「沙巴最好的浮潛地點在美人魚島!」係2018年一個馬來西亞本地朋友咁同我講，係咪事實我唔知因為當年我去唔到~好多朋友應該都會好似我咁，網上搵資料時見去美人魚島Mantanami Island單程都要花近3個鐘搭車又搭船好暈呀，價錢仲要成$7-800港紙，會唔會唔抵玩呀???我而家去完之後可以話比大家聽 ——- 抵! 美人魚島風景無敵咁靚! 而且跟tour可以玩得輕鬆又開心~其實前幾篇已經講左呢個trip個大概ga啦，今次就嚟詳細解說啦~ =======================================請大家Follow我Instagram啦~Instagram :https://www.instagram.com/fung_garcia_backpacker/fung_garcia_backpacker =====================================文章概要 :美人魚島Tour行程接客與交通美人魚島浮潛美人魚島lunch美人魚島玩樂紅樹林長鼻猴Dinner + 沙灘日落紅樹林螢火蟲 1. 美人魚島Tour行程不論係Klook、KKDay定去到沙巴先book既Local tour，去美人魚島既行程一般都大同小異，因為大多數於出發去美人魚既高速船開始就會併團即係話大家既分別好可能只係接送車輛不同，到島上玩時好大機會係由其他導遊負責講解~我就無所謂ge，隔離團果個導遊仲風趣幽默兼very helpful tim~好啦分享下大概schedule比大家先~0700 酒店pick up0930(if唔塞車) 到達美人魚島上船位置0945 上快艇出發開始暈船浪1030 到達美人魚島1100 換衫再上船出發去浮潛1145 去第二潛點試下有無得餵鯊魚1230 回到美人魚島梳洗1300 食Lunch，唱黑獄斷腸歌1400 自由活動，影相時間1515 回紅樹林，食tea1630 遊船河搵長鼻猴欣賞我地1730 超Hea晚餐+沙灘睇日落1900 坐船再入紅樹林睇螢火蟲及餵蚊1945 坐車回酒店2145 回到酒店行程雖然大同小異，但銀兩就未必了，相差可以有一、二百蚊港幣的，大家最好格一格價~至於我係KKDay book的，hot season團費每人$749，包來回酒店接送及lunch、tea、dinner及所有費用，由早上7點玩到夜晚9點半，我覺得算係非常唔錯了~ 2. 接客與交通呢個Tour其中一個賣點就係專車酒店門口親自接送~導遊會於Tour當日前一晚好鬼夜先透過whatsapp話妳知集合時間，一般都係0700至0720，視乎妳住邊間酒店啦，而不論妳住邊間都係倒塔咁早起身囉命過返工ga la唯有係車補眠啦…… 好彩程車成2.5至3個鐘不過前提係妳訓得著，一來架車冷氣未必好夠，二來我果陣有某個國家既大媽不停高談闊論重覆果幾句「wa d地方咁落後ge，我地國家點點點靚啦……」真係好討厭 9點幾來到上船地點紅樹林，由呢度開始同其他人tour併團，同行人士由某國大媽變成台灣美女，真係人都精神d~但心靈上既滿足不代表身體上既滿意唔係講衰野，而係隻高速船好鬼拋好暈呀…… 上船地方已經係紅樹林 後面望到神山呀! 滑浪飛船大約半個鐘，終於到達今次既目的地美人魚島啦!!!!Wa個島真係好————曬呀!!!!!!!!!!!!