繼續係九州福岡一帶追紅葉~下個目的地係另一紅葉名所「寶滿宮 竈門神社」! ======================== 請大家Follow我Instagram啦~Instagram : https://www.instagram.com/fung_garcia_backpacker/ =====================================文章概要 :背景與交通竈門神社紅葉竈門神社日落 1. 背景與交通中文堂時間~「竈」，粵音為「灶」，真係灶頭、生火炊煮的設備咁解。東漢《說文解字》已有相關記載阿sir咩係《說文解字》呀?~ 我只係識《鬼滅之刃》ja wor!無錯你講得岩!根據「韋拿踢法似我」既邏輯，就係果個唔梳頭囉住把刀亂劈但點都死唔去既炭治郎姓「竈門」，所以呢間神社先走去抄襲佢~ 絕對唔係因為鬼滅作者係福岡人啦! 呢個人真係天才嚟…… 按我今次既自駕行程，由上回的「秋月城跡」出發，自駕都需要45mins至1小時無錯根據google map，係地圖上搵條直線真係好近，但條路其實需要由小路落山再行普通慢車道再上山，的確係需要時間的等於獅子山同飛鵝山拉條直線夠近啦，飛過去呀笨 如果由福岡出發唔自駕，就需要坐巴士or JR去到太宰府市後轉Local bus方法太多我唔一一盡錄了，有需要的朋友到時再查yahoo.jp 啦~查完妳就會發現又煩又花時間，見到都唔想去………所以想由秋月城跡過去竈門神社但又唔想自駕…….坐的士啦~ 2. 竈門神社紅葉由於時間預得唔係太準，另加運滯天氣變差，嚟到竈門神社個天已經暗哂，同岩岩秋月城跡曬到變黑亦得得左既情況完全相反加上上回都有講因今年天氣太熱，故除秋月城跡外當時所有紅葉名所已經禿緊枯緊，簡直就係我10年後既寫照而竈門神社亦不例外，成地都係葉，留返係樹上既亦已變暗紅，而家仲要無埋陽光，更加少左d睇頭…… 最紅係廁所門口呢棵….. 明顯同岩岩秋月城跡差一截點擊圖片放大 +2 不過就好似Jude Law咁，就算甩到差不多依然有返咁上下靚仔!見到滿地既落葉，只能靠想像來補完佢全盛期有幾壯觀啦…… 點擊圖片放大 加少少味精，d相立即好少少~ 竈門神社佔地比秋月城大得多，起碼叫做有d野行，亦有一間紀念品根據資料 :「竈門神社供奉的是日本神武天皇的母親「玉依姫命」，傳說是守護美貌並保佑姻緣的神明，因此作為當地結良緣靈驗的戀愛神社而知名。」(來源https://www.gltjp.com/zh-hant/directory/item/11049/)即係拜完會靚d，溝女都易d，正呀!我願意賭上我一生既幸福，求神明比個林明禎咁正既靚女富婆我啦! 阿門! 點擊圖片放大 +6 3. 竈門神社日落原本紅葉大致上都係咁多，見天就快黑，都係快手落山好d誰知天氣突然局部轉晴，夕陽金光在烏雲中吐出來，咁又唔同講法呀! 點擊圖片放大 +3 好彩日落幾靚搭救 原本我都有少少可惜比唔到兩老睇全盛期既紅葉，點知佢地見到日落非常興奮，阿媽仲話好耐無咁同老豆拍住拖睇日落~唉我先諗起自己係外國睇過近百個日落，但仲未有機會同佢兩老一齊睇，而家無意中完成任務實在太好了!柳暗花明，遲來了竈門神社的意外收鑊~ 阿爸阿媽笑到見牙唔見眼~ 果然，比親旁人影相就會中伏….. 《寶滿宮 竈門神社》地址： 883 Uchiyama, Dazaifu, Fukuoka 818-0115日本官網 : https://kamadojinja.or.jp/ 同場加映黑媽媽乜都睇唔到既太宰府天滿宮~因為竈門神社其實係正佢上面，渣車落嚟唔使10分鐘，但就係呢10分鐘已足夠令個天完全變黑哂亦得得左參道食肆幾乎全收，原本美麗既日式庭園亦變成午夜凶鈴feel但今次行程應該無機會再係日頭來一轉了，少少可惜啦~ 明明白燈影到變成綠燈…. 又幾陰森wor衰鬼~點擊圖片放大 +6 傳說中隈研吾設計的第一間starbucks，當時又話係全世界最靚既starbucks，究竟日本有幾多間全世界最靚starbucks ar?? Day2就係咁~一日睇左兩個福岡紅葉名勝，儘管未係100% full power既靚，仍然覺得不枉此行! 值得一到!