多怪的煮食習慣(下)》《005 – 卑鄙無恥的免費廁所全攻略》《006 – 路不同，各自遠走》《007 – 土耳其烤肉卷》《008 – 喚起聖誕的葡萄酒》《009 – 外國月亮特別圓，鬼佬床褥特別軟》《010 – 德國慕尼黑啤酒節全攻略》===============================Email : funggarcia@gmail.comwww.facebook.com/Garcia.in.Germany 文章同時刊於以下平台，請各位多多支持呀!!!!!!!!!!!!!UBlog