但幾曬都好~ 面對咁靚既沙灘，話知曬到變Samuel L Jackson呀~ 我要落水呀 mother 佛卡~ 唔好咁急住~ 放低野換泳衣捺太陽油Locker鎖好野先啦~ (Locker要錢的)太陽油既規格上篇講過，而locker係要比錢的，約RM30 ~ $50港紙都幾貴下，所以大家有咩鑽石戒指電視機音響Hi-Fi果d就囉埋出海啦下~至於電話，我覺得唔放locker都ok，只要妳有個防水袋裝住，放係出海果架船上都無問題~同時導遊會問埋你地要唔要買定海鮮一陣lunch加餸講真d鮑魚龍蝦真係唔貴，亦一定新鮮 (大佬呢度要搵雪蝦仲難過搵新鮮蝦啦)，只係我信唔過佢地既烹調手法~隻龍蝦妳試下燒佢一粒鐘變唔變擦子膠? 3. 美人魚島浮潛由起身到而家攪左成4-5個鐘，終於可以出發浮潛啦!!~係開始前導遊會先詳細講解潛鏡及救生衣既用法，之後就再上船出發去海中心既潛點啦~聽聞呢度可以見到海龜ga wor!!!!~~~我對做蒲島太郎無咩興趣~ 一場嚟到美人魚島，當然係要見美人魚啦~~!!!!! 嚟啦baby~~~ 黑人果條我都唔介意呀~~~~ 出發去浮潛啦~ 唔好話美人魚呀，泥鯭都無條呀，水魚我就見到好多隻浮潛緊……再睇下已經白化哂既珊瑚究竟係我地運氣唔好呀，定導遊唔識搵一d靚地點，定係就算世外桃園都已經比人類催殘到咁呢……游水游左約半小時就上船換另一潛點了~今次導遊識用麵包引d魚嚟，好好多~~~~~(上左水先發現無影過相只有片，咁用IG既片頂住先啦~) 雖然d珊瑚都係麻麻地，但都算ok la~ 比起我上次係沙庇島Sapi Island既好得多~但尾段有個小問題浪太大令我地浮得越來越遠，到要走時因安全起見隻船又唔可以使近d，變成突然要嚟個維港渡海泳!!有救生衣加上我有練開破冰轉身問題都唔大，但我隔離美女唔熟水性就大鑊了於是我只好一手攬腰，另一隻手也不閒著，單手帶住佢於大浪中游成個直池咁遠，喘到我幾乎剩下一天都要喘息，差d以為自己要餵魚而其他團友亦不惶多樣，個個上到船都臉如死灰矢吹丈咁樣……唉我以前教書果陣真係成日同學生講 : 可以唔識踢波但唔可以唔識游水，生存技能嚟ga…… 4. 美人魚島lunch浮潛完真係餓到癲，快快手手沖個身就食lunch la~Lunch睇落似自助餐，實情係監獄式排隊囉飯，服務員會先係臉上寫個西字，然後將食物扔落妳隻碟，炸雞翼仲係配給制一人有一隻雞翼，係我我厚顏無恥夾硬要多隻都不能怪佢地西面既，因為我地囉完剩餘未食既就係佢地既lunch，調轉係我都會諗「食咁多肥死你呀~」 有趣地外貌睇落似廚餘，食落味道卻唔錯wor!炸雞翼外脆內嫩有肉汁、炸魷魚又辣又鮮，蝦亦非常鮮美~算係意料之外既一餐~Btw同枱既香港男孩請我地食上段所講既鮑魚只能說，可以將新鮮鮑魚煮到罐頭鮑魚咁真係一項才能呢…… 估唔到好味 5. 美人魚島玩樂快d食完個Lunch，就快d有自由時間了~話就話可以玩獨木舟直立板等等水上活動，但鑑於浮潛完返嚟都近1點，沖身食埋飯都差不多兩點，最遲3點就要閃，即係玩埋的話根本就唔會有時間好好hea下呢個靚到暈既小島都係周圍走影下相曬燶下自己好d~ 雖然根據參加既tour不同，大家既上岸and食飯地點及玩樂設施都有d分別，但美人島大概活動範圍就係順序一直線 :上落船果個沙灘 (我自稱佢做Beach 1)食飯+沖身地點另一邊沙灘 (Beach 2)Beach 1係寧靜、完全清澈透底的玻璃水，沙潔白幼細赤腳步於其上簡直係一種享受~exactly就係旅遊廣告「4天團$99998見票即收」果d相啦!可惜既係因方向問題此海灘一滴風都無，係36度既太陽直曬下非常非常非常熱! 2023年美人魚島點擊圖片放大 +2 Beach2則為另一種不同風貌~近岸海水由清透水藍化為離岸碧藍，至遠處又成靛藍，沙雖較粗但比Beach 1更加雪白缺點係沙石垃圾亦比較多，只不過重點係呢邊大風好多涼爽好多呀!!!!果邊熱到中暑都似呀，梗係老虎都係呢邊影相啦!