「去摩洛哥? 正呀!」「撒哈拉沙漠日落? 正呀!」「去賭場同睇賽車? 正呀!」果個係摩納哥呀!!!!!!!!!!!總之近年摩洛哥Morocco 旅遊係香港好似非常熱門，連我個美女都話「好浪漫呀~ Honeymoon要去果度!」Honeymoon揀個我未去過兼要打醒精神既地方真係搵我嚟玩…… 不過都幾有我作為Backpacker既風格ge~於是我既Honeymoon變成人生第一次向非洲出發啦! 睇得呢篇文，應該都係已經決定要去摩洛哥玩ga la~網上關於摩洛哥既資料唔少，亦唔難搵，所以我會一如以往，集中介紹其他人唔會講，自己行程中遇到既問題同心得，希望幫到大家啦~ ======================== 請大家Follow我Instagram啦~Instagram : https://www.instagram.com/fung_garcia_backpacker/ ===================================== 文章概要:飛機點去摩洛哥?常見行程路線金錢與上網城市之間的交通市內交通 1. 飛機點去摩洛哥?應該唔會有人打算行路去摩洛哥ga?香港出發坐飛機，Qatar、Emirates、土耳其航空都係好選擇，價格亦相差不遠所以分別只在於轉機時間，和你會唔會長時間stopover時出市區玩由於Qatar我搵到放工出發，多哈只需2個半鐘轉機， 0700a.m. 到埗Casablanca， 時間靚仔到爆，即買~第一程Qatar 8 hours upgrade左做PE好梳乎，點知第二程由皇家摩洛哥航空營運伏到痴線架機UO飛台灣咁窄，坐係度都頂腳貼實前椅，座位早被坐到凹哂，滿地垃圾，咁坐8個半鐘真係惡夢…… 開始覺得坐完Premium Econ後返唔到轉頭…… 多哈機場 數數手指2018年聖誕後就無再嚟過多哈機場，好似無咩變，仍然周圍都係Chanel，送返個比我就好了 皇家摩洛哥航空 皇家摩洛哥航空，好耐無坐過咁差既航空公司…… 其實仲有一個方法係先飛西班牙馬德里，CX Asiamiles有直航，去到再轉廉航落摩洛哥呢個方法最大問題係去到西班牙唔捨得走!又多好野食d女仔又靚! 不如Honeymoon直接去西班牙算lu yeah~~~~~~~~~~但都要望住另一半既面色ge……Anyway~以上咁多條航線既終點，係卡薩布蘭卡Casablanca定馬拉喀什Marrakech落機都無咩分別，價錢都唔會差得太遠所以考量點都係「行程路線方向」同「玩唔玩Casablanca」而已 2. 玩摩洛哥的常見行程路線摩洛哥最受遊客歡迎的城市，以順路計的話會是 :「Casablanca卡薩布蘭卡 (0.5) –> Marrakech馬拉喀什 (1.5) –> Sahara Desert撒哈拉沙漠(3-4) –> Fes非斯(0.5-1) –> Chefchaouen舍夫沙萬 (即藍城，1.5-2) –> Tangier丹吉爾 (1)」亦可反過來逆時針由Casablanca先去Tangier落藍城咁玩落去兩個行程需時一樣，快的話大約9至10日可完成回程機票亦可買open-jaw，自由切換出入口是Casablanca或Marrakech 另外於Tangier丹吉爾可坐渡輪橫越地中海到西班牙，只需50分鐘快過去澳門，為當地人週末常見行程WTF「星期六去西班牙」同「星期六去澳門」會唔會係唔同層次既事ar…… 太令人羨慕啦!!!!!!所以我都唔執輸去埋~ 回程係馬德里Madrid坐CX直航返香港~ 摩洛哥至西班牙的渡輪 橫跨地中海ga~ 由非洲往歐洲的跨地中海渡輪上的日出，個title型到呢! CX西班牙回港 CX西班牙回港，點解班機會有咁多人…… 坐PE真係好舒服，前面個客挨到盡都仲有大把位 上文路程的括號內為建議玩既日數，已包括交通時間由Marrakech到撒哈拉沙漠車程非常遠，直去都要近8-10小時，而撒哈拉到Fes亦同樣，所以先要預計回程要用一日，理論上沙漠Tour last一日已包含在內一般沙漠都建議報tour，可以輕易係 仆your Get Your Guide 搵到~Tour亦分Marrakech走或Fes走，book時記得確認清楚 另外有朋友講過佢去到當地先搵local tour被劈到一頸血，所以都係搵信譽好既團一早book定啦我亦有一d香港信得過既朋友經營沙漠豪華團，有興趣可以pm佢~ (不過我今次時間緊迫無搵到佢) ===================================《Amy and Mo ︱探遊摩洛哥》https://www.instagram.com/wanderingstomorocco/=================================== 點擊圖片放大 至於去唔去Casablanca，有人會覺得Casablanca唔值得玩，而事實上Casablanca唯一亮點只有水上清真寺Hassan II Mosque，其餘地方妳當係天水圍咁樣啦所以若對清真寺無興趣既朋友的確可以skip哂成個城市但我覺得唔去係你蝕底，水上清真寺的確係值得專程一到的超宏偉建築所以好似我咁落機就去，玩完直接落Marrakech又得，或有d旅行社咁選擇離開摩洛哥前先去走一轉又得，得左~ 點擊圖片放大 +2 如果時間非常充裕想去多d地方，首都Rabat、Essaouira、Asilah聽聞都可以一戰我無去過就唔講咁多了~ 3. 金錢與上網摩洛哥比錢大約只有50%機會可用信用卡支付，所以現金是重要的可以香港唱定歐元或美元，到埗後再於機場入境大堂換成摩洛哥幣 (MAD)匯率和市區唔差太遠，當然安全計唔好一次過換哂好d啦建議身上keep定d歐元1、2蚊散紙用嚟比Tips，呢度係Tips大國來的我當時和港幣大約兌8，即係每樣野直接打8折就係香港價了 侵侵攪完後立即升到過左8…… Casablanca機場囉行李位置有兩三間電訊公司拉客我跟其他前輩既資料用最平既「Orange」，Sim卡係「卡免費，但要買package充值」正常約10歐20G，如果佢一野開個勁貴plan比你就同佢講價啦，我都係扮哂「哎呀好貴呀」先有返呢個正常d既plan5G速度算唔錯，當然沙漠有d位收唔到啦其實我係香港都搵到一張歐洲卡包到摩洛哥，我用過速度都ok，唔怕touchwood用唔到無仇報既可以一試~ (The photo above is copy from https://www.traveltomtom.net/destinations/africa/morocco/sim-card-casablanca, please let me know if it is tort, thank you.) 仲有一點要注意，大部份摩洛哥既網頁，特別係預訂交通果d，係香港係開唔到的!就算開到都好易係某個頁面停住個人實測，問老友借個VPN兜去西班牙就無問題了又或者去到摩洛哥當地就自動解決~ 4. 城市之間的交通Casablanca機場出市區的火車約一小時一班我當時係每50分出發，車票counter買or自動售賣機比信用卡都得 (唔難用的)單程二等座往Casa Voyageurs價錢約60MAD = $48港紙，約40分鐘可到二等無劃位，亦無排隊呢回事，車到就衝上去啦~ 而城市之間的移動，只有Marrakech、Casablanca、Rabat、Fes和Tangier有往來高速鐵路，其他城市只能坐旅遊大巴大部份遊客往來以上城市都係坐鐵路的，我由Casablanca往Marrakech單程頭等約220MAD，2.5小時若要比較，架火車質素大約等於捷克、匈牙利、格魯吉亞地路咁既level，比保加利亞既好d，頭等只貴二等十零廿蚊港幣，比佢啦~ 架車算係咁啦 Marrakesh火車站，岩岩日落勁靚~ ===================================摩洛哥火車訂票網站:http://www.oncf-voyages.ma/=================================== 至於巴士，一如歐洲其他地方有個巴士總站 (但呢度係非洲ar……)，去到counter買飛or網上買定就得~遊客多數會乘坐CTM公司，方便+快捷，車都算密同準時不過車廂質素就麻麻地啦，座位隱約有d味道又有污跡…… 都坐得落ge……不過要注意行李是另外收費的，需在counter比錢，一件約5MAD，記得keep票尾，囉行李時有機會需要的 ===================摩洛哥巴士CTM的網址 :https://ctm.ma/=================== 摩洛哥去邊個城市都係主要靠佢 行李票尾，記得keep好! 