上回食燒蠔食到超滿足後，係時候行下郁下啦~咁糸島 (又名系島、絲島乜都好啦) 話話哂都係福岡後花園，當然唔係食完蠔就走人啦~以下係福岡本地人都推薦既糸島打卡行程~據我既親身實證 —— 信得過! 推薦! p.s. 以下係由蠔小屋出發既順路行程，就算唔去蠔小屋都可以放心享受~ ======================== 請大家Follow我Instagram啦~Instagram : https://www.instagram.com/fung_garcia_backpacker/ ===================================== 文章概要 :海邊韆鞦夏威夷風海灘夫婦岩鳥居爆蛋三文治同場加映~福岡海購城瑪麗諾亞OUTLET 1. 海邊韆鞦由上回所講既唐泊惠比須燒蠔小屋 (唐泊恵比須かき小屋)向前行不到3分鐘的「小田浜海岸」沙灘上，放著大量既影相打卡「道具」最有名的，莫過於這個由兩棵直突向前的大樹所造成的大韆鞦「ヤシの木ブランコ」~呢個連日本人都會專程走嚟打卡既著名景點，應該唔使我講點影啦~ 不過事實就係拜託人地幫你影相10中有9都係伏我起初拜託一個幫老婆影完韆鞦既香港男人，佢幫我篤左10張，竟然可以無一張完整影齊個韆鞦同我!一係cut左樹頂，一係閘左右邊棵樹，一係後面有村人，仲未計out focus到模糊就算唔計構圖，唔解可以用現代既知能電話影到小學生用菲林機質素……..終於阿哥走過嚟幫我影先正常……… (唔正常既相比我detele哂無留底，想po比大家睇都唔得tim) 2016年時只有呢一個韆鞦for影相，但今次來到已經多左好多個唔同種類韆鞦and其他打卡點攪到好似樓下屋村公園咁，不過睇住d日本少女青春地fing下fing下又幾開心wor~ 另外個天國的階梯and隨意門雖然係好多其他地方都有，但總係會吸引到d無聊人衡過去影相~包括我~ 係大風吹郁條梯je! 我無驚到腳震呀! 男人到左三十歲仲要依賴交通工具好可憐x2.jpg 2. 夏威夷風海灘沿住公路繼續向前，渣車約7分鐘已可到達夫婦岩所在既「二見ヶ浦海岸」~個人建議唔使直去夫婦岩住，搵地方泊好車出去海灘望下先~~ 點擊圖片放大 +2 Woo係咪有幾分夏威夷feel呢Aloha~「二見ヶ浦海岸」於夏天係熱門滑浪勝地，充滿朱古力大隻仔同日燒比堅尼~ 所以亦有大量靚靚酒吧同café~我會覺得有d似濟州島既涯月咖啡街，但呢邊既氣氛更加舒適 (我係私心鍾意日本ga啦吹咩~)如果上篇既燒蠔唔岩食or唔岩季節，嚟呢邊望住個海食d野嘆返杯𥄫下女/仔，不知幾爽~但我16年係過嚟借廁所的…….. 眾多café的設計中，一定以「Beach Cafe SUNSET」最特別~那全木造的海邊樹屋，童話得有如哈利波特既場景~真係想係度坐返一個下晝~ 如果外面唔係得5度兼吹緊海風的話~但諗真d，哈利波特同樹有關既情節好似係渾拼柳wor…… 點擊圖片放大 +2 至於消費方面，禮貌上應該買杯野ge，但好似連日本人自己都係行過嚟打個卡就算，coffee shop本體又係馬路對面深處…….算啦我知人地唔介意ge~ 3. 夫婦岩鳥居岩岩係沙灘遠處已可見夫婦岩ga la，行多唔使10分鐘就會到達~全日本有數個夫婦岩，三重縣鳥羽果邊有一個，但似乎以福岡糸島呢個「櫻井二見浦 夫婦岩」最有名~估計係佢size大得嚟又近岸有d壯觀，再加埋純白色海邊鳥居襯托，使佢成為難得一見既風景~糸島的風景亦以此地為No.1!而咁有人氣既地方，當然就好多人啦嚟到呢度都排好長隊去影相ar……….. 點擊圖片放大 +3 無錯~ 正面於鳥居透視夫婦岩係唔錯~ 其實側面個角度亦毫不遜色，所以不妨係旁邊影多d~但就小心入人鏡or比人入鏡我當日就有無盡既某個國家既人毫無影相禮儀瘋狂係後面阻Q住哂，完全係考驗我既執相功力我係咪應該要比錢買個AI執相軟件呢…….. 糸島夫婦岩~ 4. 爆蛋三文治玩左咁耐，應該肚餓ga啦~ (咁快!? 粒幾鐘前先食完燒蠔!)離開夫婦岩繼續前行，渣車沿路屈返入內陸約5分鐘，好快來到呢間「Itoshima Cafe Farmhouse UOVO」(糸島カフェ ファームハウス UOVO) UOVO 呢間專食「天上卵」既café 品牌係福岡市中心都有，但此處主題旗艦店卻有大量打卡able位置~童話風溫泉蛋殼凳、巨型煎蛋枱、夢幻雪榚車，仲又草地又韆鞦又免費洗手間(?)，環境非常chill~當係道之驛嚟抖抖都正呀~ 點擊圖片放大 +2 此處既主打雞蛋「天上卵」，名就好型啦，但話之佢係周姐卵，最緊要好味!呢度最出名係勁爆厚蛋治!我之前睇相都覺得佢滑嘟嘟，到睇到實物，wa 個滑蛋超級澎湃迫到脹哂!!一啖落去，蛋味勁濃、滑不溜口!有趣既係佢再加埋烚蛋薯仔沙律!每個人都食過蛋治同烚蛋沙律，但Pineapple Apple Pen合埋一齊就諗都未諗過!仲要味道超夾先吹佢唔脹!!單點一份要900 yen好似有d貴，但我勁想買多一份就知佢幾好味!澳牛都行埋一邊呀! 