上回講左摩洛哥既基本行程路線計劃，仲有交通概念呢篇就講下點樣揀摩洛哥住宿，有咩「好食」，兼且有乜物資要帶過去~ 文章概要 :摩洛哥住宿選擇摩洛哥美食……?衣著與必需品其他注意事項 ======================== 請大家Follow我Instagram啦~Instagram : https://www.instagram.com/fung_garcia_backpacker/ ======================== 1. 摩洛哥住宿選擇搵摩洛哥住宿你同平時去旅行搵酒店民宿一樣，Airbnb、 booking.com等唔少得少少唔同既係，個人實測後，booking.com會員level 3有機會平過 「google map無痕mode平民book」，有d甚至會平過民宿官網不過建議大家都係check多幾次好d 而各位最愛打卡既摩洛哥傳統民宿，大致分為Riad同Dar兩種有d摩洛哥旅遊專家會話兩種而家都撈亂哂分唔開ga la不過我自己感覺係Riad個中庭點都大d同有泳池，Dar既中庭就細d頂盡得個小水池同埋叫Dar既多數會平d，但地方再古老殘d 呢個係我住既Riad at Marrakesh 呢個係我住既Dar at Fes 摩洛哥各地市舊城區的傳統民宿，好大機會名副其實非常傳統，老過你阿爺ga!所以當揀民宿時，最好從評論及照片中留意民宿 : 是否有冷暖氣? 熱水水壓是否足夠? 洗手間有沒有乾濕分離，有沒有異味? 所在位置是否極其難搵?理論上Marrakech的Riad係最多最靚亦最貴的，然而集齊以上4項條件，仲要有泳池又below $1000港幣既真係非常有限網絡上比人打開卡果幾間亦多數非常full，睇岩就book定先啦~而我對呢10日住既每間住宿都超級滿意，留返係之後既各城市簡介文章再講啦~ 當然你PM我都得~ 係Tangier呢間Riad個全海景天台食早餐真係一流~ 藍城Chefchaouen間房摩登得嚟又超乾淨企理~ 2. 摩洛哥美食……?一講摩洛哥美食，所有人都只有3個字 — 塔吉鍋Tajine!呢種將主食mix薑黃、孜然等香料放入鍋內原盅慢煮的料理係摩洛哥既國民美食，每一間餐廳都會見到佢，而果個密度係——Lunch —- 塔吉鍋Dinner —- 塔吉鍋最出名既餐廳 —- 塔吉鍋最local既食物 —- 塔吉鍋沙漠團餐 —- 塔吉鍋不論去邊度，咩餐廳，你都會見到塔吉鍋就算我只想食蔬菜，想食另一名物北非小米couscous，佢都係同塔吉鍋一Q樣味所以每個去完摩洛哥既人都會陷入塔吉鍋地獄，永遠輪迴……………. 塔吉雞，成個Trip起碼食左5次…… 塔吉肉丸，食左3次起跳 已經唔記得係咩塔吉鍋，總之都一樣味啦! 我唔係話塔吉鍋唔好食，天寒地凍有d滾住上菜式好開心tim但當不論牛、羊、雞，每間餐廳、每種肉、每個塔吉鍋都一樣味道，而你連續食左10餐，好難唔反枱ga wor!!!!所以到旅程中後期已經要搵café食漢堡包意粉到達西班牙食到海鮮Tapas果陣，我感動到想喊呀……….. T_T 係撒哈拉沙漠連續食左6餐塔吉鍋，去到Fes頂唔順要食意粉同卷餅 去到西班牙有返正常野食係感動到喊…… Malaga既海鮮煮法仲要與眾不同，好鬼好味呀…… 各位酒鬼注意! 摩洛哥係無酒飲的 —— 表面上~係旅客區和偏遠地區都會有酒賣比遊客，部份酒甚至係法國入口，但味道都係好難入口仲要多數勁貴，所以酒精中毒既朋友唔該索住搓手液先啦 呢支野收你10幾歐，好x難飲 撒哈拉camping時呢支廿歐，人地叫ge，飲過一杯都算ok 摩洛哥人招待客人一定會奉茶If似我咁慣左香港人食甜野既標準，千萬千萬叫佢唔好落糖!!!!如果唔係杯野倒落西多士都得呀!如果無糖的話，個薄荷茶的確係清新開胃消滯ge~仲有呢道唔興果汁先生，所有橙汁都係即叫即榨，一律又甜又新鮮!我好似10歲以後都未試過食飯會主動叫橙汁飲了…… 3. 衣著與必需品係人都知摩洛哥熱到hihi，但一個熱到hihi既地方係冬天既時候又會點呢?咪凍到hihi囉!!!!出發前check天氣最凍都同香港差不多，點會諗到到埗後寒流侵襲，由14度變4度，沙漠甚至零下4度凍過日本!我係非洲睇到雪山呀!!!! 