如果想由丹吉爾Tangier坐船去西班牙，網上資料多數會選擇FRS船公司但今次我發現每日最早既一班08:00船已改由Africa Morocco Link公司營運380MAD約$304港幣一個人，寫話兩個鐘前要到碼頭，但我天都未光6點9去到係連船員和海關都未返工，個人覺得早1個鐘先到係無問題的隻船超新超舒服，係橫越地中海既船上睇日出，正呀! ====================================== 摩洛哥Tangier去西班牙的跨地中海渡輪: FRS : https://www.frs.es/en/Africa Morocco Link : https://aml.ma/====================================== (碼頭就係呢度入去，唔知入口係邊就問實Q啦) Africa Morocco Link 隻船又大又新又乾淨~ 睇住日出真係好正 不論Africa Morocco Link定FRS，到埗西班牙Tarifa後，都有免費shuttle bus車你去最近既大城市Algeciras記得記得係摩洛哥Tangier碼頭門口用QR code換船飛時，同職員講囉埋shuttle bus既飛呀!而西班牙Tarifa的shuttle bus站位於停車場外無明確指示，但跟人行應該無問題的總站於Algeciras碼頭，之後想去馬拉加Malaga、直布羅陀或其他城市，都可以行約10分鐘去到巴士總站Estación de Autobuses de Algeciras買飛上車 呢張就係去到西班牙要用既free shuttle bus ticket 跟人排隊上車得ga la~ 5. 市內交通由於所有景點豐富的舊城區內只能靠雙腿或隨意門，巴士、火車總站則多數在城外，所以市內使用公共交通既機會唔多Casablanca、Marrakech、Tangier呢d大城市google map提供既巴士路線非常準確可靠只不過前提係你要認得呢個係巴士站例如Casablanca就有個站牌係咁既樣，點睇都係一座咪錶…… 你話佢係一部printer我都會信，點睇得出係巴士站呀?? Fes和藍城Chefchaouen就要坐的士了，記得講價!根據民宿主人同我地講，上述兩地由舊城區至巴士總站的的士價格該約20 MAD = $16當然你都可以要求民宿派人嚟車站接你，不過貴je，預100 MAD起跳啦 至於去撒哈拉沙漠，無話唔可以自己backpack去，學阿John著住西裝囉支水就起行都得，但方便起見都係報Tour啦Get Your Guide上評分高既都係信譽保證唔一定無伏，但奶野既機會細好多! 佢都驚你寫臭佢ga有唔少fd都話報當地周街果d團伏到hihi…… 未完~下回繼續~ ======================== 請大家Follow我Instagram啦~Instagram : https://www.instagram.com/fung_garcia_backpacker/ ===================================== ===================================== 我既Youtube Channel已經開通啦!!!!快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~ 鋒加西亞/旅人瘋語 Youtube Channel 主要影片 ：【泰國】【芭堤雅】誤入邪骨!? 芭堤雅色情行業真相!【歐洲】人有三急在歐洲怎辦? 卑鄙無恥! 歐洲免費廁所全攻略【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!【希臘】型爆海盜船酒吧扮魔盜王！超值60蚊一杯包遊船河！？ 白濱系列 :【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住! 旅行故事系列 :【台北】誤闖台灣三溫暖，內裡竟然係……嚇死人咩！【格魯吉亞】最慘的4小時! 格魯吉亞地獄小巴之旅!【波蘭】在納粹集中營，我竟聽到了……一世難忘的恐怖回憶!=================================相關篇章 :歐洲隨筆《002 – 德國人少見多怪的飲食習慣(上)》《003 – 德國人少見多怪的煮食習慣(下)》《005 – 卑鄙無恥的免費廁所全攻略》《006 – 路不同，各自遠走》《007 – 土耳其烤肉卷》《008 – 喚起聖誕的葡萄酒》《009 – 外國月亮特別圓，鬼佬床褥特別軟》《010 – 德國慕尼黑啤酒節全攻略》 ===============================Email : funggarcia@gmail.comwww.facebook.com/Garcia.in.Germany 文章同時刊於以下平台，請各位多多支持呀!!!!!!!!!!!!!UBlog
