等左好耐! 萬眾期待!(下真係??) 九州自駕遊記正式開始啦!!~囉車果d瑣碎事就睇返上兩篇啦~ 遊記第一站直接來到福岡的後花園「糸島」!每年11月中開始到3月，福岡糸島東海岸的燒蠔小屋都會隆重開幕，不論本地人定遊客，都會嚟盡情享受又肥又鮮又平到嘔既炭火燒本地生蠔!2016年我曾單拖backpack嚟過，當年已覺性價比高到癲，好玩又有feel，決心要帶屋企人來試一試!今次2023年再臨，竟然發現其他海鮮仲掂檔!? 究竟發生了甚麼事??? ======================== 請大家Follow我Instagram啦~Instagram : https://www.instagram.com/fung_garcia_backpacker/ ===================================== 文章概要 :糸島交通唐泊惠比須燒蠔小屋 (唐泊恵比須かき小屋) 使用方法開餐了! 自己BBQ啦!其他海鮮仲好味!? 1. 糸島交通「糸島」香港人多會寫做「系島」，但其實係錯別字，「糸」的正式讀音係「覓」”mik6”「糸」係細絲線的意思，所以google時有網頁會直接把名改為「絲島」，而做功課時不論google「系島」定「絲島」你都會搵得到但作為一個忠於原著又麻Q煩既前中文教師，對自己既專業始終有少少執著，所以我會keep返用「糸島」呢個詞希望唔好太影響搜尋結果啦…….Anyway~要去糸島燒蠔小屋，由福岡市中心中州川端出發，渣車上高速公路不用半小時非常快~蠔小屋前有超大型既免費泊車場~ 唔好似我on居泊左去前面收費場ar…….. 無渣車就煩d了，要先坐地鐵K機場線向「姪濱 / 唐津」方向，去到「今宿駅」or 「九大學研都市站」轉巴士如果該地鐵既總站係「姪濱」就可能要落一落車再轉JR先去到「今宿」or 「九大學研都市站」，若係「筑前前原」既就不用擔心，原車繼續去就得~呢程地鐵約需半小時~ 我當年係由「今宿駅」上車的係「今宿駅」，一出就會見到巴士站，佢得兩架車，乘坐「西の浦線」向「西の浦・二見ヶ浦」方向，有車的話約30分鐘可到~但我2016年去果陣就係無車…………班次疏到嘔呀!我當年前一晚同hostel新識既鬼仔日本仔+韓國美女姊妹一行7人飲到朝早5點! 醉到完全忘記check班次!終於到巴士站時見下班車係5個鐘後………最終坐的士去，大約4000幾yen la……. 當時匯率兌7.5呀…….. ===============「今宿駅前」巴士站時刻表:https://transfer.navitime.biz/showa-bus/pc/diagram/BusDiagram?linkId=00053916&nodeId=00291877&updown=1================ 點擊圖片放大 疏到嘔…… 2. 唐泊惠比須燒蠔小屋 (唐泊恵比須かき小屋) 使用方法糸島唔止得一間燒蠔小屋，但最出名既就一定係呢間唐泊惠比須燒蠔小屋 (唐泊恵比須かき小屋) ~ 入去右邊會見到一個漁市場咁既檔口仔，行過去直接同伙計講要咩就得ga啦~唔識講? 手指指就得啦~ 呢度既蠔全部都係附近海域出產保證新鮮，仲話有經過食安檢查同紫外線殺菌……..算吧啦! 會care肚唔肚痛既就唔會嚟呢度啦! 食餐勁既算啦~2023年價格係1500yen 1KG, 1兜成10幾隻!2016年價格係1000yen 1KG, 1兜10隻!但計返匯率，價錢其實都係港紙$7左右一隻!平到咁，阿葉師傅唔該我要食10兜!! (2016圖片)(其他食物都唔貴~ 可以買少少有興趣既岩食先再reload~) 注意只收現金，當時就有個香港靚女同佢男朋友唔夠cash而問我payme換yen比左錢，囉齊食物及工具，就可以隨意搵張枱坐低，職員好快會過嚟送上熱炭~強烈建議搵個通風窗口邊位!話就話冬天，話就話地方大，但呢度近百人集體燒炭，唔熱死都焗死啦!中間位，奶野ga! 當然係窗邊位有著數~ 熱ga~ (2016圖片) 3. 開餐了! 自己BBQ啦!係香港應該無咩機會自己動手燒蠔吧!唔識唔使驚，桌上有張中英文圖解教學，職員仲免費比埋手套and開蠔刀，而且只要蠔夠新鮮就會自己彈開口~平時開生蠔果d插襯手、成地碎殼、隻蠔飛出街，用埋關刀都劈佢唔開既惡夢全部唔會出現~ (2016圖片) (2023圖片)點擊圖片放大 係咪好正呢~D蠔係新鮮度真係無話可說，完全唔腥，味道又香濃，竟然連唔鍾意食蠔既娘親都食到話好味!日本人鍾意落醋，我覺得的確比豉油更加夾~ 當然最夾既係啤酒啦!今次渣車唔飲得，囉無無酒精既頂住先好過無! 4. 其他海鮮仲好味!?場內仲有其他食物賣，必食item no.1既係赤貝!!!!!! (定係北寄貝?唔sure)真真正正手板咁大! 用炭火新鮮燒起，鮮味到不得了!係香港出街要食一隻咁既大細起碼3舊水，呢度只係500yen ja!!!由於燒一隻都要d時間，我太遲起步，有少少後悔無買多幾隻呢…… (2023圖片) (2016圖片) No.2係香魚!用慢火燒香，從背部咬落，背鰭處既魚脂油香四溢~200yen一條，愛魚人士起碼食兩條啦! 