Marrakesh馬拉喀什可以話係摩洛哥最出名既旅遊城市，同柏林一樣見到外國人仲多過見本地人而馬拉喀什的舊地區(Medina)市集更係世上最出名既騙徒天堂!但我今篇無打算做大家既防騙試伏器，純粹講下有咩野玩，同推薦有咩好野食~ ======================== 請大家Follow我Instagram啦~Instagram : https://www.instagram.com/fung_garcia_backpacker/ 另外Threads果邊有我其他教書同旅行既攪笑/悲慘故事，快d follow埋啦~https://www.threads.com/@fung_garcia_backpacker ===================================== 《Marrakesh馬拉喀什》建議遊玩日數 : 1.5至2日 文章概要： 市內交通 景點 我的住宿推薦 吃過的食肆 離開交通 １.市內交通 基本上遊客只會以Medina為活動範圍，又係大家用對腳行路既時間了而Marrakech train station與Medina都有一定距離(地點可睇下面的地圖)，建議講價坐的士，or call定酒店接送如果要出去Medina外面，大多都建議的士，不過我見到其實有巴士的，如果真係有興趣，可以跟google map去試下啦 2. 景點A. 巴西亞皇宮Bahia Palace由Medina主廣場行大約10-15分鐘可丁既著名景點，唔少人話係Marrakesh咁多個宮殿類建築之中最靚亦最值得一睇ge頭幾眼係ok靚ge，但睇睇下就發現，根本無任何家具同其他生活設施比人了解當年呢個有錢佬過住d點糜爛既生活我一度懷疑自己睇緊摩洛哥彌敦道88號17樓示範單位加上大量地方做緊工程又唔早講，即係我比左100蚊入去睇地盤，想點呀? 點擊圖片放大 +3 整到咁都夠彊收錢比人睇 放張相係度當有野睇呀!? b. 馬拉喀什市集馬拉喀什市集有說係世上最古老既市集，充滿一千零一夜既阿拉丁風情~幾乎成個Medina都係市集範圍，行足一日都行唔完難得既係成個油尖旺咁大既市集，竟然無乜相同物品，而係各有各特色，花多眼亂得嚟非常有趣，絕對唔係花園街呃鬼佬連我呢個對行市集麻麻地既人都覺得非常唔錯!穿梭於古佬既橫街窄巷，發掘下有咩隱世寶物，搵下有邊張地氈飛得，分分鐘街邊一盞燈比你卒返百幾下佢會有d野出嚟呢~ 點擊圖片放大 +2 如果妳鍾意買手工藝品又非常擅長講價，呢度係天堂呀~ 細塔吉鍋係紀念品名物，不過真係唔知囉返香港用嚟做d乜好…… 夜晚既Medina又係另一番熱鬧景況，甚至有d多人過頭! 所以要非常非常小心財物!記住，晚上既Marrakesh Medina係世界赫赫有名既盜竊與詐騙屈錢天堂!果汁店、食肆、表演地攤等等，只要妳一接近就有機會成為目標!我聽聞過既 :果汁店唔理你叫乜都好，都係比最貴果杯你街邊食肆叫A就比B，仲囉多碟C嚟入你數望一望個表演阿叔，佢就話你睇左佢表演要比錢佢地宗教上唔比搶劫殺人，無話唔比監粗屈人wor~加上我行左一陣就發現有痴漢尾隨，更有不少大漢路大路上刻意走近君子不立危牆之下，行一陣好快d閃啦 C. 搵間Café睇廣場日落一般旅遊情報都話係「Café de la Place」飲住野睇日落係最佳選擇，that’s why間野長期多人到hihi我就推薦Café de la Place斜對面既Zeitoun Café啦~角度有少少唔同，但一樣影到日落靚相，連間café自己本身都好好打卡至於d飲品就……算啦杯飲品都係襯托個靚景ga je~ 其實呢個日落都幾無敵~點擊圖片放大 +2 D. Palais DONABPalais DONAB呢間5星級酒店裝修超靚，摩洛哥傳統大宅既美麗元素一應俱全~無錢住都可以入去影張相飲杯野呀~ 點擊圖片放大 +2 3. 我的住宿推薦就好似我係摩洛哥旅遊攻略總篇集所講，Marrakesh古城太舊了，好多酒店既水管同排污都未必做得好好，好多時會出現沖涼水壓唔夠同廁所有臭味等問題加上我要求間Riad要有水池，唔落水都要池邊打下於開心下呀~裝修要有摩洛哥特色，位置唔可以太僻，價格又唔可以太高wor~痴孖筋處女座真係好鬼煩! 搬埋香港間屋去旅行好唔好!?要滿足哂上述所有要求，終於比我搵到呢間好野 —– Riad Dar Bayane 點擊圖片放大 +2 間Riad開左幾年非常新淨，摩登得嚟又有d摩洛哥，張床夠硬岩香港人~去市集中央廣場行5分鐘only，老闆英文極好服務又好，有一朝我太早離開食唔到早餐，佢都搵人預備定比我路上食若夾硬要講缺點，就係個花園有d細，同埋全露天，我兩日都落雨影唔到相呀…… ================Riad Dar Bayane+212671966853淡季2人房約$1000港幣一晚http://www.riaddarbayane.com/Google評分 : 4.8Booking.com : 9.5分 Link ================ 4. 