今篇主力講下我今次係藏王住既一流溫泉旅館同埋藏王溫泉區有咩好野食~ ======================== 請大家Follow我Instagram啦~Instagram : https://www.instagram.com/fung_garcia_backpacker/ ===================================== 文章概要 :藏王溫泉旅館「五感之湯つるや」藏王餐廳推薦藏王其他玩樂 1. 藏王溫泉旅館「五感之湯つるや」今次我住既叫「五感之湯つるや」係藏王算係中型size溫泉旅館~ 亦係共中一間性價比最高既~最大優勢係超級勁近巴士總站! 落巴士就係,近到走果陣仲有5分鐘開車先落樓都仲得!我到埗時一出站已經見到旅館大叔粉雪中叉住手企到直一直等我地! 型到呢!亦由於近得太過份,我落車時完全唔使冒住大風雪凍到嘔下拖喼孭背囊睇地圖搵酒店,直接行過對面街就係,我完全feel到背後其他旅客既羨慕妒忌目光~~ 我一出巴士站就係望住佢,近到呢~ 對面紅色既就係巴士站 五感之湯雖然無房內風呂付既房間,但住客可以係4個貸切風呂內任揀一個免費浸一次 (住兩晚就兩次),1小時內係裡面點浸點玩玩d乜都得~咁當然靜靜地浸住溫泉細看窗外雪景已係無比寫意啦~浸完唔夠喉,24小時任浸大浴場都可以滿足你~ 適當既時候露下肉好似係流量密碼~點擊圖片放大 +2 其他瑣事包括老闆英文ok兼有禮helpful,三元豚晚餐及和式西式早餐勁好味又大份飽到嘔,房間舊但整齊乾淨,服務時間內仲可以叫旅館免費接送你去區內任何地方等等總之就係兩晚都非常滿意!至於價錢,我係10疊size房一晚素泊,一晚一泊二食,total兩晚大約係7-80000yen,溫泉旅館嚟講性價比ok la~ 房間都唔細~ 正常古老有味道的溫泉旅館啦~ 三元豚sabusabu~點擊圖片放大 早餐由於我尋晚果餐都未落格,完全無胃口食….. 2. 藏王美食藏王出名食成吉思汗羊肉,我都唔知點解,但多數餐廳都有得賣~我晚餐食過呢間「お食事処 桃園」門口超勁多人! 差d排隊都無位!食完就知有理由!藏王本地羊肉肉味超濃又嫩滑,仲要瀨尿牛丸咁多汁,好味到難以致信!著名山形和牛睇到d油花已經知係正野~ 重油香之餘竟然仲重肉味!以上一碟都係港幣約$100一碟,平到我懷疑自己係咪比人呃呀??仲有其他酒盜、關東煮等都一流,滑完雪嚟飲飽食醉,超大滿足~ ============ 《お食事処 桃園》地址 : 山形県山形市蔵王温泉903-2 蔵王センタープラザhttps://tabelog.com/yamagata/A0601/A060101/6007867/(岩岩再check好似臨事閉店……. 唔知咩事呢…….) ================== 點擊圖片放大 +6 Lunch我食幾推薦Lawson旁邊的「食事処 とみたや」的生薑燒定食~份量超大味道又夠性價比一流~咖哩吉豬飯都唔錯! =========================== 《食事処 とみたや》電話 : 023-694-9436地址 : 山形県山形市蔵王温泉903-4https://tabelog.com/yamagata/A0601/A060101/6005613/ =========================== 點擊圖片放大 3. 藏王其他玩樂大家都知日本既溫泉區都分好多種~ 我心目中夾硬將佢大致分為3種 :有條街比你散下步再返酒店自己high,e.g.下呂、黑川、由布院、銀山溫泉得一兩間旅館霸哂周圍乜都無,e.g. 川湯、勝蒲溫泉一整個小鎮都係溫泉勝地,好多公共溫泉及各式新舊溫泉旅館,e.g.白浜、草津溫泉 藏王大致上屬於第3類,但係奇怪地佢並沒有太多公共溫泉,只有兩三個浴缸咁大埋係地下既超古舊澡堂,唯一最大果個露天風呂竟然可以寫明冬天唔開……乜日本人咁鍾意夏天浸溫泉咩…….我試過係台灣8月浸過一次,36度天氣浸落40度熱水,我一邊浸一邊懷疑人生…… 成條河都係溫泉水超勁 上湯共同浴場 下湯共同浴場 上湯共同浴場(google圖片),其實都唔太差ge 所以要係藏王唔睇樹冰唔過夜唔滑雪其實無咩野玩 (咁過嚟做乜野???)勉強要說,「酢川溫泉神社」亦值得行個圈~由參道下的樓梯望上去感覺已唔錯~ 呢張係另一日另一個時間影的,所以唔同色 見到咁大雪,我仲唔知係邊度搵d勇氣出嚟行上去tim!需知被大雪冰封既樓梯非常危險,每一步都冼到玩番梘 sir滑梯咁,每一步都要捉實扶手拉個人上去! 果種用力法,旁邊睇以為我上緊喜瑪拉雅山更不幸係扶手為金屬製,上面既雪全部溶哂水,我對雪地手套又因為太耐無用d膠老化無哂防水,於是對手套吸哂冰水,我雙手同長期浸係雪水內無分別,凍到呢……好彩個神社都真係ok,起碼睇佢厚厚積雪個樣都有報~ 點擊圖片放大 +2 呢張係神社洗手位嚟ga! 