點擊圖片放大 No.3係飯團~燒飯團唔使介紹啦~2016嚟來陣有對香港小情侶食唔哂比左d芝士我，於是我整左個芝士飯團出嚟~所以呢方面大家可以發揮創意 —- 燒蠔飯團、香魚飯團、啤酒飯團、煤炭屎飯團……. 點擊圖片放大 +2 d芝士可以落埋蠔度，正呀~ 至於其他食物，海螺睇落都新鮮~蝦反而一般可以不試，而蔬菜咁樣明火直燒會好乾易燶，都唔係非常建議最後我地4個人食左2kg蠔，兩隻赤貝，6條香魚、仲有其他食物和酒水，都唔使10000yen，抵到傻!少少可惜係唔知係我黑仔 / 人太多 / 定過左第1水既高峰，蠔雖然鮮味，但今次比我2016年時d蠔真係細隻左好多上次我每隻都肥大飽滿到頂實貼殼ga不過屋企人食得超滿足咁就夠了~ 今次最後唔係注意事項，係少少個人意見感想~場內其實容許自己帶其他野嚟燒的~ 個個覺得少少無咩所謂，囉隻乳豬全體就唔係太好啦…… 同埋炭屎都幾利害，會黐肉ga~唔知係咪出名左，我今次再臨見到非常多人，而前後左右都係香港人……如果追求食物安全，我建議跟足教學圖片再燒多2分鐘，變蠔豉好過一陣”lies”…….如要追求味道，似乎9成熟係最佳品嚐狀態~同埋4個人2盤真係唔算多，食太多蠔與其擔心肚痛，不如擔心太壯陽好過……..好下篇繼續玩糸島~ ================《唐泊恵比須かき小屋》電話號碼： +81 92-809-1047地址： Kota, Nishi Ward, Fukuoka, 819-0203日本官網 : http://www.karatomari.jp/================ ======================== 請大家Follow我Instagram啦~Instagram : https://www.instagram.com/fung_garcia_backpacker/ ===================================== 我既Youtube Channel已經開通啦!!!!快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~ 鋒加西亞/旅人瘋語 Youtube Channel 主要影片 ：【泰國】【芭堤雅】誤入邪骨!? 芭堤雅色情行業真相!【歐洲】人有三急在歐洲怎辦? 卑鄙無恥! 歐洲免費廁所全攻略【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!【希臘】型爆海盜船酒吧扮魔盜王！超值60蚊一杯包遊船河！？ 白濱系列 :【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住! 旅行故事系列 :【台北】誤闖台灣三溫暖，內裡竟然係……嚇死人咩！【格魯吉亞】最慘的4小時! 格魯吉亞地獄小巴之旅!【波蘭】在納粹集中營，我竟聽到了……一世難忘的恐怖回憶!【台灣】我在台北拾屍的經驗︱美女強吻? 艷福無邊? 浪漫奇遇? ================================= 相關篇章 : 九州自駕遊系列 ：《Day0.1 – 日本自駕遊初體驗(上篇)︱初心者租車攻略》《Day0.2 – 日本自駕遊初體驗(下篇)︱準備清單與第一次自駕心得》 仙台山形系列 ：《Day1.1 – 藏王狐狸村可愛到極呀~》《Day1.2 – 仙台牛舌「善治郎」總本店》《Day2 – 銀山溫泉搵塔矢亮》《Day3 – 藏王樹冰好壯觀呀!仲好Q凍呀!》《Day4.1 – 藏王溫泉區初心者滑雪體驗》《Day4.2 – 藏王溫泉旅館+玩樂美食推薦》 京都紅葉系列 ：《1 – 京都紅葉隧道此生必去︱貴船神社、琉璃光院︱叡山電車紅葉路線介紹》《2 – 京都天龍寺巨型紅葉樹》《3 – 京都北野天滿宮 – 紅葉之海洋》 富士山登山全記錄：《1 – 路線、小屋及裝備選擇心得》《2 – 上山啦! 惡劣之御來光館》《3 – 夢之日出! 惡夢之下山!》 日本溫泉及溫泉旅館介紹：《【溫泉及溫泉旅館】 – 系列》 日本富山、石川、琵琶湖 :《【北陸之行】 – 系列》 日本和歌山、白浜 ：《【紀伊半島】 – 系列》 東京、大阪、京都：《【東京雜記】 – 系列》《【大阪美食+京都遊覽】 – 系列》 韓國濟州島 :《總篇集︱濟州島4日行程參考》《Day1 – 漢拿山御里牧、靈室登山路線》《Day2.1 – 東門市場的遺憾︱豬肉湯麵+海鮮飯卷推薦》《Day2.2 – 龍頭岩海水汗蒸幕︱最強黑毛豬餐廳「石窟黑豚」》《Day3.1 – 牛島單車遊︱濃縮濟州之美的秀麗小島》《Day3.2 – 城山日出峰的完美日落》《Day4.1 – 濟州島 9.81PARK 重力賽車公園》《Day4.2 – 濟州島 Arte Museum 光影饗宴》《Day4.3 – 濟州島春日咖啡廳BOMNAL︱涯月咖啡街》 ================================Email : funggarcia@gmail.comwww.facebook.com/Garcia.in.Germany 文章同時刊於以下平台，請各位多多支持呀!!!!!!!!!!!!!UBlogDC Fever TravelMedium