吃過的食肆周圍都係塔吉鍋，全部都係塔吉鍋，所有餐廳都係塔吉鍋，死心啦不過Marrakesh好多時都係玩摩洛哥既頭一兩站，大家應該頂得順ge A. Tanjia SecretsGoogle有4.9分~唔貴，店員英文好服務好有得食另一種塔吉鍋”Tangia”，係我往後成個trip都無食過的牛肉有筋既超香，但鞋既就鞋到hihiCheese Ciger同牛油果開心果沙律都好正，值得食! 2. Al khayma Marrakech – Rooftop RestaurantGoogle有4.6分~環境一流，食物真係麻麻，串燒係大伏，可以燒完出嚟又凍又鞋，咁既技術真係唔係個個得 C. La Palmera知客哥仔非常熱情，仲係我摩洛哥之旅遇過極少數會直接認到我地係香港人既本地人食物選擇多，但唔係pizza意粉就係塔吉鍋，北非小米Couscous 都係同塔吉鍋一Q樣味應該可以有更好味既餐廳的 D. Zeitoun Café上文講過既睇市場日落Café，都有野食，唔貴味道唔知，但根據檸檬薑汁會變五青汁嚟講，應該唔慌好得去邊算啦食環境都夠飽呀~ 5. 離開交通話哂都係摩洛哥最重要既城市，幾乎係國內既交通中心有火車去Casablanca、Rabat同Tangier，巴士都係四通八達，幾乎成個摩洛哥都去到另外多數去撒哈拉沙漠既Tour都會係呢度出發，詳情就等我遲到寫到撒哈拉沙漠篇先講啦~當然你DM我都得~ 一早7點出發既好多沙漠團shuttle bus Marrakesh我講到呢度~簡單講佢可以話係摩洛哥最具代表性既城市，雖然玩樂既東西不算太多，但特登過嚟感受下一千零一夜既風情，都已經值回票價啦~ 下篇講另一古城Fes~ https://www.google.com/maps/d/u/0/edit?mid=1ea-DpNKxT8LR7g6ARazKjTq7_uBm-kc&usp=sharing ======================== 請大家Follow我Instagram啦~Instagram : https://www.instagram.com/fung_garcia_backpacker/ 另外Threads果邊有我其他教書同旅行既攪笑/悲慘故事，快d follow埋啦~https://www.threads.com/@fung_garcia_backpacker =====================================我既Youtube Channel已經開通啦!!!!快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~ 鋒加西亞/旅人瘋語 Youtube Channel 主要影片 ：【泰國】【芭堤雅】誤入邪骨!? 芭堤雅色情行業真相!【歐洲】人有三急在歐洲怎辦? 卑鄙無恥! 歐洲免費廁所全攻略【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!【希臘】型爆海盜船酒吧扮魔盜王！超值60蚊一杯包遊船河！？ 白濱系列 :【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住! 旅行故事系列 :【台北】誤闖台灣三溫暖，內裡竟然係……嚇死人咩！【格魯吉亞】最慘的4小時! 格魯吉亞地獄小巴之旅!【波蘭】在納粹集中營，我竟聽到了……一世難忘的恐怖回憶!=================================相關篇章 :摩洛哥之旅《出發前必看資訊大合集 (上) 行程路線計劃+交通攻略》《出發前必看資訊大合集 (下) 住宿選擇+美食攻略+必備物品》《1 – Casablanca卡隆布蘭卡只有水上清真寺?》 歐洲隨筆《002 – 德國人少見多怪的飲食習慣(上)》《003 – 德國人少見多怪的煮食習慣(下)》《005 – 卑鄙無恥的免費廁所全攻略》《006 – 路不同，各自遠走》《007 – 土耳其烤肉卷》《008 – 喚起聖誕的葡萄酒》《009 – 外國月亮特別圓，鬼佬床褥特別軟》《010 – 德國慕尼黑啤酒節全攻略》===============================Email : funggarcia@gmail.comwww.facebook.com/Garcia.in.Germany 文章同時刊於以下平台，請各位多多支持呀!!!!!!!!!!!!!UBlog