至於咁Q冼點落返去?睇真d~ ee樓梯有一邊係斜坡嚟又完全積哂厚雪wor~ (奸笑~)黐線個冰滑梯好高好快呀喂!!!!!!!!!!!!係好好玩但真係好危險呀!!!!!!!!同埋話哂都係神社,隔離仲有墓地,好似有少少不敬……但無辦法啦,另一邊樓梯都一樣係sir落嚟ga ja,果邊仲起角ge tim…… 好啦藏王溫泉區大致上就係咁多~樹冰睇得過癮到死(凍死果隻),滑雪又開心,旅館同食物又一流,我真係好鍾意藏王溫泉區~ 已經決定要搵機會再嚟玩呀!而今次日本東北之旅既遊記亦暫到呢度為止~其實我之後係東京及周邊地方既行程都有唔少野值得寫 —– 隱世巨形炸蝦、Snoopy Museum 、河津櫻慘案等都好想寫,不過為左還稿債點都要寫左下個topic先……就留返有機會再係《東京雜記》系列再同大家分享啦~======================== 請大家Follow我Instagram啦~Instagram : https://www.instagram.com/fung_garcia_backpacker/ ===================================== 我既Youtube Channel已經開通啦!!!!快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~ 鋒加西亞/旅人瘋語 Youtube Channel 主要影片 :【泰國】【芭堤雅】誤入邪骨!? 芭堤雅色情行業真相!【歐洲】人有三急在歐洲怎辦? 卑鄙無恥! 歐洲免費廁所全攻略【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!【希臘】型爆海盜船酒吧扮魔盜王!超值60蚊一杯包遊船河!? 白濱系列 :【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!【和歌山】【白浜】超高性價比溫泉酒店介紹!(上集) 最平最型,兩層複式+望海露天風呂,竟然港幣千零蚊!?【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘,勁抵住! 旅行故事系列 :【台北】誤闖台灣三溫暖,內裡竟然係……嚇死人咩!【格魯吉亞】最慘的4小時! 格魯吉亞地獄小巴之旅!【波蘭】在納粹集中營,我竟聽到了……一世難忘的恐怖回憶!【台灣】我在台北拾屍的經驗︱美女強吻? 艷福無邊? 浪漫奇遇? (新片呀!!!!!!!!!)================================= 相關篇章 : 仙台山形系列 :《Day1.1 – 藏王狐狸村可愛到極呀~》《Day1.2 – 仙台牛舌「善治郎」總本店》《Day2 – 銀山溫泉搵塔矢亮》《Day3 – 藏王樹冰好壯觀呀!仲好Q凍呀!》《Day4.1 – 藏王溫泉區初心者滑雪體驗》 京都紅葉系列 :《1 – 京都紅葉隧道此生必去︱貴船神社、琉璃光院︱叡山電車紅葉路線介紹》《2 – 京都天龍寺巨型紅葉樹》《3 – 京都北野天滿宮 – 紅葉之海洋》 富士山登山全記錄:《1 – 路線、小屋及裝備選擇心得》《2 – 上山啦! 惡劣之御來光館》《3 – 夢之日出! 惡夢之下山!》 日本溫泉及溫泉旅館介紹:《【溫泉及溫泉旅館】 – 系列》 日本富山、石川、琵琶湖 :《【北陸之行】 – 系列》 日本和歌山、白浜 :《【紀伊半島】 – 系列》 東京、大阪、京都:《【東京雜記】 – 系列》《【大阪美食+京都遊覽】 – 系列》 韓國濟州島 :《總篇集︱濟州島4日行程參考》《Day1 – 漢拿山御里牧、靈室登山路線》《Day2.1 – 東門市場的遺憾︱豬肉湯麵+海鮮飯卷推薦》《Day2.2 – 龍頭岩海水汗蒸幕︱最強黑毛豬餐廳「石窟黑豚」》《Day3.1 – 牛島單車遊︱濃縮濟州之美的秀麗小島》《Day3.2 – 城山日出峰的完美日落》《Day4.1 – 濟州島 9.81PARK 重力賽車公園》《Day4.2 – 濟州島 Arte Museum 光影饗宴》《Day4.3 – 濟州島春日咖啡廳BOMNAL︱涯月咖啡街》 ================================Email : funggarcia@gmail.comwww.facebook.com/Garcia.in.Germany 文章同時刊於以下平台,請各位多多支持呀!!!!!!!!!!!!!UBlogDC Fever TravelMedium