大家應該無我咁黑仔ge~不過就算唔計寒流，1-2月摩洛哥仍然會非常凍，所以要有「帶嚟既衣物可以著哂上身」既預算，厚褸、薄羽絨、頸巾、手襪不能少唔似伊朗 ，摩洛哥女性遊客唔使包頭，非宗教場所可著短褲，甚至Riad的泳池可著比堅尼，但唔建議係街著比堅尼 妳睇我好似著得好少，其實我已經著左6件衫+兩條褲+兩條頸巾 至於其他需注意的物品包括 :背包 — 可以的話唔好囉行李箱，一來舊城區和沙漠d路難拖喼，二來可避免當地騙徒「幫你搬下個喼ar~」就亂收你錢水煲 — 多數Riad or Dar民宿都不主動提供水煲，雖然問佢囉可能都會有，但自己囉定個細細地或摺疊式既會好d風扇 — 夏天必備，我大量fd話d長途車成日唔夠冷氣熱死左杯麵+朱古力 — 當你陷入塔吉鍋地獄時，你就知杯麵有幾重要……. 另外沙漠Tour可能會塞車，有d朱古力係身可以頂一頂消毒濕紙巾+酒精搓手液 — 呢個應該唔使講啦手機防盜繩 — 雖說回教唔比盜竊，但無話唔比詐騙，絕對係小心d好! 而且若你會騎駱駝，有條安全繩影相時絕對安心好多!腳架仔 — 除左係較少人既藍城，我個大腳架根本就無用過，每個舊城區都咁多人，就算set到腳架，放低部機果下已經比人囉左啦! 所以用腳架仔反而仲方便阿拉伯風情道具 — 一場嚟到撒哈拉沙漠，點都要有d飾物增添味道ge~ 沙灘就算唔熱時都會勁曬，所以頭巾or防曬帽必需的，當然你都可以去到當地先買d柏柏爾人頭巾扮阿里爸爸啦~ 講價講到平既不妨買返條~暖爐 — 呢個係我最想帶既野，成個旅程都凍到黐肺…… 咁係沙漠包頭係儀式感嚟ge~ 4. 其他注意事項摩洛哥既騙徒世界聞名，騙財手法層出不窮，反口、老屈、坐地起價乜都齊，雖然今次旅途上都遇到好多好人，但為安全計，我將所有主動埋身既人一律當賊辦，有殺錯無放過!所有無標名價格既物品都唔好亂掂! 要買任何野都必須講價，一開波劈價7成，再慢慢上去係基本功! 當然我唔建議超市買支水都講價啦要求比Tips既情況無處不在，但有時佢地既要求都唔算過份，如果對方真係有幫到你既，1、2歐or美金唔過份呀 好啦我暫時諗到既就係咁多~好似講左好多負面事，但摩洛哥的確係一個非常非常值得一到既有趣國度，至於我都無後悔Honeymoon過嚟呢度~我於摩洛哥各城市既見聞簡介會慢慢寫的~ 有問題隨時IG or FB PM我啦~下回再見! ======================== 請大家Follow我Instagram啦~Instagram : https://www.instagram.com/fung_garcia_backpacker/ ======================== 我既Youtube Channel已經開通啦!!!!快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~ 鋒加西亞/旅人瘋語 Youtube Channel 主要影片 ：【泰國】【芭堤雅】誤入邪骨!? 芭堤雅色情行業真相!【歐洲】人有三急在歐洲怎辦? 卑鄙無恥! 歐洲免費廁所全攻略【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!【希臘】型爆海盜船酒吧扮魔盜王！超值60蚊一杯包遊船河！？ 白濱系列 :【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住! 旅行故事系列 :【台北】誤闖台灣三溫暖，內裡竟然係……嚇死人咩！【格魯吉亞】最慘的4小時! 格魯吉亞地獄小巴之旅!【波蘭】在納粹集中營，我竟聽到了……一世難忘的恐怖回憶!=================================相關篇章 :摩洛哥之旅《出發前必看資訊大合集 (上) 行程路線計劃+交通攻略》歐洲隨筆《002 – 德國人少見多怪的飲食習慣(上)》《003 – 德國人少見多怪的煮食習慣(下)》《005 – 卑鄙無恥的免費廁所全攻略》《006 – 路不同，各自遠走》《007 – 土耳其烤肉卷》《008 – 喚起聖誕的葡萄酒》《009 – 外國月亮特別圓，鬼佬床褥特別軟》《010 – 德國慕尼黑啤酒節全攻略》 ===============================Email : funggarcia@gmail.comwww.facebook.com/Garcia.in.Germany 文章同時刊於以下平台，請各位多多支持呀!!!!!!!!!!!!!UBlog