~~ 2023年美人魚島點擊圖片放大 +2 ++++++++++++++++++++++++++++++相關篇章 : 《牛島單車遊︱濃縮濟州之美的秀麗小島【韓國濟州島遊記Day3.1】》++++++++++++++++++++++++++++++++另外島上仲有d沙灘椅可供租用，價格唔算好平，亦唔係好記得，如果唔打算出海浮潛既我覺得可以租嚟hea下ge~ 6. 紅樹林長鼻猴可以的話真係想係美人女島再hea耐d，但個tour規定3點幾要閃無計回到碼頭，自己個Tour架車會立即車妳去隔離另一紅樹林位置坐船睇長鼻猴 進入紅樹林~ 導遊都講到明唔一定睇得到，好講運氣! 因為長鼻猴成日未必行過岸邊囉水玩水，同埋動物避開人係天性嚟ga ma即係你返工要搵同事簽名但佢避開你，要等佢去pantry斟水才能野生捕獲，好難law!最終一如意料捕鑊唔到，只能見到馬騮仔兩隻，令我不禁想返香港攪個馬騮山郊遊團吸引遊客tim成程船的確無野睇但沿途清風送爽，還能遠眺神山，算係幾寫意的~撇除某國大媽繼續表示佢既國家風景靚好多好x煩之外 我已經放到超大，大家睇唔睇到隻馬騮係邊? 7. Dinner + 沙灘日落回到碼頭，Tour車會車妳去不知名既小屋內食自助餐當然呢度既自助餐同四季自助餐係有不可量度既距離啦~我用一個比較禮貌既說法——— 都搵到d野放得入口ge~ 其實係唔想食野law…… 唔係唔餓，而係熱到唔想食ar……35-6度焗係座建築物內無冷氣，有風扇都想死啦所以快口食兩啖填肚出外面沙灘行下好過~Woo個風景好似幾靚咁wor~ 睇相就好似熱帶風情幾4正，其實暗藏邋遢!一地垃圾之餘枱凳通通勁勁污糟!有趣的是夕陽卻超超超勁靚!忍唔住走落呢個不知名沙灘上，盡情享受我闊別已久的沙巴夕陽~儘管此地唔係丹絨亞路，但每一個沙巴的海邊日落都唔會令人失望~ 點擊圖片放大 +3 8. 紅樹林螢火蟲天黑哂就可以坐船再入紅樹林睇螢火蟲了~我2009果陣已經睇過一次，不過美人魚島和睇螢火蟲既行程係包埋一齊的，所以又睇多次都無妨ge 儘管我對螢火蟲無咩感覺，但看到數以千計的螢火蟲，在漆黑的樹林裡閃爍如聖誕燈飾，點點火光，在夜空中縈迴飛舞，不能不說非常夢幻特別當導遊拍打電筒吸引它們時，猶如天上星光飛向人間，那感覺真的…………非常恐怖呀!!!!!!!!!!!!!!蟲嚟ga!!!! 成大群蟲飛緊過嚟呀!!!!!!!! 我支殺他死呢??????假如你仲係無咩感覺，試幻想下而家係白天，有幾千隻黑色既小飛飛撲緊嚟你度，你唔嚇到走佬???? 我諗全世界只得佢唔怕蟲…… 大家見到我上面完全無相，因為導遊講到明就算大機都無可能係船上影到螢火蟲，何況電話藍光會影響觀賞，所以大家都係乖乖收埋手機專心比蟲攪啦另外如果身上太重蚊怕水都會影響螢火蟲唔敢埋身咁我寧願唔埋身啦!!!!!蚊怕水唔重手d的話，再見完螢火蟲妳隻手都可以比蚊咬到再見了! 細個睇過一次後唔敢再睇，會唔開心一個禮拜….. 睇完螢火蟲就坐車返屋企啦~如無塞車等等，大約3小時內就會返到沙巴市中心~ 10點前啦~ 仲趕得切去加雅街宵夜的~ 而行程至此亦正式完結!大家有耐性睇哂的話，應該都會發現我有唔少吐槽位又彈呢樣彈果樣，但講真大部份都唔算咩大問題，好多都係非戰之罪，出門在外係咁ga la~重點係我玩得非常開心，過程亦非常舒適，只係計由朝早7點玩到夜晚10點，專人服侍玩足咁多地方，包哂兩餐又唔使你煩交通門票行程安排，呢7舊水抵比啦! 