相信除左行內人，香港無乜邊個男人會話「我對買鑽石好有經驗！強呀！」偏偏大部份男人一生人都總有一個 （或以上）機會，去買呢一樣自己完全唔識、唔知咩嚟、又貴到爆炸既閃令令石頭!仲要一個唔該買錯左，對方唔鍾意既話，你呢一世就返屋企等消息啦! 好大壓力呀!所以為左各位男士係果一日來到時唔使咁傷腦筋，小弟根據自己既經驗，sales既介紹，再綜合各方面資料後，以非專業+講人話既方式，寫出呢篇同旅遊完全無關既「香港男士選購鑽石戒指全攻略」!希望可以造福各位打算求婚但迷惑中既男人啦! =======================================請大家Follow我Instagram啦~Instagram :https://www.instagram.com/fung_garcia_backpacker/fung_garcia_backpacker ===================================== 文章概要 :4C – 揀選鑽石前的基本知識人生交叉點 – 名牌定樓上鋪? 大粒定細粒?鑽戒預算揀石果陣要睇d乜?香港鑽石店鋪體驗(以下部份圖片取自網上google search，如有任何問題歡迎聯絡小弟將佢下架，另外如有錯漏，歡迎指正~) 1. 4C – 揀選鑽石前的基本知識如果對4C無概念係買唔到鑽石的，同見工要睇公司背景一樣，係妳入鑽石店門口前就要知道既知識~4個C，即係 —-Carat(卡數)、Colour(色度)、Clarity(淨度)、Cut(切割)我唔係專家唔講理論啦，所以用返人類會講既野嚟簡單解說下:卡數Carat ——-即係大細，人地如果講咩30份、70份即係0.3卡、0.7卡。大細係決定價格既一大因素，1卡以上每上0.1幾乎會貴一皮。外國人日本人求婚多數0.3-0.7卡已經好夠，係香港先經常1卡起跳 (證明香港人幾有錢)，我曾經聽過死黨既COT男友想買3卡被制止了…… Photo credit : https://www.tingdiamond.com/hk/education-diamond-grading/4cs/carat 色度Colour ——-唔係色情度係顏色度，D色係最頂級。個人覺得I色係底線，因為肉眼已可睇到少少黃黃地，所budget有限既多數揀G、H色，而講真同D、E、F分別唔大 Photo credit : https://mrsring.co/ Photo credit : https://www.goldsundiamonds.com/index.php?route=information/4c淨度Clarity ——粒石有無瑕疵雜質，大部份I1或以上既肉眼都唔會睇到，當然最好用放大鏡睇埋實物佢花成點啦，有d真係比沙紙蹂躪完咁ga。至於羽毛同雜質位置就睇閣下接唔接受到啦 Photo credit : https://www.goldsundiamonds.com/index.php?route=information/4c 切割Cut ——呢個最簡單，唔係3個Eccellent既可以byebye~ 以上4樣，都可以係GIA證書報告睇到，而只要妳有個鑽石編號，一樣可以係GIA網上search到佢份證書報告 ~GIA Website : https://www.gia.edu/report-check-landing GIA證書 除左GIA，有d高級店如Tiffary、Ginza既部份鑽石，會透過另一機構Sarine Light認證粒石既閃爍程度。我睇過達至最高級別既（Sales話世上只有0.3%），真係閃得好誇張，同普通鑽石完全唔同層次，當然價錢都係啦 Photo credit : https://jcjewels.com.au/pages/sarine-light-performance 2. 人生交叉點 : 名牌定樓上鋪? 大粒定細粒?揀鑽戒時最多人問，亦係我思考最多既問題係 :「差不多budget，買名牌店細粒閃爍高質量，定樓上鋪大粒花d無咁閃好呢?」呢個問題，就好似問男人鍾意靚樣平胸定普通樣大胸一樣，千古難題，好難揀，個個喜好唔同，又唔可以親口問女友ga!?想做徐錦江我要哂? 真係個個都有錢咩~再講ar，又要樣子高質又要size大粒，呢個世界邊有咁多林明禎呢~ 我都真係幾鍾意林明禎~ 講真呢個問題我真係煩惱左好耐，當時我係睇中左名店一粒0.7卡，真係好閃好閃，連埋個托靚到核爆! 我超級鍾意!但香港所有女性都話鑽戒點都係大粒好d雖然我知我呢個天下無敵no.1好既女友不論我送咩都會鍾意~但人總有喜好，同埋鍾意得我既應該都係鍾意大，2份之1機會，究竟我女友會鍾意質量定大粒呢? 