另一主打係天上卵卷蛋糕~但我果日賣哂，於是買左兩杯不同味既Smoothie~好香濃ar~~~~~~~~~~~~~~~但我點解會係接近零度既天氣下坐戶外飲雪榚milkshake ge~好鬼凍ar~~~~~~~~~~~~~~~ ================《糸島カフェ ファームハウス UOVO》電話號碼：+81 92-332-0535地址： 5134-1 Shimasakurai, Itoshima, Fukuoka 819-1304日本官網 : https://farmhouse-uovo.com/================ 5. 同場加映~福岡海購城瑪麗諾亞OUTLET糸島行程其實上面已經完結，基本上夠玩一日ga la~但天入黑後未夠喉rr手指唔知去邊好，可以試下回程福岡唔上高速，地面順路去outlet望望出出血~比起日本其他outlet，福岡海購城瑪麗諾亞OUTLET (マリノアシティ福岡) 唔算大，但佢係最近福岡市中心既outlet，交通最方便，某d品牌亦係呢度先有~加上有個摩天輪比小朋友玩，所以都算幾熱門~至於出血程度就睇閣下彈藥了~ 糸島一日打卡遊就係咁多~其實再認真d玩，糸島仲有好多景點如瀑有ar神社ar值得一去~ 仲未計好多特色café食肆未發掘呢~但我個肚真係食唔落了，留返下次唔知幾時再去先同大家介紹啦~下篇講福岡近郊~ 請各位繼續支持呀! ======================== 請大家Follow我Instagram啦~Instagram : https://www.instagram.com/fung_garcia_backpacker/ ===================================== 我既Youtube Channel已經開通啦!!!!快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~ 鋒加西亞/旅人瘋語 Youtube Channel 主要影片 ：【泰國】【芭堤雅】誤入邪骨!? 芭堤雅色情行業真相!【歐洲】人有三急在歐洲怎辦? 卑鄙無恥! 歐洲免費廁所全攻略【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!【希臘】型爆海盜船酒吧扮魔盜王！超值60蚊一杯包遊船河！？ 白濱系列 :【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住! 旅行故事系列 :【台北】誤闖台灣三溫暖，內裡竟然係……嚇死人咩！【格魯吉亞】最慘的4小時! 格魯吉亞地獄小巴之旅!【波蘭】在納粹集中營，我竟聽到了……一世難忘的恐怖回憶!【台灣】我在台北拾屍的經驗︱美女強吻? 艷福無邊? 浪漫奇遇? ================================= 相關篇章 : 九州自駕遊系列 ：《Day0.1 – 日本自駕遊初體驗(上篇)︱初心者租車攻略》《Day0.2 – 日本自駕遊初體驗(下篇)︱準備清單與第一次自駕心得》《Day1.1 – 福岡炭火燒蠔小屋︱$7一隻超新鮮!》 仙台山形系列 ：《Day1.1 – 藏王狐狸村可愛到極呀~》《Day1.2 – 仙台牛舌「善治郎」總本店》《Day2 – 銀山溫泉搵塔矢亮》《Day3 – 藏王樹冰好壯觀呀!仲好Q凍呀!》《Day4.1 – 藏王溫泉區初心者滑雪體驗》《Day4.2 – 藏王溫泉旅館+玩樂美食推薦》 京都紅葉系列 ：《1 – 京都紅葉隧道此生必去︱貴船神社、琉璃光院︱叡山電車紅葉路線介紹》《2 – 京都天龍寺巨型紅葉樹》《3 – 京都北野天滿宮 – 紅葉之海洋》 富士山登山全記錄：《1 – 路線、小屋及裝備選擇心得》《2 – 上山啦! 惡劣之御來光館》《3 – 夢之日出! 惡夢之下山!》 日本溫泉及溫泉旅館介紹：《【溫泉及溫泉旅館】 – 系列》 日本富山、石川、琵琶湖 :《【北陸之行】 – 系列》 日本和歌山、白浜 ：《【紀伊半島】 – 系列》 東京、大阪、京都：《【東京雜記】 – 系列》《【大阪美食+京都遊覽】 – 系列》 韓國濟州島 :《總篇集︱濟州島4日行程參考》《Day1 – 漢拿山御里牧、靈室登山路線》《Day2.1 – 東門市場的遺憾︱豬肉湯麵+海鮮飯卷推薦》《Day2.2 – 龍頭岩海水汗蒸幕︱最強黑毛豬餐廳「石窟黑豚」》《Day3.1 – 牛島單車遊︱濃縮濟州之美的秀麗小島》《Day3.2 – 城山日出峰的完美日落》《Day4.1 – 濟州島 9.81PARK 重力賽車公園》《Day4.2 – 濟州島 Arte Museum 光影饗宴》《Day4.3 – 濟州島春日咖啡廳BOMNAL︱涯月咖啡街》 ================================Email : funggarcia@gmail.comwww.facebook.com/Garcia.in.Germany 文章同時刊於以下平台，請各位多多支持呀!!!!!!!!!!!!!UBlogDC Fever TravelMedium