2023年美人魚島 另外我知一定有朋友包拗頸想自己去唔跟團~唔怕老實講，我都有諗過，仲問過唔少私人團可唔可以cut走唔睇馬騮改為留係美人魚島玩耐d，甚至問埋沙巴旅遊局相關資料，得出既答案係 ——沙巴當局規定去美人魚島只能跟tour美人魚島的船有回程時限，除非book左島上住宿，否則都係3點幾就要走來回美人魚島的上船地點已是紅樹林，除非你真係好憎長鼻猴和螢火蟲，否則一場嚟到加少少錢睇埋佢啦跟Tour時可以選擇唔睇長鼻猴，但都無得留係美人魚島耐d，而且都要等到夜晚先有螢火蟲睇(廢話)，咁人地睇馬騮時妳就只能睇西遊記餵蚊，而且唔睇亦唔會平比妳如果閣下係自駕遊，係的確可以揸3粒鐘車齋嚟睇螢火蟲的，聽聞價錢係殺價後仲好平tim~ 不過無揸車就放棄啦，附近無得call grab的所以講到尾都係 —— 跟團算吧啦~ =======================================請大家Follow我Instagram啦~Instagram :https://www.instagram.com/fung_garcia_backpacker/fung_garcia_backpacker ===================================== 我既Youtube Channel已經開通啦!!!!快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~ 鋒加西亞/旅人瘋語 Youtube Channel 主要影片 ：【泰國】【芭堤雅】誤入邪骨!? 芭堤雅色情行業真相!【歐洲】人有三急在歐洲怎辦? 卑鄙無恥! 歐洲免費廁所全攻略【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!【希臘】型爆海盜船酒吧扮魔盜王！超值60蚊一杯包遊船河！？白濱系列 :【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住!旅行故事系列 :【台北】誤闖台灣三溫暖，內裡竟然係……嚇死人咩！【格魯吉亞】最慘的4小時! 格魯吉亞地獄小巴之旅!【波蘭】在納粹集中營，我竟聽到了……一世難忘的恐怖回憶!【台灣】我在台北拾屍的經驗︱美女強吻? 艷福無邊? 浪漫奇遇? (新片呀!!!!!!!!!)=================================相關篇章 :馬來西亞 ‧ 沙巴 :《行程準備懶人包 (上)︱食住交通一文睇哂》《行程準備懶人包 (下)︱浮潛、島嶼選擇、觀光名勝全介紹》 韓國濟州島 :《總篇集︱濟州島4日行程參考》《Day1 – 漢拿山御里牧、靈室登山路線》《Day2.1 – 東門市場的遺憾︱豬肉湯麵+海鮮飯卷推薦》《Day2.2 – 龍頭岩海水汗蒸幕︱最強黑毛豬餐廳「石窟黑豚」》《Day3.1 – 牛島單車遊︱濃縮濟州之美的秀麗小島》《Day3.2 – 城山日出峰的完美日落》《Day4.1 – 濟州島 9.81PARK 重力賽車公園》《Day4.2 – 濟州島 Arte Museum 光影饗宴》《Day4.3 – 濟州島春日咖啡廳BOMNAL︱涯月咖啡街》日本富山、石川、琵琶湖 :《【北陸之行】 – 系列》日本和歌山、白浜 ：《【紀伊半島】 – 系列》 京都紅葉系列 ：《1 – 京都紅葉隧道此生必去︱貴船神社、琉璃光院︱叡山電車紅葉路線介紹》《2 – 京都天龍寺巨型紅葉樹》《3 – 京都北野天滿宮 – 紅葉之海洋》================================Email : funggarcia@gmail.comwww.facebook.com/Garcia.in.Germany 文章同時刊於以下平台，請各位多多支持呀!!!!!!!!!!!!!UBlogDC Fever TravelMedium