經過我明查暗訪，由不同年齡層既男女代表及女友閨密投票後，以下係部份comments———女 :「我地個個朋友都係1卡或以上，都係大粒好d」 女 :「大! 我好膚淺ga~ 質量唔重要，最緊要大粒睇起嚟夠威~」 男生 : 「大! 就好似J咁，女人都係鍾意大! 老虎蟹都買大!!!!」 其中我覺得最有point既意見，係出自我呢個Blog提及多次既working holiday死黨C小姐 : 「鑽戒主要用途都係哂命g ma，出街時邊個會睇到妳芝麻咁細隻字係卡地亞定地利亞? 唔通與同事比較時，你要個未婚妻講『我呢粒雖然細d但好閃ga，係名牌嚟咩咩咩證書第幾級……』 人地睇既就係表面大唔大粒果一剎那，得鬼閒聽妳講內涵有幾好咩~」 咁鬼發人深省，應該要頒個獎比妳~所以結論就係 —– 除非你有能力比6位數去名店買粒1卡或以上又大又靚，否則都係去價格比較相宜的普通樓上鋪，買粒預算範圍內最大既好d~ 3. 鑽戒預算話說我有位兄弟想求婚，被女家賣鑽石既親戚屈佢買左粒6位數…….我覺得佢比人老笠……所以堅守你個budget真係好緊要!! 個個大富翁無限金錢咩，一定係睇餸食飯ga la!雖然老土都要講句「量力而為」，但個力又量成點先最合乎成本效益呢? 有人話公價係3個月人工，計我話都痴x線，甚至鑽石店職員都話其實無可能唔少已婚女生都話，鑽石戒指大多數係「結婚前戴係手，結婚後放床下底」，係戴都戴結婚介指啦，咁大粒石跌左花左點算? 鑽石就算係地球上最硬既物質都會磨花ga對於男人，鑽石戒指既主要功能其實係「令未來老婆係同事閨密面前唔輸得，唔可以比班三姑六婆閒話」，我地根本就唔介意買d乜野，但為左愛人既面子點都要上，係保護愛人，自我犧牲既偉大行為呀!!而且除非窮到燶，否則邊個會賣人生中最具紀念價值既代表物? 何況鑽石二手賣出會大貶值同埋求得婚都係預備結婚，香港結婚要使咁多錢留前鬥後好過啦!我覺得一個好女仔 (好似我女友咁)，一定唔會想你使過份多既錢係呢度! (咁當然潛台詞係「都唔好太hea啦」)所以結論係 —— 要買靚! 但唔好過份扔你副身家落去!威，係一時 ; 窮，係一世ga如果你另一半，會因為你唔買隻廿萬2卡D色而唔say Yes的話，老友，係咪應該諗下呢個人岩唔岩你呢?痛苦，都係一世ga 4. 揀石果陣要睇d乜?到你預約左睇石，係鑽石店坐低啦，咁究竟要做d咩呢?根據經驗，店員一定會先問你budget同卡數大小，所以上去前心內一定要有個budget，同要對4C有概念，做男人唔可以只係對36C有概念ga之後店員會囉石比你睇，記住一定要問佢囉放大鏡同GIA證書，可以的話問佢囉埋睇「八心八箭」既放大鏡 八心八箭 之後你就可以係燈光下睇下粒石有幾閃，再用放大鏡睇下有幾花~花係一定的，只不過係你接唔接受到，又或會唔會好礙眼~記住鑽石係「比較出嚟的」，單一粒兩粒唔會睇到任何分別，一定要將咁上下budget既幾粒排哂係度先會睇到邊粒岩心水d所以唔使怕羞ga，問佢囉多幾粒嚟睇啦~其實真係同睇女仔一樣，就咁睇唔會覺靚，一有對比之下……. 當你揀好鑽石，就可以揀埋戒指托了~戒指托大致分為簡單既「一石獨大」款或「碎鑽群星拱照」款，要咩款就個人喜好啦~大概都係$2-5000左右，既然幾萬蚊既鑽石都要左了，呢幾千蚊就唔好計較啦~有d朋友就鍾意戒指有d碎石襯托下~我個人就喜愛清清地「4爪托」來突出原石~ (我咁貴買粒石返嚟當然係要佢做主角啦!)同埋記得要揀可以托高粒石既款，會令鑽石睇落再大粒d ga~如果都係唔知點揀，最好就係搵店內女職員戴上手睇一睇，立體好多ga~ 4爪 – Photo credit : https://www.lovebirddiamond.com/products/18k-white-gold-4-prongs-twist-ring-setting-2 6爪 至於ring size可以遲d先比~有人話呢一part係最難，因為好難知道女友手指係咩size，甚至聽過有人低能地襯女友訓著囉條繩嚟度……我就唔明啦…………點解唔偷女友本身既手飾介指嚟量度呢????不過真係個個人唔同，如果真係無哂方法，都唔緊要ge，大多數店舖都有免費改一次ring size的~由於所謂改size係由大夾返細佢，所以買大少少無死錯人ge~ 或者問店員意見啦~ 呢個好似係歐洲size，係以前Marc Mirren sponsor我時比的~ Photo credit : https://marcmirren.com/tw/ring-size-guide 買鑽石即係揀老婆，除非好趕時間，吾則真係唔好心急一間唔岩既睇另一間，有心水既都可以唔咁快決定，睇多兩間比較下無壞的~不過記住鑲嵌鑽石需時，不同店舖會由一星期至六星期不等，所以最好都係預定求婚日前兩個月就做準備開始睇石啦~當然你話我突然福至心靈，今晚就要我向妳求婚ge，部份鑽石店都有少量已鑲嵌好即買即走既現貨的~ 5. 