其實想睇紅葉既話福岡仲有其他地方，甚至周邊既九重耶馬溪、佐賀御船山樂園等似乎都唔錯，不過我未去過就唔介紹了~想睇我其他介紹日本紅葉既文章，可以睇返京都呢3篇呀~ 京都紅葉系列 ：《1 – 京都紅葉隧道此生必去︱貴船神社、琉璃光院︱叡山電車紅葉路線介紹》《2 – 京都天龍寺巨型紅葉樹》《3 – 京都北野天滿宮 – 紅葉之海洋》 ======================== 請大家Follow我Instagram啦~Instagram : https://www.instagram.com/fung_garcia_backpacker/ ========================================================================== 我既Youtube Channel已經開通啦!!!!快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~[caption id="" align="alignnone" width="640"] 鋒加西亞/旅人瘋語 Youtube Channel[/caption] 主要影片 ：【泰國】【芭堤雅】誤入邪骨!? 芭堤雅色情行業真相!【歐洲】人有三急在歐洲怎辦? 卑鄙無恥! 歐洲免費廁所全攻略【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!【希臘】型爆海盜船酒吧扮魔盜王！超值60蚊一杯包遊船河！？ 白濱系列 :【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住! 旅行故事系列 :【台北】誤闖台灣三溫暖，內裡竟然係......嚇死人咩！【格魯吉亞】最慘的4小時! 格魯吉亞地獄小巴之旅!【波蘭】在納粹集中營，我竟聽到了......一世難忘的恐怖回憶!【台灣】我在台北拾屍的經驗︱美女強吻? 艷福無邊? 浪漫奇遇? ================================= 相關篇章 : 九州自駕遊系列 ：《Day0.1 - 日本自駕遊初體驗(上篇)︱初心者租車攻略》《Day0.2 - 日本自駕遊初體驗(下篇)︱準備清單與第一次自駕心得》《Day1.1 - 福岡炭火燒蠔小屋︱$7一隻超新鮮!》《Day1.2 - 福岡糸島打卡精選︱海邊韆鞦、夏威夷風海灘、夫婦岩鳥居、爆蛋三文治》《Day2.1 - 福岡紅葉的腳步(上)︱秋月城跡》 仙台山形系列 ：《Day1.1 - 藏王狐狸村可愛到極呀~》《Day1.2 - 仙台牛舌「善治郎」總本店》《Day2 - 銀山溫泉搵塔矢亮》《Day3 - 藏王樹冰好壯觀呀!仲好Q凍呀!》《Day4.1 - 藏王溫泉區初心者滑雪體驗》《Day4.2 - 藏王溫泉旅館+玩樂美食推薦》 富士山登山全記錄：《1 – 路線、小屋及裝備選擇心得》《2 – 上山啦! 惡劣之御來光館》《3 – 夢之日出! 惡夢之下山!》 日本溫泉及溫泉旅館介紹：《【溫泉及溫泉旅館】 - 系列》 日本富山、石川、琵琶湖 :《【北陸之行】 - 系列》 日本和歌山、白浜 ：《【紀伊半島】 - 系列》 東京、大阪、京都：《【東京雜記】 - 系列》《【大阪美食+京都遊覽】 - 系列》 韓國濟州島 :《總篇集︱濟州島4日行程參考》《Day1 - 漢拿山御里牧、靈室登山路線》《Day2.1 - 東門市場的遺憾︱豬肉湯麵+海鮮飯卷推薦》《Day2.2 - 龍頭岩海水汗蒸幕︱最強黑毛豬餐廳「石窟黑豚」》《Day3.1 - 牛島單車遊︱濃縮濟州之美的秀麗小島》《Day3.2 - 城山日出峰的完美日落》《Day4.1 - 濟州島 9.81PARK 重力賽車公園》《Day4.2 - 濟州島 Arte Museum 光影饗宴》《Day4.3 - 濟州島春日咖啡廳BOMNAL︱涯月咖啡街》 ================================Email : funggarcia@gmail.comwww.facebook.com/Garcia.in.Germany 文章同時刊於以下平台，請各位多多支持呀!!!!!!!!!!!!!UBlogDC Fever TravelMedium