香港鑽石店鋪體驗講少少各間鑽石店啦~注意以下並唔係業配宣傳，係真正我個人體驗，當然我非常歡迎有人聯絡我sponsor啦~ 名牌店係大品牌買既好處係100%真石，100%一手靚貨，唔使煩太多，但價格非常貴，1卡左右就算I色應該都要$8-90000起跳。香港常見的鑽石大brand名牌店有以下呢幾間 :Cartier鑽石店中既巴塞，名牌愛好者必然選擇，窮鬼既我完全無諗過 Tiffany鑽石店中既皇馬，大量少女趨之若鶩的必然名牌，我計劃初期打算求其入去買粒石，但原來個價真係唔求其，窮鬼既我放棄左 Ginza銀座白石日本品牌，鑽石質量頂級，店員極好極好極好，講解用心、詳細而且唔hard sell，1卡以下的價格算合理範圍~可惜我今次target係1卡起跳，而且品牌在香港知名度不算高，曬命時欠缺震撼力。但我其實好想買佢…… I-PRIMO日本品牌，似乎以結婚戒指為主力，Sales聽到我話搵求婚戒鑽石時無咩反應，零介紹，只係叫我自己睇放哂係牆上果幾廿盒十萬蚊上下的鑽石，所以我自己睇左1分鐘後就走了。目測價格比Ginza略低極少，但都係貴。 Exelco Diamond Belgium係The ONE見到行埋入去，主打一層首期價格既鑽石，想要特別且超貴野可以考慮 其實仲有好多名牌店，不過我呢d凡人少接觸，剩係識呢d ga ja~ 最正既鑽石都係呢個~ 樓上細店大名牌講咁多先，以下係我於樓上細店既見聞 :有人會擔心樓上鑽石店會唔會係次貨假貨無咁靚，其實只要有正版既GIA證書，又睇到鑽石上個編號係一致的話，基本上問題不大所以問題只在於你對呢間店舖有無信心，又或者話係你入鋪果短短幾分鐘內，個職員比唔比到信心你 我有去過一間薄有名氣樓上店，開門一個著U記底衫凸肚腩的中年男人，就咁放哂d石係度唔出聲，問佢呢幾粒有咩唔同，佢答我「粒粒都差唔多ga啦，睇你鍾意邊粒啦」，問佢囉放大鏡睇八心八箭，搵左5分鐘後話放大鏡唔知放左係邊咁樣既服務我點可能信你ar??另外亦試過 —-網頁同IG廣告睇落超高貴專業，去到門市卻係潮特MK鋪feel，d鑽石戒指同五顏六色朱義盛放同一個兜囉出嚟，最大果粒0.5卡睇左兩粒就不停問我個人資料想夾硬開單囉唔出GIA證書問多兩句先肯話係人工鑽張GIA係簡體字但都有好ge~ 至少旺角L字頭同尖沙咀D字頭，呢兩間我都覺得服務非常專業，講解詳細，認真有禮~而最後，我都係D字頭買入一粒岩我心水，個人覺得性價比超高既鑽石~當鑲嵌好，取貨，打開果一剎那，不能不說，真係靚得有d感動 鑽石係一個象徵，一個你願意為對方許下一世承諾的象徵所以重要的是你既真心真意，與鑽石的大小及價錢無關再講多次，如果一個女仔會因為你無送兩卡鑽戒而唔肯應結婚…….. 飛左佢啦!最後，希望呢篇個人經驗文會對大家買鑽石時有用啦! 記得量力而為呀!謹在此預祝各位男士求婚成功! 抱得美人歸! =======================================請大家Follow我Instagram啦~Instagram :https://www.instagram.com/fung_garcia_backpacker/ ===================================== 我既Youtube Channel已經開通啦!!!!快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~ 鋒加西亞/旅人瘋語 Youtube Channel 主要影片 ：【泰國】【芭堤雅】誤入邪骨!? 芭堤雅色情行業真相!【歐洲】人有三急在歐洲怎辦? 卑鄙無恥! 歐洲免費廁所全攻略【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!【希臘】型爆海盜船酒吧扮魔盜王！超值60蚊一杯包遊船河！？白濱系列 :【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住!旅行故事系列 :【台北】誤闖台灣三溫暖，內裡竟然係……嚇死人咩！【格魯吉亞】最慘的4小時! 格魯吉亞地獄小巴之旅!【波蘭】在納粹集中營，我竟聽到了……一世難忘的恐怖回憶!【台灣】我在台北拾屍的經驗︱美女強吻? 艷福無邊? 浪漫奇遇? (新片呀!!!!!!!!!)================================= Email : funggarcia@gmail.comwww.facebook.com/Garcia.in.Germany 文章同時刊於以下平台，請各位多多支持呀!!!!!!!!!!!!!UBlogDC Fever TravelMedium
